Matayo 4

Etetemaki Yesu

(Mk 1.12-13; Lk 4.1-13)

1 # Ilb 2.18; 4.15 Ore ina kata neilepie Enkiyang'et e Nkai Yesu arik ong'ata metetema oloirirua. 2Ore pee eidip atupukoi nkolong'i artam dama o kewarie. 3Nelotu olatemani nejoki, “Te naa ira iyie Enkerai e Nkai, tiaaki kulo soito metaa mukateni.”

4 # Enkig 8.3 Kake newaliki Yesu ajoki, “Etisiraki nchere, ‘Meishuyie oltung'ani emukate ake, kake eishuyie pooki rorei oing'uaa enkutuk e Nkai.’ ”

5Neitoki Sheitani arik Yesu enkanasa sinyati neitoton ninye te ntopij e nkaji e Nkai. 6#Olk 91.11,12Nejoki. “Te naa ira iyie Enkerai e Nkai, tusulai kewan enkop; amu etisiraki aajo: ‘Keitanap Enkai ilmalaika lenyena te nkaraki iyie, eikinap ninche too nkaik enye, pee mikinkob osoit enkeju ino.’ ”

7 # Enkig 6.16 Nejoki Yesu ninye, “Etisiraki sii aajo, ‘Mitem iyie Olaitoriani Enkai ino.’ ” 8Neitoki Sheitani arik ninye oldoinyo oado oleng, neitodol ninye inkitoriat pooki e nkop o enkitoo enye.

9Nejoki ninye, “Ekaaisho nanu iyie kuna tokitin pooki ti nikigilaki kung aserem.”

10 # Enkig 6.13 Nejoki Yesu ninye, “Shomo Sheitani amu, etisiraki aajo, ‘Teserema Olaitoriani Enkai ino naa ninye ake openy isiaai.’ ”

11Neing'uaa Sheitani ninye teina kata; nepuonu ilmalaika aaisiaai ninye.

Te Galilaya eitera Yesu alikioo lomon supati

(Mk 1.14-15; Lk 4.14-15)

12 # Mat 14.3; Mk 6.17; Lk 3.19,20 Ore pee ening Yesu ajo eteenaki Yohana neibelekenya alo Galilaya. 13#Yhn 2.12Neing'uaa Nasaret nelotu abik te Kapernaum, enkang natii embata e naiposha te nkop e Sebulon o Naftali, 14pee ebaya enatejoki to loiboni le Nkai oji Isaya pee ejo,

15 # Isa 9.1,2 “Enkop e Sebulon o enkop e Naftali ineeshepita enkoitoi nalo enaiposha,

lido kekun lo lkeju le Yordan te Galilaya oo loreren,

16etoduaa ewang'an kitok olorere otonita tiatua enaimin,

ore lelo ootonita te nkop o to loip lee keeya, etabaikia ewang'an.”

17 # Mat 3.2 Ore ebaiki ina kata neiteru Yesu alikioo ororei le Nkai ejo,

“Erridutu amu etinyikua enkitoria e keper.”

Eipoto Yesu ilarreshok oong'uan loo sinkir

(Mk 1.16-20; Lk 5.1-11)

18Ore eloito Yesu te mbata e naiposha e Galilaya nedol ilalashera oaare, Simon oji Petero o lalashe lenye Anterea, enang'aki o rreshet atua enaiposha, amu ilarreshok apa loo sinkir. 19Nejoki ninche,

“Wootu, erukurukoreki, naa kaitaa intae ilarreshok loo ltung'ana.”

20Neing'uaa nabo kata irresheta lenye neirukurukore Yesu.

21Ore pee enyikaa Yesu penyo nedol kulikae alashera oaare. Yakobo le Sebedayo, o Yohana olalashe lenye, tiatua empeut eboitare papaai lenye Sebedayo, eripita irresheta lenye neipot ninche. 22Neing'uaa nabo kata empeut o papaai lenye neirukurukore.

Etareto Yesu ltung'ana kumok

(Lk 6.17-19)

23 # Mat 9.35; Mk 1.39 Nemanaa Yesu te Galilaya pooki eiteng'enisho too nkajijik enye e ntumo, nelikioo ilomon Supati le ina kitoria, neishiunye pooki keeya o emuoyian tiatua olorere. 24Neibula olning'o lenye te enkop pooki e Siria; neyakini Yesu iltung'ana pooki oomuoyiaa ooibung'a nkeyaitin oo mpukunot kumok o looata iloiriruani o looata emuoyian e nkiterria o lmaiman o looidimua emion; neishiunye ninye ninche. 25Nesuj iltung'ana kumok ooing'uaa Galilaya o Dekapoli o Yerusalem o Yudea o lido kekun lo lkejule Yordan.

Currently Selected:

Matayo 4: BIBLIAPRO

Highlight

Copy