Matayo 5
5
Ilomon ootolikioyie Yesu to ldoinyo
1Ore pee edol Yesu iltung'ana kumok neilepaki oldoinyo: ore pee eton nepuonu lkipaareta lenyena enetii. 2Neiteng'en ninye ninche nejo:
Kulo oomayiana te Nkai
(Lk 6.20-23)
3“Emayiana ilaisinak too ltauja;
amu enenye enkitoria e keper.
4 #
Isa 61.2
“Emayiana ilooishir; amu ninche eilejileji.
5 #
Olk 37.11
“Emayiana ilo obor; amu ninche oojung enkop.
6 #
Isa 55.1,2; Esek 24.21 “Emayiana ilooata esumash o enkure eing'oru enayieu Enkai;
amu ninche eitaraposhi.
7“Emayiana ilooata olng'ur amu ninche eing'urrieki.
8 #
Olk 24.3,4 “Emayiana ilooitukuo iltauja; amu ninche oodol Enkai.
9“Emayiana lelo ooitayu osotua;
amu ninche eji inkera e Nkai.
10 #
1 Pet 3.14
“Emayiana lelo ooisilisili te nkaraki enayieu Enkai
amu enenye enkitoria e keper.
11 #
1 Pet 4.14
“Imayianana intae te nesukeny ninche intae, neisilisil, neiteeniki intae imbaa pooki torrok e lejare te naa te nkaraki nanu. 12#2 Int 36.16; Esek 2.8; Iat 7.52Enting'idata nishipapa oleng; amu kitok olerrinyore linyi te keper; amu eisilisilo ninche aaiko neijia iloibonok le Nkai ootii apa te dukuya intae.
Emunyan o ewang'an
(Mk 9.50; Lk 14.34-35)
13 #
Mk 9.50; Lk 14.34,35 “Irara intae emunyan e nkop; kake te netuyiatuyu emunyan, ainyoo eshukokinyeki enkisuisho? Meitoki aata tipat katukul, kake kenang'ari boo meitunyoi iltung'ana too nkejek.
14 #
Yhn 8.12; 9.5 “Irara intae ewang'an e nkop. Meisudoroyu enkanasa natii oldoinyo. 15#Mk 4.21; Lk 8.16; 11.33Nemeinok sii ltung'ana oltaa nepising to ltoo, kake eiteleiki olperere; neitawang'aki pooki ootii aji. 16#1 Pet 2.12Ore sii ntae enchoo ewang'an inyi metawang'a te dukuya iltung'ana pee edol iasat inyi supati, pee eyanyituni Papa linyi otii keper.
Etuutua Yesu enajo nkitanapat
17“Emijo kaewuo aitarruoo Nkitanapat aashu inaaigero loibonok le Nkai, eitu alotu aitarruoo kake pee aitabaya. 18#Lk 16.17Amu esipa ajoki intae, ore ometaba anaa nelusoo shumata o enkop, melusoo osirata obo anaa oltipoto obo loo Nkitanapat eitu eitabari. 19Ore pooki ng'ae ogil enkitanapata nabo e kuna kutiti, hoo te naa enkinyi, neitayiolo ilkulikae metigila, naa keji ninye olkini te pooki te nkitoria e keper; kake ore oloas nena neitayiolo sii ilkulikae metaasa, naa keji ilo olkitok te nkitoria e keper. 20Amu ajoki intae te nemelusoo esupatisho inyi alang enoo laiteng'enak loo nkitanapat o enoo Lfarisayo, nimijing'ijing'i enkitoria e keper.
Kuna baa etejo Yesu tialo engoro
(Lk 12.57-59)
21 #
Ena 20.13; Enkig 5.17 “Itoning'o aajo etiaakaki iltung'ana li apa, ‘Miar metua; naa ore oloar metua neishiaakino enkiguana.’ 22Kake ajoki nanu intae, ore pooki ogorokino olalashe, naa keishiaakino enkiguana; ore olosukeny olalashe, neishiaakino, nerikokini ilkituaak; ore olodekisho ajo ‘Lo modai!’ Keishiaakino olbalbal le nkima. 23Naa ti niyau enkishooroto ino olperere lo lasar, nidamu teine olalashe lino likiaatakinore, 24tung'uai teine enkishooroto te mbata o lperere lo lasar, shomo; tang'asa toning'ore olalashe lino, pee intoki ashukunye aitayu enkishooroto ino.
