A Habakuki 2
2
Wẽnnaam leokre
1Mam na n dʋʋ m gũubã zĩigẽ,
la m na n yalsa lalgã zugu.
Mam na n gũume n ges Wẽnnaam
sẽn na n yeel maam tɩ bũmb ninga,
la mam me sẽn na n leok tɩ bũmb
ning m yẽgengã wɛɛngẽ.
2Sẽn-Ka-Saab leoka maam n yeele:
«Gʋls vẽnegr ning fo sẽn yã wã,
gʋls-a vẽeneg kug-wals zutu,
t'a kaoreng tõe n yɩ naana.
3 #
Ebr 10.37
Bala, yaa vẽnegr sẽn na n wa paam pidsgu,
a wakatã sã n ta, ka na n yɩ belgr ye,
la a ka na n vaal n ka pids ye.
Ba a sã n kaoosdẽ, bɩ f kell n gũ-a,
bala, a ka na n pa n ka paam pidsg ye.»
4 #
Rom 1.17, Gal 3.11, Ebr 10.38 «Gese, bãmb wukda b mense,
n ka maand sẽn yaa tɩrg ye,
la nin-tɩrg na n vɩɩmda a tẽebã yĩnga.
5Hakɩɩka, reezẽ rãam belgda neda,
wuk-m-meng soab ka zĩ sɩɩ ye.
Bãmb yaaga b noy wa kɩɩm-kulgu,
bãmb yaa wa kũum sẽn ka tɩgdã.
B kãaga bu-zẽmsã fãa n naag b menga,
bãmb tigma buud toay-toayã fãa b nengẽ.»
Tood a nu waoongo
6Bu-bãmb fãa na n wẽneg n yaala bãmba,
n dɩk-b tɩ b lebg yel-bũndi.
Bãmb na n yetame:
«Gese, toog bee ned ning sẽn wʋkd
a sẽn ka so zugu,
yãmb na n fãa nebã hal tɩ ta dabʋre?
Yaa sam bal la a wʋkd n samd a menga!
7Yãmb sẽn tar-b rãmb samã na n wa ling-y lame,
bãmb na n kɩtame tɩ y rig ne rabeem.
Bãmb me na n fãa yãmb paoongã!
8Yãmb sẽn fã buud toay-toay paoongã yĩnga,
neb nins sẽn ketã na n fãa yãmba.
Bala, yãmb daaga zɩɩm,
la y maan tẽms a taabã pãnga,
n maan tẽmsã ne b nebã fãa wẽnga.»
9«Toog bee ned ning sẽn zãmbd
a taab n baood yõod a roagdb yĩngã zugu.
Yẽnda maanda a woto sẽn na n yɩl n kogl
a menga, wa liuul sẽn tɩʋ a tʋk zĩ-zãonglgẽ,
tɩ bũmb da wa maan-a ye.
10Woto yaa yãnd bal la yãmb
bao n na n kõ y buudã.
Yãmb sẽn sãam buud wʋsg nebã,
yaa yell bal la y rogend y meng zugu.
11Baa kugã sẽn be lalsã zutã na n kelmame,
tɩ sug-raoogã sẽn be sugrã zugã reesdẽ.»
12«Toog bee ned ning sẽn daagd zɩɩm n met tẽngã zugu.
Toog bee ned ning sẽn maand zãmb n tilgd tẽngã zugu!»
13«Rẽ ka bugum sẽn yit Saasẽ-Pãng-Soabã
nengẽ sɩda?
Ninsaalbã tʋmdame n namsd b mens
zaalem bala,
nebã naongã ka tar yõod ye.
14 #
Eza 11.9
Bala, dũni wã na n pida ne
Sẽn-Ka-Saab ziirã bãngre,
wa ko-kãsengã koom sẽn pid n saalã.»
15«Toog bee ned ning sẽn yũnugd a taab rãam,
la a yũnugd-b zẽnem tɩ b nens yilimdẽ,
t'a tõe n yãnd b yãndã zugu.
16Yãmb ka waoogd y mens ye,
yãmb paoogda y mense.
Bɩ yãmb me yũ n fʋgs y bɛɛla!
Sẽn-Ka-Saab na n yũnuga yãmb
b sũ-puugrã rãam,
tɩ yãmb waoogrã lebg paoogre!
17Bala, wẽng ning yãmb sẽn maan
Libã wã na n dɩ-y lame.
B na n sãama rũms nins sẽn dag n sãamdã,
b sẽn daag ninsaalb zɩɩmã yĩnga,
b sẽn maan tẽmsã wẽngã yĩnga,
yaa b sẽn maan tẽmsã ne b nebã fãa
wẽngã yĩnga.»
18Wẽn-naandgã yõak sẽn yõgdã
yõod bee yɛɛnẽ?
Yẽnda yaa kut b sẽn yẽneg bala,
la a yaa belgr bũmb bala.
Yõak na n maana a wãn n leb n dɩk a teegr
n teeg yẽnda,
tɩ yaool n yaa wẽn-naands sẽn yaa mugsi?
19Toog bee ned ning sẽn gomd-a
ne ra-giig n yetẽ: «Yik n yalse!»
La a yet kugr sẽn ka gomdã: «Nek n yiki!»
Rẽ yĩnga, yẽnda tõe n kõo ned bãngr sɩda?
B bolg-a-la ne sãnem la wanzuri bala,
la vɩɩm yaool n ka be a pʋgẽ ye.
20La Sẽn-Ka-Saab be b ro-sõngã pʋga.
Bɩ dũniyã gill yɩ sɩddd... bãmb taoore!
Currently Selected:
A Habakuki 2: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
