Sɩngre 36

A Ezayu kamb ne a Yagense

(1Kib 1.34-36)

1Ad a Ezayu b sẽn boond t'a Edomã roogo: 2#Sɩng 26.34A Ezayu rɩgsa a pagbã Kana kom-pugli wã sʋka. Yẽnda pagbã yaa a Ada sẽn yaa Hɛt ned a Elon bi-pugla, ne a Oholibama sẽn yaa Hevi ned a Sɩbeyõ ne a Ana bi-pugla, 3#Sɩng 28.9la a Basmat sẽn yaa a Ismayɛll bi-pugla n yaa a Nebayot tão-poakã. 4A Ada roga a Ezayu biig a Elifaaze, t'a Basmat rog a Rewuyɛlle. 5La a Oholibama roga a Yewuusi, a Yalam ne a Koore. Bãmb yaa a Ezayu kom-dibli nins a sẽn dog Kana soolmẽ wã.

6A Ezayu peega a pagbã ne a kom-dibli, la a kom-pugli wã ne neb nins fãa sẽn yaa yẽnda zakã nebã, ne a niigã la a rũmsã fãa, la a wʋk a paoongã a sẽn dag n paam Kana soolmẽ wã zãnga, n yi n loog n kẽng tẽng a to n zãag ne yẽnda yao a Zakoobe. 7Bala, bãmb laogã rag n yaa wʋsg tɩ bãmb ka tõe n zĩnd ne taab ye, sẽn paas me, tẽngã pʋg bãmb sẽn yaa sãamb a pʋgẽ wã rag n ka leb n sekd bãmb rũmsã sẽn yaa wʋsgã ye. 8Dẽ, a Ezayu tɩ zĩnda Seyɩɩr soolem ning sẽn be tãms sʋkã pʋga, la yaa a Ezayu n yaa Edom.

9Woto yaa a Ezayu sẽn yaa Edom buudã yaabã sẽn be soolem nins sẽn be tãmsã sʋkã yagense. 10Ad a Ezayu kom-dibli wã yʋy: Yaa a Ezayu pag a Ada biig a Elifaaze, ne a Ezayu pag a Basmat biig a Rewuyɛlle. 11A Elifaaz kamb yaa a Teman, a Omaare, a Sefo, a Gatam ne a Kenaaze. 12A Timna rag n yaa a Ezayu biig a Elifaaz pʋg-rɩkdga. A Timna roga a Elifaaz biig a Amalɛke. Yaa a Ezayu pag a Ada kambã la woto. 13Ad a Rewuyɛll kamba: Yaa a Nahate, a Zeera, a Sama ne a Miiza. Yaa bãmb la a Ezayu pag a Basmat kamba. 14Ad a Sɩbeyõ biig a Ana bi-pugl a Oholibama sẽn yaa a Ezayu pagã kamba: Yẽnda roga a Ezayu kamba, a Yewuki, a Yalam ne a Koore.

15Ad a Ezayu yagensã nanambse. Ad a Ezayu bi-ribl-kãseng a Elifaaz kamba: Yaa naab a Tema, ne naab a Omaare, la naab a Sefo, ne naab a Kenaaze, 16la naab a Koore, ne naab a Gatam, n paas naab a Amalɛke. Yaa bãmb n yaa a Elifaaz kamb n yaa nanambs n be Edom soolmẽ wã. Yaa a Ada yagens la bãmba. 17Ad a Ezayu bi-ribl a Rewuyɛll kamba. Bãmb yaa naab a Nahate, naab a Zeera, ne naab a Hama n paas naab a Miiza. Bãmb yaa a Rewuyɛll kamb sẽn yaa nanambse, n be Edom soolmẽ wã. Bãmb yaa a Ezayu pag a Basmat kamba. 18Ad a Ezayu pag a Oholibama kamba. Yaa naab a Yewuki, naab a Yalam ne naab a Koore. Bãmb yaa a Ana bi-pugl a Oholibama sẽn yaa a Ezayu pagã kambã nanambse. 19Woto n yaa a Ezayu kambã ne b kambã sẽn yaa nanambsã. Yaa a Ezayu la b sẽn boond tɩ Edomã.

