Luka ENAITURUK
ENAITURUK
Ore ilomon supati ootisira Luka neibalunye Yesu aa ninye Olaitajeunoni oisiligieki Isiraeli naa Olaitajeunoni sii loo ltung'ana pooki. Etisira Luka ajo ore Yesu neipotuo Enkiyang'et Sinyati o Laitoriani “Metolimu ilomon supati aliki ilaisinak”, naa ore ena buku nebore eyieunoto too ltung'ana ooata iyieunot naapaashipaasha. Ore sii embae kitok enchipai neibala oleng te Luka, neisulaki ninye too matuan naaituruku naalimu elotunoto e Yesu, neutu ake sii te nkikenoto ina kata nailep alo keper. Ore enkatini enkitubularoto e nkirukoto e Kristo peyie eidip Yesu ailepa, netolimuo ake sii olasirani lena buku te mbuku oo Iasat.
Ore eoroti e 2 o 6 (Ng'ura iorot oo matuan tiabori netii mbaa kumok naa tena buku ake etumi) anaa te nkitanyaanyukoto; kidol eranyare oo lmalaika o lchekuti peyie epuonu aabaiki Yesu pee eini, kidol sii Yesu etii enkaji e Nkai aa enkayioni. Kisum sii enkatini o ltung'ani supat le Samaria o enkatini olayioni oiwusho. Ore tena buku pooki, ore entoki natipika olaigeroni endamunoto sapuk naa Enkomono, Enkiyang'et Sinyati, erubata oo nkituaak te nkisiaayiare e Yesu o empalakinoto e Nkai oo ng'ok.
Iorot oo Matuan
Enaituruk 1.1-4
Einoto o keraisho e Yohana Olaibatisani o Yesu 1.5–2.52
Enkisiaayiare e Yohana Olaibatisani 3.1-20
Enkibatisa o entemata e Yesu 3.21–4.13
Enkisiaayiare e Yesu te Galilaya 4.14–9.50
Eiteru te Galilaya o meshomo Yerusalem 9.51–19.27
Ewiki nabayie tiatua o te mbata e Yerusalem 19.28–23.56
Empiunoto, enkipang'akinoto, o enkilepata o Laitoriani 24.1-53
Currently Selected:
Luka ENAITURUK: BIBLIACATHO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018