Mi cilima 13

1 Abalama den ñani Ejipiti leni o pua leni wan den die yaala. O den yegi leni Loti ke bi doni ki guani nuganu diema nni.

Abalama leni Loti paadi leni biyaba

2Abalama den pia mi piama hali boncianla, lani n tie: ti yandi, ŋanjilifa leni wula. 3O den suagi liiga ki ñani nuganu diema po, ki guani Beteli hali o gbandiena n den kpa tii naani hali mi cilima, Beteli leni Ayi dogi siiga. 4O den pundi wan den kpa maa yaa padibinbinli n den ye naani. Abalama den jaandi ki mia Li Miali Diedo yeli nni lankani.

5Loti yua n den yegi leni Abalama moko den pia i pe, i ne leni a gbandiena. 6Mi diema naa den dagidi ke bikuli n yaa ye kaanyendu, kelima bi piama den yabi hali ke bi naa go den fidi ki baa yaa taa ki ye leni biyaba. 7Abalama yankpaaba leni Loti yankpaaba den koani leni biyaba. Lanyogunu, Kanana leni Perisiti yaaba n den ye mi diema nni. 8Abalama den yedi Loti: «N mia ŋa, tin da pia li koanli mini leni fini siiga, bi n yankpaaba leni a yankpaaba siiga, kelima ti kpi leni tiyaba. 9Mi diema kuli ye a nintuali. Lanwani, ŋan paadi leni nni. A yaa gedi nuganu po, n baa gedi nujienu po, a yaa gedi nujienu po, n baa gedi nuganu po.»

10Loti den yaadi ki diidi Jurden boanjaali fanma kuli, ke mi kaani kuli soangi boncianla. Hali yaa yogunu ke o Diedo daa den bolini Sodomi leni Gomori, laa tinga kuli, ki yaa caa hali Tisoari den naani leni o Diedo koaŋamu, ki go tie nani Ejipiti diema yeni.#Cil 2.10. 11Loti den gandi o yuli po Jurden boanjaali fanma kuli, ki fii ki teli hali puoli po. Lanwani, lan den tieni maama n yeni ke bi den paadi leni biyaba. 12Abalama den ye Kanana diema nni, Loti mo den ye li boanjaali fanma yaa dogi nni, ki tii o gbandiena ke a tiegi Sodomi. 13Sodomi yaa niba den bia hali boncianla, ki tie tuonbiaciandi danba o Diedo nintuali.

14Abalama leni Loti n den paadi leni biyaba, o Diedo den yedi Abalama: «Sedi ŋan ye naani ki yaadi ki diidi nujienu leni nuganu, puoli leni nintuali po kuli. 15Ŋan laa yaa diema kuli ne, n baa pa ŋa mikuli fini leni a puoliŋuani, yaa yogu n tuu yaa yogu kuli.#JTT 7.5. 16N baa teni ke a yaabila n yaa tie nani ki tinga tanbiima yeni. Nani nilo n kan fidi ki coadi ki tinga tanbiima maama, yeni moko oba kan fidi ki coadi a puoliŋuani.» 17Fii ki goandi mi diema, mi foaginu leni mi pianu kuli, kelima n baa pa ŋa mikuli.

18Abalama den taa o gbandiena ki cua ki kali Manmire, yaa tiidi n yi seni kani ki kuu leni ban yi naankani Hebiron. Lankani, o den maa li padibinbinli o Diedo po.

Currently Selected:

Mi cilima 13: BGP

Highlight

Copy