1 KƆRINTIDENƆ 12

Luda Nini gbanɔ

1Ma gbɛ̃nɔ, Luda Nini gbanɔ yã musu, má ye àgɔ̃ dɔ̃nasariro. 2Á dɔ̃ kũ gɔrɔ kũ á de kifirinɔ ũ, tãna kũ òdi yã oronɔ mɛ́ òdigɔ̃ á gátɛ, ògɔ̃ doárɛ arɛ. 3Abire yãi ma ye àgɔ̃ dɔ̃ kũ Luda Nini dì didi gbɛ̃a à Yesu láari kɛro, akũsɔ̃ gbɛ̃ke ni fɔ̃ à o Yesumɛ Dikiri ũro, séto Luda Nini donɛ arɛ.

4Gba buri dasi, ama Luda Nini mɛ̀n do pìimɛ. 5Zĩ buri dasi, ama Dikiri mɛ̀n do pìimɛ. 6Gbãna sèedanɔ buri dasi, ama Luda mɛ̀n do pìimɛ, àkũ mɛ́ àdi a pínki kɛ baadinɛ. 7Luda Nini dì didi baadia gbɛ̃ sĩnda pínki karana yãimɛ. 8Luda Nini dì gbɛ̃ke gba zɛ́ à ɔ̃ndɔ̃ yã o, akũ Nini mɛ̀n do pìi dì gbɛ̃ pãnde gba zɛ́ à dɔ̃na yã o. 9Nini mɛ̀n do pìi dì gbɛ̃ pãnde gba ludanaanikɛna zɛ́, gbɛ̃ pãnde sɔ̃ gbɛ̃ werekɔ̃ana zɛ́. 10Àdi gbɛ̃ gba daboyãkɛna zɛ́, gbɛ̃ pãnde sɔ̃ annabikɛyã'ona zɛ́. Àdi gbɛ̃ gba zɛ́ à nininɔ dɔ̃kɔ̃nɛ. Àdi gbɛ̃ gba zɛ́ à yãke buri o, àdi gbɛ̃ gba yãke buri pì bɔkɔtɛna zɛ́. 11Nini dokɔ̃nɔ mɛ̀n do pì mɛ́ àdi a pínki kɛ, àdi gba pì da baadinɛ lákũ à yei nà.

Mɛ̀ kũ a gunɔ

12Mɛ̀ mɛ̀n do gunɔn dasi. Bee kũ a dasikɛo, mɛ̀ mɛ̀n domɛ pínki. Lɛn ó kunna Kirisi gũn de lɛ se. 13Ókɔ̃nɔ pínki, Yudanɔ ke buri pãndenɔ, zɔ̀nɔ ke zĩdadenɔ, Luda ó kɛ́ mɛ̀ dokɔ̃nɔ ũ kũ a Nini mɛ̀n do pì gbãnaomɛ, à ó gbá a Nini mɛ̀n do pìi, akũ o mì ó pínki. 14Mɛ̀gunɔn dasi, adi kɛ mɛ̀n donlo. 15Tó gbá pì, lákũ ɔn a ũro nà, á de mɛ̀ pɔ́ ũro, abire yãi anigɔ̃ de mɛ̀ pɔ́ ũro yá? 16Tó sã pì, lákũ wɛ́n a ũro nà, á de mɛ̀ pɔ́ ũro, abire yãi anigɔ̃ de mɛ̀ pɔ́ ũro yá? 17Tó mɛ̀ bũnu de wɛ́ ũ, bɔ́n oni yã maoo? Tó mɛ̀ bũnu de sã ũ, bɔ́n oni pɔ́ gbĩ maoo? 18Lákũ à de nà, Luda mɛ̀gunɔ pɛ̀pɛkɛrɛ ń pínki, lákũ à yei nà. 19Tó ń pínki de mɛ̀gu buri dokɔ̃nɔ ũ, mɛ̀ nigɔ̃ kú mámɛɛ? 20Tera sà mɛ̀gunɔn dasi, mɛ̀ mɛ̀n domɛ. 21Wɛ́ ni fɔ̃ à pi ɔnɛ a bàka kú kãaororo. Lɛmɛ dɔ mì ni fɔ̃ à pi gbánɛ a bàka kú kãaororo. 22Mɛ̀gu kũ òtɛn da à kĩana, mɛ̀ ni fɔ̃ à kɛ a sariro. 23Mɛ̀gu kũ òtɛn da à gakuri vĩro, òdi a kpe ta de mɛ̀gu kparanɔla. A gu kũ òtɛni a ena ditɛ wé'iyã ũ, òdi pɔ́ nai de mɛ̀gu kparanɔla, 24ama a pɔ́ kũ à mana bàka kú kũ adioro. Kũ Luda mɛ̀ɛ kàkara, à gakuri kàra mɛ̀gu kũ gakuri tɛn kĩaḿmanɔnɛ de mɛ̀gu kparanɔla, 25lɛ mɛ̀ súngɔ̃ kpaatɛtɛnaro, a gunɔn kɔ̃ yã dɔ̃. 26Tó mɛ̀gunɔ doke tɛn wari kɛ, a mɛ̀gu kparanɔ pínki dì kɛ kãaomɛ. Tó ò mɛ̀gunɔ doke kpe tà, a mɛ̀gu kparanɔ pínki dì pɔnna kɛ kãaomɛ.

27Ákɔ̃nɔmɛ Kirisi mɛ̀ ũ, akũsɔ̃ á baadi de mɛ̀ɛ pì gu ũ. 28Káaku gĩa Luda zĩ̀rinɔ dìtɛ sɔsi gbɛ̃nɔnɛ, a plade annabinɔ, a aakɔ̃de yãdannɛrinɔ, abire gbɛra dabokɛrinɔ, abire gbɛra gbɛ̃ kũ à ń gbá gbɛ̃ werekɔ̃ana zɛ́nɔ kũ kpanyĩrinɔ kũ yãgɔ̃gɔ̃rinɔ kũ gbɛ̃ kũ òdi yãke buri onɔ. 29Zĩ̀rinɔmɛ ń ũ ń pínki yá? Annabinɔmɛ ń ũ ń pínki yá? Yãdannɛrinɔmɛ ń ũ ń pínki yá? Dabokɛrinɔmɛ ń ũ ń pínki yá? 30Luda gbɛ̃ werekɔ̃ana gba dàńnɛ ń pínkin yá? Òdi yãke buri o ń pínkin yá? Òdi yãke buri bɔkɔtɛ ń pínkin yá? 31À wɛ́ pɛ́ gba kũ ò deńlanɔa.

Tera sà mani zɛ́ kũ à mana deńla mɔárɛ.

Currently Selected:

1 KƆRINTIDENƆ 12: BB2005

Highlight

Copy