PUDUT 5
5
Inul Adam
(1 In 1.1–4)
1 Ini surat anak inul Adam. Kareb Tuhan Allah nenganau' lemulun, Ieh nemudut neneh maya' ayuNeh sebuleng. 2 Idi Ieh nenganau' nedidueh ku deléi idi decur, idi Ieh nengeperuan nedidueh, idi Ieh nenganau' ngadan didueh “Lemulun.” 3Kareb ulun Adam 130 lak, idi ieh nenginul aceh anak deléi mepad kudeng ayunéh, idi ieh neneten ngadanneh Set. 4Muci ratnan ineh Adam mulun 800 lak, idi ieh nenginul tuda'-tuda' anak teh. 5Kareb Adam naté, ulunneh 930 lak.
6Kareb ulun Set 105 lak, idi ieh nenginul Enos. 7Idi muci ratnan ineh, idi Set mulun 807 lak, idi ieh nenginul tuda'-tuda' anak teh. 8Kareb Set naté ulunneh 912 lak.
9Kareb ulun Enos 90 lak, idi ieh nenginul Kainan. 10Muci ratnan ineh, ieh mulun 815 lak, idi ieh nenginul tuda'-tuda' anak teh. 11Kareb Enos naté, ulunneh 905 lak.
12Kareb ulun Kainan 70 lak, idi ieh nenginul Malalel. 13Muci ratnan ineh, Kainan mulun 840 lak, idi ieh nenginul tuda'-tuda' anak teh. 14Kareb Kainan naté, ulunneh 910 lak.
15Kareb ulun Malalel 65 lak, idi ieh nenginul Yarid. 16Muci ratnan ineh Malalel mulun 830 lak, idi ieh nenginul tuda'-tuda' anak teh. 17Kareb Malalel naté, ulunneh 895 lak.
18Kareb ulun Yarid 162 lak, idi ieh nenginul Enok. 19Muci ratnan ineh, Yarid mulun 800 lak, idi ieh nenginul tuda'-tuda' anak teh. 20Kareb Yarid naté ulunneh 962 lak.
21Kareb ulun Enok 65 lak, idi ieh nenginul Metusala. 22Muci ratnan ineh Enok perurum dengan Allah 300 lak, idi ieh nenginul tuda'-tuda' anak teh, 23pad macing ulun Enok ineh 365 lak. 24 Idi Enok ineh perurum dengan Allah ruked ulunneh, idi ieh na idi peh, ngaceku Allah nengalap neneh.
25Kareb ulun Metusala ineh 187 lak, idi ieh nenginul Lamék. 26Muci ratnan ineh, Metusala mulun 782 lak, idi ieh nenginul tuda'-tuda' anak teh. 27Kareb Metusala naté ulunneh 969 lak.
28Kareb ulun Lamék 182 lak, idi ieh nenginul aceh anak deléi. 29Idi ieh neneten ngadanneh Noh, kebalaneh, “Anak ini luk miak ngubuk netau bang erur tau idi bang ét ticu' tau ngaceku ratnan tana' ini luk pangeh kidiman Tuhan.” 30Idi muci ratnan ineh, Lamék mulun 595 lak, idi ieh nenginul tuda'-tuda' anak teh. 31Kareb Lamék naté ulunneh 777 lak.
32Kareb ulun Noh 500 lak, idi ieh nenginul Sem, Ham, idi Yapet.
Currently Selected:
PUDUT 5: BLD
Highlight
Share
Copy
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
