LUKA 19
19
1Lani n pendi Jesu den kua Jeliko dogu nni ki cuoni ki poandi u niinni. 2O ja den ye likani ki tie piado ke bi yi o Sake, ki tie bi lubigaaba yudanba siiga nni yendo. 3O den moandi ki baa bandi yua n tie Jesu, ama wan koabi maama ke ku niligu mo nan yaba, waa den fidi ki laa Jesu. 4Lani o den sani ki ga liiga ki doni yaa tibu n yi sikomoli ke o baa le Jesu, kelima o den baa tagi ki pendi lankane. 5Jesu n den pundi likani, o den yaadi ki diidi o ki yedi: «Sake, jiidi tontoni kelima li tie tiladi min tundi a denpo dinla.» 6O den jaligi ki jiidi ki ga o cangu leni li pamanli. 7Bi niba kuli den laa lani ki yenbidi ki tua: «O ja na gedi ki ban cani u tagibiadu daano.» 8Sake den sedi O Diedo nintuali ki yedi o: «Canbaa, diidi, n baa pa a luoda n piama boagidima. N yaa den janbi yua ki ga o kani bonlaba mo, n baa guani o la figilima naa.» 9Jesu den yedi o: «Mi *faabima kua ku naa diegu nni dinla, kelima one moko tie Abalahama puoliŋuanu. 10Kelima o *Ja Bijua cua ki baa lingi ki go faabi yaaba n yaadi.»#Mat 18.11
Naacenba taa kpanjama
(Mat 25.14-30)
11Bi niba n den cengi laa maama, Jesu go den pua mi kpanjama, kelima o den nagi leni Jelusalema ke bi niba tama ke *U Tienu diema baa doagidi lanyogunu liga.#Mat 25.14-30 12Lani yaa po o den yedi: «O badija den gedi yaa dogu n foagi, ki baan je li bali ki goa ki kpeni. 13Hali ke o daa gedi, o den yini o naacenba siiga bonba piiga ki teni ba wula kujapiena piiga ki yedi ba: ‹Yaa kpendi mani hali min baa goa ki kpeni na.› 14Ama o dogu nni yaaba den nani o ki yuandi ki soani o puoli bi tondiba ke ban ban yedi: ‹Tii bua yaa ja n tie na n yaa die ti.› 15To, bi den dini o badija yeni li bali, ke o goa ki kpeni o dogu nni. O den yini bi naacenba yaaba ke o den teni i ligi yeni, ki baa bandi ban den kpendi ki baa yaala. 16O nikpialo den cua ki yedi: ‹N daano, a wula kujapienli cuani ti ñuadi wula kujapiena piiga.› 17O bado yeni den yedi o: ‹Li ŋani, n naacenŋamo, a teni ke n fidi dugi apo li bonwaala nni, lanwani, n dini a li bali ŋan yaa die dociami piiga.› 18O naacenlielo den cua ki yedi: ‹N daano, a wula kujapienli cuani ti ñuadi wula kujapiena muu.› 19O canbaa den yedi o: ‹N dini a moko li bali ŋan yaa die dociami muu.› 20Naacentoa moko den cua ki yedi: ‹N daano, ga a wula kujapienli, n den gbini li li cabili nni ki bili. 21N den jie ŋa kelima a pia ki mabinga, a taani ŋan kaa bili yaala, ki yendi ŋan kaa buli yaala.› 22O bado den yedi o: ‹O naacenbiado na, n cuo ŋa a maceli nni. A den bani ke n tie yaa nilo n pia ki mabinga, ki taani min kaa bili yaala, ki go yendi min kaa buli yaala. 23Be nan teni ke ŋaa den bili n ligi ku ligidiegu nni ke n goakpenma min bi ga yi leni ti ñuadi?› 24Lani o den yedi yaaba n ye likani: ‹Ga mani o kani li wula kujapienli yeni ki teni yua n pia wula kujapiena piiga yeni.› 25Bi den goa ki yedi o: ‹Ti daano, o pia wula kujapiena piiga no.› 26O den goa ki yedi: ‹N waani yi i moamoani ke bi baa pa ki pugini yua n pia kuli, ama yua n kaa pia, bi baa ga o kani baa wan pia yaala.#Mat 13.12; Mak 4.25; Luk 8.18 27N yibalinba mo, bani yaaba n kaa den bua nni leni li bali yeni, cuani ba mani ki kpa ba n nintuali.› »
