MI CILIMA 28
28
1Isaaka den yini Jakobo ki gaali o ki teni o li naa ñoabonli: «A kan taa pua Kanana yaaba yaa bisiaba siiga. 2Fii ki gedi Padana-Alama a naa yaa baa Betuela yaa denpo. Ŋan taa o pua a naa yaa kpelo Labana yaa bisiaba yaa siiga. 3U Tienu yua n pia u paalu kuli n seligi a ki teni ŋan yaa pugidi boncianla, ke ŋan tua i nibuoli boncianla. 4Wan pa ŋa Abalahama yaa seli, fini leni a yaa yaabila kuli, ke ŋan yaa die ŋan ye yaa diema nni moala ki tie o caano wan den puni Abalahama yaama kuli.»#Cil 17.4-8
5Isaaka den teni ke Jakobo fii ki gedi Padana-Alama ki pundi Labana kani. Labana den tie Alama yua, Betuela yaa bijua, ki go tie Jakobo leni Esayu naa Lebeka yaa kpelo.
6Esayu den laa ke Isaaka den gaali Jakobo ki soani o ke o gedi Padana-Alama ki ban taa o pua. O den laa ke Isaaka den gaali o ki teni o li ñoabonli ki yedi o: «Ŋan da taa o pua Kanana yaaba yaa bisiaba siiga.» 7O go den laa ke Jakobo tuo o baa maama ki fii ki gedi Padana-Alama. 8Esayu den bandi yeni ke Kanana yaaba yaa bisiaba naa mangi o baa Isaaka yaa pali. 9Lanwani Esayu den gedi Isimayeli kani. Baa ke o den pia potoaba o go den taa Abalahama yaa bijua Isimayeli yaa bisalo Mahalati, yua n den tie Nebayoti yaa waalo.
Jakobo dangidi
10Jakobo den fii Beli-Seba ki gedi Halana. 11O den pundi kaanyendu ki jiidi ki baa duani ku ñiagu kelima u yienu den kua. O den taa li tanli ke li tua opo li yukunkuli ki duani likani. 12O den dangi ti dangidi, ki laa ke u dendielu se ke u yuli pundi hali tanpoli. O go den laa ke U Tienu malekinba do ki go jii u dendielu yeni po.#Jan 1.51 13O go den laa Li Miali Diedo ke o se u yuli po ki yedi: «N tie Li Miali Diedo a baa Abalahama yaa Tienu leni Isaaka yaa Tienu. Ŋan dua yaa tinga nni, n baa pa ŋa ga, fini leni a yaa yaabila.#Cil 13.14-15 14A yaabila baa tua nani ki tinga wagima, a baa tandi ki yadi nintuali leni puoli, nijienu leni niganu po kuli. Ki tinga nibuoli kuli baa baa li seli kelima fini leni a puoliŋuani po.#Cil 12.3; 22.18 15Diidi n ye leni a, n baa ŋua ŋa ŋan caa naani kuli ki guani a mi naa diema nni kelima n kan ŋa ŋa baa waamu hali min baa tieni apo min yedi a yaala kuli ki gbeni yaa yogunu.»
16Jakobo den fundi o guama nni ki yedi: «I moamoani Li Miali Diedo ye u naa kaanu nni ke mii bani.»
17Ti jawaandi den cuo o ke o yedi: «U naa kaanu pia ti jawaandi boncianla. Nekanba tie U Tienu yaa diele, nekanba tie tanpoli yaa buliñoaboe.» 18Jakobo den fii ku tiŋaapanpangu ki taa wan den kuli yaa tanli nani li yukunkuli yeni ki sieni ke li tua bontiadikaala. O den wuli mi kpama li yuli po. 19O den yini laa kaanu Betela lan bua ki yedi: «U Tienu diegu.» Ama laa dogu den kpa yi Lusa. 20Jakobo den poli li poli ki yedi: «U Tienu yaa baa ye leni nni, ki kubi nni n sancenli nni, ki puni nni mi jiema leni yaa tiadi ke n baa yie, 21ki teni ke n guani n diegu nni leni laafia, lanwani Li Miali Diedo baa yaa tie n Tienu. 22Min sieni yaa tanli ke li tua bontiadikaala yeni baa tua U Tienu yaa dieli. N go baa pa ŋa *dim ŋan puni nni yaala kuli yaa siiga.»
Jakobo kadini Lasela
Currently Selected:
MI CILIMA 28: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
