Zákaryâ 2
2
Akat nyí o/ri kyi-kim ne Orí-Byěm ekan
1Ké akat akíri, me n/ri onyinchéng obónge ne orí mú badakan byěm ké bubwô. 2M-bí onyinchéng ámu n/fu, wo amu a-wâa ng nyá.
Nyǐ o-faa o/fu, mu n-wâa ng n-da-kan Jerúsélem n-ri eringe nyí o/rêe baryên o-kwóp to butang.
3Ne n-ri kâng orím mú onong mú o/mû o-pem m ne me o-tín o-bâ kashú, orím mú onong okíri o-bâ o-kâm ǎ. 4Orím mú onong mú mbwôp kashú o-raa ne mú obónge o/fu, zóngê ochéé a-da-sét mú wǎn-kyisat ámu ne orí mú badakan byěm a/fu, banet ne bampong ba/chi ba-jang ejê chwóó ké Jerúsélem ńkyí kyi/chi kyi-chi kámú o-rêe o-shwôm mú baa*man ebi ekpe ba-wáp kámú ba-fé ké kafâ*. 5Óburúkpâbí oo/ryí ocím o/fu, nyǐ oyén o/chi o-kyú ekpe nyí okwâ, nyí e/chi e-wâng oshê e-ku kámú, ne nyǐ o/chi o-kyú ányi ne kángkáng busa ḿbú busan emen ḿbú ragerage.
Óburúkpâbí o/kó Banet ḿbé ba/kám Kámbé wǎ Básóng o/fu, babwa Esim Dyijê
6-7Óburúkpâbí o/sét banet emen o/fu, me m/pwó běn byiryibyiryi ké byikit. Nké kántîk, ben mú bamu ba-kyú u ké eshê-banet wǎ básóng, chêe n̂g ké Bábyílon ba-bwa esim dyijê ké Jerúsélem. 8Nang yeě nké o/ta běn ányi o/ta chwǒm ńkyí kyi/jang mě ejap ké dyityém.
Ne Óburúkpâbí kâng o-sét mě kyitwóm ńkyín o/fu, me nda-sét eshê nyí ee/kpógê banet emen, o/fu, 9Óburúkpâbí oyén o/chi o-nwa ne ben, ne banet ḿbé ké nkéré obónge ba/mû básóng enen ba/chi ba-kpógê běn.
Ké nkéré mú ńkyín kii/chi, nang yeě o/chi o-nyît o/fu, Óburúkpâbí mú o/rêe o-shwôm nké o/twóm mě.
10Óburúkpâbí o/raa o/fu, banet ḿbé Jerúsélem, kwán n̂ ekwan nyí bunyîn-dyityém. Me n-kú m-bâ m-ba-kyú ne ben.
11Ké nkéré ámu, eshê chwóó e/chi e-bâ e-kâm Óburúkpâbí e-firi banet emen. Nyǐ o/chi o-kyú ne ben, ne ben ba/chi ba-nyît ba/fu, nyǐ nké o/twóm mě oshê enen. 12Júda o/chi o-chîkyú kiǐtí-chwǒm ńkyí kyi/já Óburúkpâbí ké esí-ociring emen, ne Jerúsélem o/chi o-kyú oshê mú oda ǎ ejê o-shwôm eshê kángkáng.
13Nang yeě nang yeě ocíbî pyêp ké bushú ḿbú Óburúkpâbí, ké nǎ, nyǐ o-kú o-fím m ké kyikit-ociring emen ńkyí mu o-kyú u o-bâ.
Currently Selected:
Zákaryâ 2: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