Jesu kua Jelusalema
(Mat 21.1-11; Mak 11.1-11; Jan 12.12-19)
28Jesu n den maadi laa maama, o den ga liiga ki do ki caa Jelusalema. 29Wan den nagidi Betifaje leni Betani yaa dobila, ki kuu *Olifie Tiidi juali, o den soani o ŋoadikaaba siiga bilie ki yedi ba: 30«Suagi mani ki gedi yaa dobiga n ye liiga na. Yi yaa baa kua lienni yaa yogunu, yi baa le yaa ŋunbisaagili ke oba daa jagini li, ke li luo. Yin loti li mani ki cuani na. 31Nilo yaa yedi yi: ‹Be n teni ke yi loti o?› Yin yedi o mani daa: ‹Ti Daano n bua o.› »
32Bi tondiba yeni den gedi ki ban sua ke likuli tie nani Jesu n bi yedi ba maama. 33Ban den loti li ŋunbisaagili yaa yogunu, li danba den yedi ba: «Be n teni ke yi loti li ŋunbisaagili na?» 34Bi den goa ki yedi: «Ti Daano n bua o.» 35Lani bi den cuani o Jesu kani ki lu ki maani bi kpaliti opo, ki teni ke Jesu jagini. 36Jesu den jagi ki suagi liiga, ke bi niba ladi bi tiadi u sanu nni. 37Wan den nagidi Jelusalema ki ji Olifie Tiidi juali, o ŋoadikaaba yaaba n yaba den ye leni li pamanli ki kpaani ki pagi U Tienu kelima ban laa yaa bancianma kuli po. 38Bi den tua:
U Tienu n seligi o bado
Yua n kpendi wani o Diedo yeli nni.
Mi yanduanma n yaa ye tanpoli po.
U Tienu yua n ye hali tanpojoma n baa ti kpiagidi.#Pis 118.26
39Ama *Falisieninba bi tianba yaaba n den ye ku niligu siiga den yedi Jesu: «Canbaa, fu leni a ŋoadikaaba ban suoni.» 40Jesu den goa ki yedi ba: «N waani yi, bi yaa suoni, a tana baa kpaani.»
Jesu buudi Jelusalema po
41Jesu n go den nagidi Jelusalema ki pugidi ki laa u, o den buudi upo 42ki yedi: «A moko yaa bi bani dinla daali yaa bonla n baa teni ŋan baa mi yanduanma. Ama moala li nan duagi a nuni po. 43Fala dana baa cua apo, a yibalinba baa kpa li nagili ki lindi ki cebini a ki baa ŋa, 44ki bolini a, fini u dogu yeni leni a niba kuli, ki mudi a diena, ki kan ŋa baa tanyenli n yaa maa liyali po. Lankuli baa tieni kelima ŋaa den bani U Tienu n den cua ki baa faabi a yaa yogunu.»
Jesu kua U Tienu diegu nni
(Mat 21.12-17; Mak 11.15-19; Jan 2.13-22)
45Jesu den kua U Tienu diegu luolu nni ki deli ki ñani yaaba n kuadi 46ki tua ba: «Li diani ki yedi: ‹N diegu baa tie li jaandieli, ama yinba wani n teni ke li tua a concona wuonkaanu.› »#Esa 56.7; Jel 7.11 47Daali kuli Jesu den bangi bi niba U Tienu diegu nni. Bi kopadicianba yudanba leni li *bali maama bangikaaba leni bi yudanba den lingi ki baa kpa o.#Luk 21.37 48Ama baa den bani ban baa ga maama ki kpa o kelima bi niba kuli den cengi o maama leni li fangili boncianla.
Jufinba buali Jesu o bali n ñani naani
(Mat 21.23-27; Mak 11.27-33)
Currently Selected:
LUKA 19: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