A Seyɩɩr kamb ne a yagense

(1Kib 1.38-42)

20Ad Hoor ned a Seyɩɩr kambã sẽn yaa tẽngã nebã yʋya. Yaa a Lotan, a Soballe, a Sɩbeyõ, a Ana, 21a Dison, a Ɛtsɛɛre, ne a Disan. Bãmb yaa a Seyɩɩr kambã sẽn yaa Hoor nebã sẽn be Edom soolmẽ wã nanambse. 22A Lotan kamb yaa a Hori ne a Eman. A Timna n yaa a Lotan tão-poaka. 23Ad a Soball kamba: Yaa a Alvã, a Manahate, a Eballe, a Sefo ne a Onam. 24Ad a Sɩbeyõ kamba: Yaa a Ava, ne a Ana. Yaa Ana-kãng n yãnd ko-bundum sẽn yaa tʋʋlg weoogã pʋga, wakat ning a sẽn wa n gũud a ba a Sɩbeyõ bõensã. 25Ad a Ana kamba: Yaa a Dison ne a Ana bi-pugl a Oholibama. 26Ad a Disan kamba: Yaa a Hemdan, a Ɛkban, a Yitran ne a Keran. 27Ad a Ɛtsɛɛr kamba: Yaa a Bilhan a Zaavan ne a Akã. 28Ad a Disan kamba: Yaa a Uts ne a Aran. 29Ad Hoor nebã nanambse: Yaa naab a Lotan, naab a Soballe, naab a Sɩbeyõ, naab a Ana, 30naab a Dison, naab a Ɛtsɛɛre, ne naab a Disan. Yaa bãmb n yaa Hoor nebã nanambse, n be Seyɩɩr soolmẽ wã.

Edom soolmã nanambse

31Ad nanambs nins sẽn dɩ naam Edom soolmã pʋgẽ wã. Yaa sẽn deng tɩ ned nan ka yɩ rĩm n soog Israyɛll nebã ye. 32Nanambsã la woto: Yaa a Bewoor biig a Bela, n yɩ Edom naaba, la yẽnda tẽngã yʋʋr dag n boondame tɩ Dinhaba. 33A Bela kiime t'a Botsra biig a Zeera biig a Zobaab reeg yẽnda zĩig n dɩ naam. 34A Zobaab kiime tɩ Temna tẽngã ned a Husam reeg a zĩig n dɩ naam. 35A Husam kiime t'a Bedaad biig a Hadaad reeg yẽnda zĩig n dɩ naam. Yaa yẽnda n zab ne Madiyã nebã n tõog-b Moaab weoogã pʋgã. Yẽnda tẽngã yʋʋr dag n boondame tɩ Aviti. 36A Hadaad kiime, la Masreka ned a Samla reega yẽnda zĩig n dɩ naam. 37A Samla kiime, la kʋɩlgã noor ned a Rehobot biig a Sayull n deeg yẽnda zĩig n dɩ naam. 38A Sayull kiime, la a Akboor biig a Baall-Hanaan n deeg yẽnda zĩig n dɩ naam. 39A Akboor biig a Baall-Hanaan kiime t'a Hadaar reeg yẽnda zĩig n dɩ naam. Yẽnda tẽngã yʋʋr dag n boondame tɩ Pawu, t'a pagã yʋʋr boondẽ t'a Mehetabeyɛlle. Yẽnda yaa a Mezahaad bi-pugl a Matrɛɛd bi-pugla.

40Ad a Ezayu yagensã nanambs yʋy wa sẽn zems b rotã, la wa sẽn zems b soolmã, la wa b yʋyã sẽn yaa to-to wã. Yaa naab a Timna, naab a Alva, naab a Yetete, 41naab a Oholibama, naab a Ela, naab a Pinon, 42naab a Kenaaze, naab a Teman, naab a Mibtsaare, 43naab a Magdiyɛlle, ne naab a Iram. Woto n yaa Edom soolem nanambsã ne b zĩisi. Yaa a Ezayu sẽn yaa Edom nebã yaabã soolem.

Currently Selected:

Sɩngre 36: MPBU

Highlight

Copy