ROMUDENƆ 7

Ó kú Musa doka ɔĩ doro

1Ma gbɛ̃nɔ, matɛn yã oárɛ lán gbɛ̃ kũ ò Musa doka dɔ̃nɔ bà. Á dɔ̃ kũ doka iko vĩ gbɛ̃a gɔrɔ kũ à kun kũ wɛ̃̀ndiionloo? 2Lɛn doka pì nɔzãre yĩ̀ a zãnɛ lɛ gɔrɔ kũ à kun kũ wɛ̃̀ndiio. Tó a zã gà, akũ doka pìi dì poroa. 3Gɔrɔ kũ a zã kun, tó à gɔ̃̀ gɔ̃ pãnde pɔ́ ũ, oni pinɛ zinakɛriimɛ. Tó a zã gàmɛ sɔ̃, doka pìi pòroaan gwe. Tó à gɔ̃̀ gɔ̃ pãnde pɔ́ ũ sà, abirekũ bi zina yãmɛ doro. 4Lɛn ákɔ̃nɔ se ma gbɛ̃nɔ, a ga doka musu Kirisi mɛ̀ɛ gãi, akũ a gɔ̃ gbɛ̃ kũ à vù gan pì pɔ́ ũ, de ò le ò karana le Luda pɔ́ ũ. 5Kũ ó dàa dòwɛrɛ arɛ yã, doka mɛ́ à tò durunna ni ó kũ ó mɛ̀ɛ gũn, akũ o karana lè ga pɔ́ ũ. 6Tera sà o ga pɔ́ kũ à ó kũ zɔ̀ ũ pì yã musu, o bo dokan, akũ ótɛn do Ludai a Nini zɛ́ dufu gũn, adi kɛ doka takada zɛ́ zĩ gũnlo.

Doka kũ durunnao

7Óni pi deramɛɛ? Luda doka bi durunnan yá? Lɛnlo fá! Doka pì mɛ́ à tò ma durunna dɔ̃̀. Tó doka dí pì òsun pɔ́ ni dɛroro,#Bon 20:17 de má dɔ̃ deran pɔ́nidɛna dìgɔ̃ de nàro. 8Durunna zɛki lè Luda yãditɛnaa pìia, akũ à tò pɔ́ sĩnda pínki ni ma kũ. Zaakũ má doka dɔ̃ro, durunna demɛnɛ yãke ũro. 9Má kun yã doka sari, ama kũ ma yãditɛnaa pìi mà, durunna vù in, 10akũ ma ga. Yãditɛna kũ à de à wɛ̃̀ndi kpáma pìi sùmɛnɛ kũ gao. 11Durunna zɛki lè yãditɛnaa pìia, akũ à kɛ̀kɛ à ma dɛ yã pìi gãi. 12Lɛmɛ doka pì kunna adona, akũsɔ̃ Luda yãditɛnaa pì kunna adona, à zɛ́ vĩ akũsɔ̃ à mana. 13Yã mana mɛ́ à tò ma ga yá? Lɛnlo fá! De durunna le à bo gupuraa, à ga ìmɛnɛ yã mana gãi, de ò durunna dɔ̃ durunna ũ yãditɛnaa pìi gãi.

Zĩ̀kana kũ durunnao

14Ó dɔ̃ kũ doka pì bò Luda kĩnaamɛ. Makũ sɔ̃, dàden ma ũ, má na durunna ɔĩ. 15Madìgɔ̃ yã kũ matɛn kɛ gbá dɔ̃ro, zaakũ madì yã kũ má ye mà kɛ kɛro, yã kũ má ye mà kɛron madì kɛ.#Gal 5:17 16Tó yã kũ ma kɛ̀ dí kɔ̃ sí kũ ma pɔyeinaaoro, ma we kũ doka pì mana. 17Adi kɛ makũ mɛ́ matɛn kɛro, durunna kũ à kú ma gũmmɛ. 18Má dɔ̃ kũ yã mana kú ma gũnlo, ma dà manaro. Madìgɔ̃ ye mà yã mana kɛ, ama madì fɔ̃ mà kɛro. 19Yã mana kũ má ye mà kɛ, madì kɛro. Yã vãni kũ má yeiron madì kɛ. 20Tó yã kũ má yeiron matɛn kɛ, adi kɛ makũ mɛ́ matɛn kɛro, durunna kũ à kú ma gũmmɛ. 21Ma è tó má ye mà a mana kɛ, a vãni mɛ́ àdi domɛnɛ arɛ. 22Luda doka mɛ́ àdi kɛmɛnɛ nna ma swɛ̃̀ɛ gũn, 23ama ma è iko pãnden kú ma mɛ̀ɛ gũn, àdigɔ̃ zĩ̀ ká kũ iko kũ à kú ma laasun gũnwo, akũ má na durunna iko kũ à kú ma mɛ̀ɛ gũn pì ɔĩ. 24Makũ wɛ̃ndade ina, dí mɛ́ ani ma sí ma mɛ̀ kũ à ma kpa gai dí ɔĩi? 25Ma sáabu kɛ̀ kũ Ludao! Kũ ó Dikiri Yesu Kirisi gbãnao. Lɛn má de zɔ̀ ũ Luda dokanɛ ma laasun gũn lɛ, akũsɔ̃ má de zɔ̀ ũ durunna ikoonɛ ma dàa gũn.

Currently Selected:

ROMUDENƆ 7: BB2005

Highlight

Copy