A Miise 5
5
Rĩma sẽn yaa fãagdã na n doga Betlehɛm
1 #
Mat 2.6, Zã 7.42 «Foom Betlehɛm Efrata,
baa ne fo sẽn yaa buud sẽn paood
Zʋʋda buud wʋsg sʋkã,
mam na n kɩtame tɩ naab yi fo pʋgẽ,
n soog Israyɛll nebã,
La yẽnda yẽgrã sɩnga hal pĩnda,
kʋdem-wẽndẽ.
2Yaa rẽ n kɩt tɩ Sẽn-Ka-Saab na n bas
Israyɛll nebã,
hal tɩ pag ning sẽn na n dog-a wã roge.
Dẽ poore, yẽnda saam-biisã sẽn kellã,
na n lebg n leba Israyɛll nebã nengẽ.
3La yẽnda na n yikame n ges a nebã
yell ne Sẽn-Ka-Saab pãnga,
wa pe-kɩɩm sẽn dɩlgd a piisi.
Yẽnda na n gesa b yell ne Sẽn-Ka-Saab
sẽn yaa yẽnda Wẽnnaamã yʋʋr sẽn tar ziirã,
la yẽnda nebã nan zĩnda be.
Bala, moasã, bãmb na n yɩɩ kãseng dũniyã
tɛk fãa.
4La yẽnda na n waa ne vɩ-bãane!
Asiiri nebã sã n wa yãmb tõnd tẽngã,
la b kẽ d na-yiyã pʋse,
tõnd na n kɩtame tɩ nanambs a yopoe,
ne nin-kãsems a nii zab ne-ba.
5 #
Sɩng 10.8-11
Bãmb na n sooga Asiiri tẽngã ne
zabr sʋʋga,
la a Nimrood tẽngã neb ne munumuni.»
Israyɛll bu-kellã sẽn be buud a taabã sʋka
6A Zakoob buudã neb nins sẽn kellã
na yɩɩ wa meenem sẽn yit Sẽn-Ka-Saab
nengẽ buud wʋsg sʋka,
la wa saag sẽn madgd moodo.
Bãmb ka teeg ninsaal pãnga,
la b ka baood baa fɩ ninsaalb nengẽ ye.
7A Zakoob buudã neb nins sẽn kellã,
sẽn be bu-zẽms sʋk ne buud wʋsg sʋkã
na n yɩɩ wa gɩgemd sẽn be we-rũms sʋka.
Bãmb na n yɩɩ wa gɩgem-poll sẽn be piis sʋka,
n pɩʋʋgd n tabd n tat n gʋsda,
tɩ ned ka be n na n fãag-b ye.
8Israyɛll nebã! Yik-y n zab-y ne
y zabd-n-taasã,
la y menes y bɛɛbã zãnga!
9Sẽn-Ka-Saab yetame:
«Ade, badaare, mam na n menesa y wiidã,
la m sãam y saar-dãmbã.
10Mam na n menesa y soolmã tẽmsã,
la m lub y pãng zĩisã fãa.
11Mam na n menesa y tɩtã tʋʋma,
la bag-bʋgd kõn leb n zĩnd yãmb sʋk ye.
12M na n menesa y bõn-naandsã fãa,
la y kug-vigindsã.
Yãmb kõn leb n wõgemd n waoog
bũmb nins yãmb nus sẽn naanã ye.
13Mam na n vigsa a Aseera ra-lugdsã,
la m sãam y tẽmsã.
14Mam na n doka m sũurã ne bu-zẽms
nins sẽn ka kelg maamã ne sũ-yikri, la sũ-puug-kãsenga.»
Currently Selected:
A Miise 5: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
