A Zakari 9
9
Bu-zẽmsã sẽn gũbg Israyɛllã sɩbgre
1 #
Eza 17.1-3, Zer 49.23-27, Amo 1.3-5 #
Eza 23.1-18, Eze 26.1—28.26, Zow 4.4-8, Amo 1.9,10, Mat 11.21,22, Luk 10.13,14 Sɩbgr koɛɛga.
Sẽn-Ka-Saab koɛɛgã taa Hadrak tẽnga,
n sãag n tɩ tek Damaas tẽnga.
Bala, Sẽn-Ka-Saab n so ninsaala,
wa b sẽn so Israyɛll buudã fãa wã.
2Koɛɛgã taa Hamat tẽngã sẽn yaa yẽnda yakã,
ne Tɩɩr la Sɩdõ tẽnga sẽn tar yam wʋsgã.
3Tɩɩr tẽngã mee lalg n gũbgi,
yẽnda zama wanzuri wa tom,
la a zam sãnem wa soay zut tãndo.
4La Sẽn-Ka-Saab na n deega bõn-kãnga,
bãmb na n luba a lal-gũbrã ko-kãsengã pʋga,
la bugum n na n dɩ tẽngã.
5 #
Eza 14.29-31, Zer 47.1-7, Eze 25.15-17, Zow 4.4-8, Amo 1.6-8, Sof 2.4-7 Askalon na n yãnda bõn-kãens tɩ rabeem yõk-a.
Gaaza me na n diga ne rabeem,
Ekrõ me na n diga ne rabeem
bala, bãmb sẽn ning b tẽebã tẽng ning zugã
na n paama yãnde.
Gaaza rĩmã na n menemame.
Ned ka na n leb n zĩnd Askalon ye.
6Bu-kalem-kalem na n zĩnda Asdood tẽnga.
Woto, mam na n yiisa Filistẽ-dãmbã wuk-m-mengã.
7Mam na n yiisa zɩɩmã sẽn be b noorẽ wã,
la m yiis nem-yoodã sẽn be b yẽnẽ wã,
dẽ, yẽnda me na n yɩɩ bu-kell tõnd
Wẽnnaamã yĩnga.
Yẽnda na n paama a zĩig Zʋʋda buudã sʋka,
la Ekrõ nebã na n yɩɩ wa Zebuus-rãmbã.
8Mam na n tilga m tãb-sik m doogã sɛɛga,
n kogl-a ne tãb-biis buud fãa,
la ne neb nins sẽn saad n pɩʋʋmd beenẽ wã
la nin-toaag ba a yembr kõn leb n pɩʋʋg
beenẽ n nams-a ye.
Bala, moasã wã, mam mengã nin get-b lame.
Rĩm sẽn wat ne vɩ-bãane
9 #
Mat 21.5, Zã 12.15 Sɩyõ tẽn-neere, kɩdem ne sũ-noogo!
Zeruzalɛm tẽn-neere, bɩ f kilsi!
Ade, fo rĩmã wata fo nengẽ.
Bãmb yaa tɩrlem soaba, la tõaagda,
n yaa sik-m-meng soaba, n zao bõanga,
bãmb zaoo bõan-bila, bõan-yãang biiga.
10 #
Yɩɩn 72.8
Bãmb na n menesa saar-dãmbã Efrayiim pʋgẽ,
la b menes wiidã Zeruzalɛm pʋgẽ.
Bãmb na n kaoo zabr tãpã,
la b na n moona vɩ-bãan koɛɛg bu-zẽmsã yĩnga.
Bãmb naamã na n sɩnga ko-kãseng a yembr
n tɩ tãag a to,
a na n sɩnga kʋɩlgã, n tɩ tãag dũniyã tɛka.
Yembs sẽn na n paam yolsgo
11 #
Yik 24.8
«Sã n yaa ne yãmba, kaool ning mam
sẽn tall zɩɩm n maan ne yãmbã yĩnga,
mam na n yiisa fo yembsã bul-koɛɛngã pʋgẽ.
12Yembs nins sẽn be tẽeb pidsg gũudum pʋgã,
lebg-y n wa-y tẽng sẽn tar pãngã pʋga.»
Rũndã bala, mam yetame:
«Mam na n lebs n kõo foom bũmb fãa naoor a yiibu.
13Bala, mam dʋʋsda m tãpo, yaa Zʋʋda.
Mam ningd-a-la pɛɛma, yaa Efrayiim.
Mam na n pirsa Sɩyõ nebã,
tɩ b yik n zab ne Gɛrɛɛs nebã.
Mam na n kɩtame tɩ yãmb yɩ wa gãndaoog
zabr sʋʋga.
14Sẽn-Ka-Saab na n puka bãmb zugẽ,
la bãmb pĩimã na n kẽnga wa sa-yãgbo.
Wẽnnaam Sẽn-Ka-Saab na n peeba baorgo,
la b na n tũu nug-goabg sob-kãseng n wa.
15Saasẽ-Pãng-Soabã na n gũu b nebã.
Bãmb na n sãamame, la b wer loaabg kugã.
Bãmb na n yũume, bãmb na n kɛɛ wa reezẽ rãam,
bãmb na n pida wa zɩɩm mesb laaga,
wa tẽn-kugrã kɩrems sẽn pid ne zɩɩmã.
16Sẽn-Ka-Saab sẽn yaa bãmb Wẽnnaamã
na n fãaga bãmb badaare,
wa pe-kɩɩm sẽn fãagd a piisi.
Bala, bãmb tẽngã pʋgẽ, b na n yɩɩ wa
kug-neeb sẽn be maanf zug n pɩnda.
17N-yẽe! Yaa sõama, yaa neere!
Koodã na n kɩtame tɩ kom-dibli paam pãnga,
la reezẽ rã-paalg na n kõo kom-pugli wã pãnga.»
Currently Selected:
A Zakari 9: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
