Matayo 8
8
Etisika Yesu ltung'ana le nkeeya oo lbolot
(Mk 1.40-45; Lk 5.12-16)
1Ore pee edou Yesu to ldoinyo, neirukurukore iltung'ana kumok. 2Nelotu enetii oloata enkeeya oo lbolot, negil kung aserem, nejoki, “Lo kitok, ti niyieu kindim atisika.”
3Neitorioo Yesu enkaina enye neiseyie nejo, “Kayieu; tisikayu.” Nesikari nabo kata enkeeya enye. 4#Ilaw 14.1-32Nejoki Yesu ninye, “Miliki ake oltung'ani, kake shomo intoduaai kewan to olapolosani, nintayu enkishooroto naitanapishe Musa, metaa shakenisho te ninche.”
Eishiunyeki osinka lo lkitok loo sikarini
(Lk 7.1-10)
5Ore pee ejing Yesu Kapernaum, nelotu olkitok loo sikarini enetii asai ninye, 6nejoki, “Lo kitok, eirrag olaisiaayiani lai ti aji, etaa olmaima, neitabayie emuoyian oleng.”
7Nejoki Yesu, “Kalotu aishiunye.”
8Newaliki ilo kitok loo sikarini ajoki, “Lo kitok, kaamakua nanu ti nijing'u enkaji ai, kake tejo ake olomoni obo, naa keishiu olaisiaayiani lai. 9#Bar 3.33-35Amu ara sii nanu oltung'ani otii abori enkitoo, naata nanu sikarini laatii ti abori, te najoki obo, ‘Shomo,’ nelo; najoki likae, ‘Wou,’ nelotu; naa te najoki osinka lai, ‘Taasa ena, neas.’ ”
10Ore pee ening Yesu nena, neing'asia nejoki lelo oosujita, “Esipa ajoki intae, eitu ae kata adol likae tiatua Siraeli oata enkirukoto sapuk naba inji. 11#Lk 13.29Najoki nanu intae, kepuonu ilkumok ooing'uaa oloosaen o loontoluo aatoni te nebo Abraham o Isaak o Yakobo tiatua enkitoria e keper; 12#Mat 22.13; 25.30; Lk 13.28kake ore lelo laa ninche naaji ile ina kitoria nenang'akini atua enaimin e auluo; neaku enkishirata o eonyoto oo lala.” 13Nejoki Yesu ilo kitok loo sikarini, “Shomo ang; metotiwuo te iyie anaa ina niruko.”
Neishiunyeki olaisiaayiani lenye teina kata ake.
Eishiunyeki iltung'ana kumok
(Mk 1.29-34; Lk 4.38-41)
14Ore pee ejing Yesu enkaji e Petero, nedol enkaputani e Petero eirrag emuoi oloirobi. 15Neiseyie enkaina enye neing'ueki oloirobi, neinyototo aisiaai ninye.
16Ore pee eaku teipa, neyakini Yesuilkumok ooata iloiriruani nearaa iloiriruani to rorei, neishiunye lelo pooki oomuoi, 17#Isa 53.4Pee etum atabai enairoroki to loiboni le Nkai oji Isaya pee ejo, “Ewa ninye openy imuoyiaritin ang, netanapa inkeyaitin ang.”
Ilooitaakuno keyieu nesuj Yesu
(Lk 9.57-62)
18Ore pee edol Yesu iltung'ana kumok emanita, neitanap metalang'a aapuo lido kekun. 19Nelotu olaiteng'enani loo nkitanapat nejoki, “Lo Aiteng'enani, kaasuj pooki wueji nilo.”
20Nejoki Yesu, “Keeta imbariak ingumot, neeta motonyi o loing'ang'e nkajijik enye kake meeta Enkerai e Tung'ani eneiteleiki endukuya enye.”
21 #
Tob 4.3,4 Nejoki likai loo lkipaareta lenye, “Lo kitok, inchooki matang'asa alo anukaa papa.”
22Kake etiaaka Yesu ninye, “Tusujuaki iyie; inchoo ilmeneng'a metunukai ilmeneng'a lenye.”
23Ore pee ejing Yesu empeut, nesuj lkipaareta lenyena. 24Nedumunye olkutati kitok te naiposha, metaa keimisie ilopir le nkare empeut; kake keirura ninye Yesu. 25Nepuo enetii lkipaareta lenyena, neinyeyie, nejoki, “Intajeu iyiook, Lo Kitok, amu kindaaitie.”
26Nejoki, “Kainyoo pee iureishoyuyu intae ilooti enkirukoto?” Neinyototo neisikong olkutati o enaiposha; nelotu enkitirring'ata kitok.
27Neing'asia lelo tung'ana nejo, “Kaa pukunoto o ltung'ani ele oning olkutati o enaiposha?”
Etaarayie Yesu iloiriruani to iltung'ana loo Lgadaren
(Mk 5.1-20; Lk 8.26-39)
28Ore pee ebaiki Yesu lido kekun le nkop oo Lgadaren, nenang'are iltung'ana oaare ooata iloiriruani oopi oleng ooing'uaa inkuraren o metaa meidim oltung'ani aima ina oitoi. 29Nebuak ninche aajo, “Kainyoo iatakinore iyie iyiook Enkerai e Nkai? Amaa iewuo iyie aitame iyiook eton eng'or enkata?”
30Netii eluaata oo lbitiro nadaa nalakuaniki ninche. 31Nesai lelo oiriruani Yesu aajoki, “Te naa iaraa iyiook aipang'ie, inchoo iyiook maape aajing enda boo oo lbitiro.”
32Nejoki, “Enchom.” Ore pee eipung ninche, nepuo aajing ilbitiro; nekuet emboo pooki, nesulari te marti aajing enaiposha, neye tiatua enkare.
33Neilanyisho ilchekuti aapuo inkang'itie enye nelikioo imbaa pooki o nena naataasate te lelo ooata iloiriruani. 34Nepuku enkanasa pooki aapuo aanang'are Yesu; ore pee edol nesai metung'uai ilo kirine lenye.
Currently Selected:
Matayo 8: BIBLIAPRO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018
