Marko 16

Empiunoto e Yesu

(Mat 28.1-8; Lk 24.1-12; Yhn 20.1-10)

1Ore pee eishari enkolong e nkiyeng'iyeng naji Sabato, neinyang'u Mariamu Magdalene o Mariamu ng'oto Yakobo, o Salome iila naarropil pee epuo aael osesen le Yesu. 2Ore tadekenya oleng te nkolong e nkiterunoto e wqiki, nepuonu enkurare eilepua enkolong, 3ejokino maate, “Ae ng'ae ade oret iyiook aibeleleng'oo, osoit te nkutuk e nkurare?” 4Nejo maing'ura, nedol aajo eidipaki aaibeleleng'oi osoit aaiwuang'ie amu ae sapuk apa oleng. 5Ore pee ejing enkurare, nedol oltung'ani barnoti eitashe te nkalo e tatene, neishopito olkila oibor; neing'asia ninche. 6Nejoki ilo tung'ani ninche, “Eming'asia; Yesu le Nasaret ing'oruru, otashoki. Etopiwuo, metii ene; eng'ura enapa wueji neirragieki ninye. 7#Mat 26.32; Mk 14.28Kake enchom, entoliki lkipaareta lenyena o Petero nchere, keituruk alo Galilaya; teine ipuopuo aadol, anaa enatiaaka intae.” 8Nepuku aapuo neipirri aaing'uaa enkurare; amu einepua olokirikiri o enkiputukuny, neitu eliki likae tung'ani, amu etureishote.

Enkiting'oto e apa oo lomon supati e Marko

(16.9-20)

Eipang'aka Yesu Mariamu Magdalene

(Mat 28.9-10; Yhn 20.11-18)

9Ore pee epiu Yesu enasirie te nkolong e nkiterata e wiki, Mariamu Magdalene etang'asa aipang'aki enapa kitok nataararie iloiriruani oopishana. 10Nelo ninye aliki lelo apa ooiriamariyie ninye, eishirita ninche neilisho#16.10 neilisho: kejii sii nelepori . 11Kake ore pee ening ninche aajo eishu netoduaa ninye, neitu sii eiruk.

Eitalioo Yesu kewan metoduaa lkipaareta lenyena

(Lk 24.13-35)

12Ore te siadi nena, eibelekenye Yesu atum ae mua, neitalioo kewan te kulikae kipaareta aare lenyena epuo nkurman. 13Nerrinyo lelo aapuo aaliki lkulikae, kake eitu ninche eiruk.

Eitanapa Yesu lkipaareta lenyena neirriwaa

(Mat 28.16-20; Lk 24.36-49; Yhn 20.19-23; Iat 1.6-8)

14Ore te siadi nena, neipang'aki Yesu lelo tomon oobo etoni aadaa; neisikong ninche te nkaraki engolon oo lukuny enye o te nkaraki nemeeta enkirukoto amu eitu eiruk lelo ootoduaa ninye eidipa atopiu. 15#Iat 1.8Nejoki ninye ninche, “Enchom enkop pooki entoliki ltung'ana pooki ele rorei supat. 16Ore oloiruk neibatisae nejeu; ore olemeiruk nedung'okini enkiguana. 17Naa kulo lmonek ooiriamariyie lelo ooiruk te nkarna ai earaa loiriruani; neiro too nkutukie ng'ejuko. 18Nedumu lasuriaa, naa teneok entoki ake pooki nayaisho nemeeta enaiko ninche; neiteleiki ltamuoyia nkaik, neishiu.”

Eilepa Yesu alo Keper

(Lk 24.50-53; Iat 1.9-11)

19 # Iat 1.9-11 Neaku ore pee eidip Olaitoriani Yesu airorie ninche, neilepieki aaya Keper, neton te nkaina e tatene e Nkai. 20Nedumunye ilkipaareta aapuo aalikioo ilo rorei too wuejitin pooki, neasisho Olaitoriani te nebo ninche neitadedeyie ilo rorei too lmonek ooiriamariyie. Eesai.

Enkae kiting'oto e apa oo lomon supati e

(Mk 16.9-10)

[ 9Kake etolikitio Petero too ndorropu o lelo ooboitare nena naatolikioki ninche. 10Ore te siadi nena, neitanap yesu makewan ninche mewaita enkilepunoto neya endoyioroto elikioroto sinyati e njeunoto nemeish nebik intarasi.]

Currently Selected:

Marko 16: BIBLIACATHO

Highlight

Copy