Mi cilima 16
16
Isimayeli madi
1 Abalama pua Sarayi naa den mali o po biga. Sarayi den pia o puotuado ke o tie Ejipiti yua, ki yi Agari. 2Sarayi den yedi o calo Abalama: «Diidi o Diedo teni ke n tie ŋoaliga. Lanwani n mia ŋa, ŋan kua n puotuado kani. Daalinba n baa baa a bila kelima o po.» Abalama den tuo Sarayi maama. 3Lanwani, Abalama pua Sarayi den taa o puotuado Ejipiti yua Agari ki teni o calo Abalama, ke wan tua o pua. Li yogunu den sua ke Abalama kali Kanana diema nni, ki tieni bina piiga. 4Abalama den kua Agari kani ke o punbi. Wan den sua ke o punbi, o den diidi o cannaa leni mi kafaama. 5Sarayi den yedi Abalama: «Yaa kafaabiadima n tiendi nni ne, li ñani a yaa kane. N den puni a n puotuado. Wan ji sua ke o punbi yaa yogunu, o diidi nni leni mi kafaama. O Diedo n tua o bujialo mini leni fini siiga.» 6Abalama den guani ki yedi Sarayi: «Diidi fini n die a puotuado, ŋan tieni o po nani ŋan sua ke li dagidi maama.» Lanwani, Sarayi den faligi Agari, hali ke o sani ki foagidi leni o. 7O Diedo maleki den laa o ke o ye li ñinbunli kani mi fanpienma nni, yaa ñinbunli n ye Suri yaa sanu po. 8O den yedi Agari, Sarayi puotuado: «A ñani le, ki caa le?» O den guani ki yedi o: «N sani ki bua ki foagidi leni n cannaa Sarayi.» 9O Diedo maleki den yedi o: «Ŋan guani a cannaa kani ki miini a yuli o nuu nni.» 10O Diedo maleki den yedi o: «N baa teni a yaabila n yaa pugidi. Bi baa yabidi hali ke bi kan fidi ki coadi ba.»
11O Diedo maleki den yedi o: «Diidi,
A punbi,
A baa ma bonjaga,
Ki cili o yeli Isimayeli.#16.11 Isimayeli bundi Hebilu yaaba maama nni tie: “U Tienu tuba gba.”
Kelima o Diedo den gbadi a miabu a falaciamo nni.
12O baa yaa tie nani o fuaŋunbo,
O baa yie bi niba kuli,
Bi niba kuli mo baa yie o.
O baa piadi ki yaa ye o bebe,
Ki foagidi leni o kpiiba kuli.»
13Agari den buali o yuli yaa buali n tie ne: «Naani n li laa o Diedo moamoane?» Li yaa puoli, o den puni o Diedo yua n den maadi leni o yaa yeli n tie ne: «U Tienu yua n nua nni.» 14Lani yaa po yo, ke bi yi yaa caali n ye Kadesi leni Beredi siiga «Yua n fo ki nua nni caali.» 15Agari den mali bonjaga Abalama po, Abalama den cili Agari n den mali o po yaa biga yeni yeli Isimayeli.#Gal 4.22. 16Abalama den pia piinii n binaluoba, Agari n den mali o po Isimayeli yaa yogunu.
Currently Selected:
Mi cilima 16: BGP
Highlight
Share
Copy
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
