1 KƆRINTIDENƆ 5

Pãpãkɛna Yesudenɔ tɛ́

1Ma mà pãpãkɛnaa gɛ̃̀ á tɛ́, yã kũ a taka kú bee kifirinɔ tɛ́ sero. Ò pì, á gbɛ̃nɔ doke a de nɔ wɛ̀tɛ. 2Akũ átɛn ĩa dã yá? À kũ̀ á nɛ̀sɛɛ yaka, à gbɛ̃ kũ à yã pìi kɛ̀ bo á tɛ́. 3Bee tó má kú kãáoro, ma nini kú kãáo, akũ ma yãkpatɛ kɛ̀ kũ gbɛ̃ kũ à yã pìi kɛ̀ɛo gɔ̃̀nɔ lákũ ò pi má kú gwe bà. 4-5Tó a kɔ̃ kàkara, tó ó Dikiri Yesu gbãna kú kãáo, tó ma nini kú kãáo, à gbɛ̃ pì kpá Setanwa kũ ó Dikiri Yesu tɔ́o, de a dà kakatɛ, a nini le à bo aafia Dikiri sugɔrɔ zĩ.

6Á ĩadãna manaro. Á dɔ̃ kũ lùbɛnɛ fíti dì flawadɛna zɔ̃kɔ̃ sɛ́roo? 7À lùbɛnɛ zĩ kɔ́tɛ, á gɔ̃ flawa dufu ũ a lùbɛnɛɛ sari, lákũ à kɔ̃ sìo àgɔ̃ de nà, zaakũ Kirisi gà ó Vĩnla sãnɛ bɔ̀rɔ ũmɛ. 8A yã mɛ́ à tò ògɔ̃ kun Burodi Futɛnasari dikpɛkɛrinɔ ũ yãpura gũn kũ nɛ̀sɛpurao. Òsungɔ̃ kun lùbɛnɛ zĩ dikpɛkɛrinɔ ũ manafiki kũ yãvãnikɛnaao gũnlo.

9Takada kũ ma kɛ̃̀árɛ gũn ma pì, àsun kakara kũ pãpãkɛrinɔoro. 10Adi kɛ andunia dí pãpãkɛrinɔ ke wãkũdenɔ kũ gbɛ̃blerinɔ ke tãnagbagbarinɔnlo, zaakũ tó gbɛ̃ díkɔ̃nɔmɛ, séde áni bo andunia gũn. 11Oi, ma òárɛ gbɛ̃ kũ ò pì ó gbɛ̃mɛ, akũsɔ̃ à de pãpãkɛri ke wãkũde ke tãnagbagbari ke gbɛ̃yakari ke wɛ̃dɛri ke gbɛ̃bleri ũ, àsun kakara kãaoro, àsun ɔ kakara kãao sero. 12Ma bàka ũgba kũ yãgɔ̃gɔ̃na kũ Yesusaridenɔoo? Á zĩda gbɛ̃nɔ mɛ́ à kɔ̃ sìo à yã gɔ̃gɔ̃ kũńworoo? 13Luda mɛ́ ani yãkpatɛ kɛ kũ Yesusaridenɔo. À gbɛ̃ vãni pì bo á tɛ́.

Currently Selected:

1 KƆRINTIDENƆ 5: BB2005

Highlight

Copy