छाम्माय़ङ छाप्लाखाओ अ़सिन्खा
छाप्लाखाओ अ़सिन्खा
ओ छाप्लाखा लुकाआ छाप्तुओ नुय़ङ्खान्एनान चोक्याङ। ओ छाप्लाखा छाप्माओ अ़मित्चिऩङ सेङ्लावाआ देत्नि येसुओ बुयाओ अ़चुकाखेङ्पाचि म़तित्तुचिकि खोचिआ यरुसलेम्दा, झारा यहुदिया खोन्कि सामरियादात्नि, खोन्किना हेन्खामादाओ झारादात्नि येसुओ अ़चुनुय़ङ्खान थ़ङा निकिना खालुमाय़ङ ओ १:८ । ओ छाप्लाखा यहुदिचिओ अ़चुरादाङ्का पुङ्साकि हेन्खामा भेप्लो थ़ङाओ ख्रिस्तियान साम्योक कामुचिओ अ़चुच़माथाङ्माओ अ़तुक्वादा छाप्तुओ। ओ छाप्लाखा ख्रिस्तियान्चि रोमि हाङ्होन्ओ अ़देङ्सालाप्पादा काचि मुमाओ निकि माआङ, मेन ख्रिस्तियान साकोङ्छ़ङ्आ यहुदि साम्योक तासालाओ निकिना खाङ्मुसि छाप्तुओ।
ओ छाप्लाखा सुम्कारुहुप्दा हामा ऱम: (१) येसु निनाम्मादुत्नि म़खाराकि यरुसलेम्दा पुङ्माय़ङ ख्रिस्तियान च़माथाङ्मा, (२) प्यालेस्ताइन्ओ नि अ़धाङ्चिदात्नि खालुमाय़ङ थ़ङाओ, (३) हेन्खामा रादाओ धियाङ्वामाओ अ़केम्चिदात्निओ हेन्कोप्चिदा खोन्कि रोम्तारिङा खालुमाय़ङ थ़ङाओ।
ओ छाप्लाखा सेङ्लावाओ अ़काचिओ अ़तुक्वादा छाप्माय़ङ ओ। खोक्को पेन्तिकोस्ओ लेन यरुसलेम्दाओ साकोङ्छ़ङ कामुचिएदा सावाएनान म़युवा। साम्भुङ खोन्कि बुसुवाचि ओ छाप्लाखादा खालुमाय़ङ य़ङ्चिदा म़तित्तुचि। खोन्कि खोचि साकोङ्छ़ङ्दा कालेकासिन म़मुचि। बुयाओ ख्रिस्तियान चिन्माय़ङ्चि ब़द्धेकाखालाओ साम्योक्मि यायोक्चिदा म़प़युङ्सुचि। साकोङ्छ़ङ कामुचिओ अ़चुह़ङ्म़ङ खोन्कि साम्भुङ्चिओ अ़चुयावायोक्दा मो चिन्माय़ङ्चि देम्तेका सावापोरि मुवाङा निकिना ओ छाप्लाखादा छाप्याङ।
थुत्मेत्लो अ़तुक्वा ऩङ
सालुम्स़ङ्ओ निकि चुम्मान्चिन १:१-२६
क) येसुओ आदेङ्माङ्ओ अ़चुलोमाय़ङ खोन्कि अ़चुहिप्माय़ङ १:१-१४
ख) यहुदाओ अ़फान्दा छेन्माय़ङ म़ना १:१५-२६
यरुसलेम्दा नुय़ङ्खान खाअ़लुसाओ २:१–८:३
यहुदिया खोन्कि सामरियादा नुय़ङ्खान खाअ़लुसाओ ८:४–१२:२५
पावल्आ नुय़ङ्खान खालुसुओ १३:१–२८:३१
क) पावल बुयाओदु नुय़ङ्खान खालुसा कोलाओ १३:१–१४:२८
ख) यरुसलेम्दा छाम्माय़ङ्चि म़कोवान्चिन्ओ १५:१-३५
ग) पावल ह्वादुओदु नुय़ङ्खान खालुसा कोलाओ १५:३६–१८:२२
घ) पावल सुम्कादुओदु नुय़ङ्खान खालुसा कोलाओ १८:२३–२१:१६
ङ) यरुसलेम, कैसरिया खोन्कि रोम्दा पावल अ़छेक्ताओ २१:१७–२८:३१
Currently Selected:
छाम्माय़ङ छाप्लाखाओ अ़सिन्खा: bap
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.