25“Tasioki toning'ore olintarrikinore eton iriamariri te nkoitoi; pee mikirik enetii oladung'oni le nkiguana nikirikoki oladung'oni le nkiguana osikari, nikinang'akini jila. 26Esipa aajoki, mipuku teine katukul ometaba anaa nilak empisai nabayie.
Kuna baa etejo Yesu tialo eloloito
27 #
Ena 20.14; Enkig 5.18 “Itoning'o aajo etejoki, ‘Miloloito.’ 28Kake ajoki nanu intae, ore oloing'or eng'oruoi neng'uar eidipa atololoito to ltau lenye. 29#Mat 18.9; Mk 9.47Ti nikintasur enkong'u ino e tatene, tukurtu, inturrai, amu enaikash te neimin erubata nabo alang te nenang'akini osesen lino pooki olbalbal le nkima. 30#Mat 18.8; Mk 9.43Naa ti nikintasur enkaina ino e tatene, tudung'u inturrai; amu eikash erubata ino nabo te neimin, alang osesen lino pooki te nenang'akini olbalbal le nkima.
Kuna baa etejo Yesu tialo eoro o lee o enkitok
(Mat 19.9; Mk 10.11-12; Lk 16.18)
31 #
Enkig 24.1-4; Mat 19.7; Mk 10.4 “Etejoki sii, ‘Ore oloorore enkitok enye, inchoo eisho ninye empalai naorore.’ 32#Mat 19.9; Mk 10.11,12; Lk 16.18; 1 Ilkor 7.10,11Kake ajoki nanu intae, ore pooki ng'ae oorore enkitok enye, neme te nkaraki e loloito ake, etipika ninye atua eloloito; ore oloyam ina natoororeki, etololoite ninye.
Kuna baa etejo Yesu tialo enkinosata o lmumai
33 #
Ilaw 19.12; Enki 30.2; Enkig 23.21 “Itoning'o sii iltung'ana li apa enatiaakaki, ‘Minya olmumai le lejare, kake intabai ilmuma linono to Laitoriani.’ 34#Yko 5.12; Isa 66.1; Mat 23.22Kake ajoki nanu intae eminya ilmuma katukul hoo te keper, amu olorika le nkitoria e Nkai; 35#Isa 66.1; Olk 48.2aashu te nkop, amu olorika loo nkejek enyena; aashu te Yerusalem, amu enkang o laiguanani kitok. 36Minya olmumai te ndukuya ino, amu mindim aiborrie olpapita obo anaa aitoroka. 37Kake enchoo irorei linyi metaa ee, neaku ee, aashu mme, neaku mme, amu ore enalusoo te nena naa ilo torrono eing'uaa.
Kuna baa etejo Yesu tialo enkitalakunoto oo lapi
(Lk 6.29-30)
38 #
Ena 21.24; Ilaw 24.20; Enkig 19.21 “Itoning'o aajo etejoki, ‘Enkong'u o te nkong'u, o olalae to lalae.’ 39Kake ajoki nanu intae, migilunore olikintaas entorrono kake ore olikiosh eseder e tatene, imbelekenyaki sii enkae. 40Ore oltung'ani pooki oyieu nikirik enkiguana, eyieu nikioru olkila li atua, inchoo meewa sii oli oriong. 41Ore olikiaraki, shomo enkilomita nabo, shomo are. 42Ore olikiomon, inchoo; ore olikisilen, mimitiki.
Entonyor ilmang'ati linyi
(Lk 6.27-28,32-36)
43 #
Esek 12.4-7
“Itoning'o aajo etejoki, ‘Tonyorra ole latia ino, nimbayu olmang'atinta lino.’ 44Kake ajoki nanu intae, entonyor ilmang'ati linyi, niomonokiki lelo ooisilisil intae; 45#Esek 4.10pee itumutumu intae aataa inkera e Papa linyi otii keper; amu eilepakinye enkolong enye iltorrok o supati neirriwaki enchan ilooata sipat o ilemeeta. 46Amu ti ninyorrinyorro iloonyor intae, kaa shunet itumutumu intae? Ai meiko neijia oshi ilasotok le kodi? 47Naa te naa ilalashera linyi ake irorokiki, kaa yasata naa italang'ie ilkulikae? Ai meiko oshi neijia ilkulikae oreren? 48#Ilaw 19.2; Enkig 18.13Entaa naa bayarot anaa Papa linyi otii keper laa aibayaroti.
Currently Selected:
Matayo 5: BIBLIAPRO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018
