Markɩ 11

A Yeezu kpɛ n a Zerizalɛm tẽw pʋɔ nɩ dɛpaalʋ

(Mat 21:1-11, Luk 19:28-40, Zã 12:12-19)

1Bɛ na tɩ tarɛ a Zerizalɛm, pɩɛlɩ a Bɛtɩfaze nɩ a Betani ten a, a Olivʋ tɩɩr tãw ƴãw a, a Yeezu tɩ tõ n a ʋ po-tuurbɛ ayi 2ɛ́ yel bɛ: «Nyɩ cen a tẽw ŋa na be a nyɩ nidaa a pʋɔ. Nyɩmɛ wa tɩ kpɩɛr a tẽw pʋɔ a, nyɩ na nyɛ̃ nɩ bõw bile na 'lẽ a. Nɩr za bɛ zɔm ʋ sɛr ɛ, nyɩ cɛ̀r ʋ wa n. 3Ɛ́ nɩr wa sowre nyɩ: “Bʋnʋ ƴãw n'a nyɩ ɩrɛ à à ŋá?” Nyɩɩm yel ʋ: “A Sore tɛr'ɩ a bõw bile yel-ɩra, ʋʋ na lɛb'a bɛr ʋ ʋ wa a ka daadaalɛ.”»

4A po-tuurbɛ tɩ cen na tɩ nyɛ̃ bõw bile ʋ 'lẽ dɩ̃dɔr nʋɔr a yẽw, sɔ́r pʋɔ, bɛ cɛ̀r. 5Nɩbɛ bɛ mɩnɛ na tɩ be a be a tɩ sowri bɛ na: «Bʋnʋ ƴãw n'a nyɩ cɛrɛ a bõw bile ŋa?» 6Bɛ tɩ sɔw na mɛ̃ a lɛ a Yeezu na yel kʋ̀ bɛ a, ɛ̀ bɛ bɛr bɛ bɛ cere nɩ. 7Bɛ tɩ wa n nɩ a bõw bile wa kʋ̀ a Yeezu, ɛ́ de a bɛ bʋ̃-suuri yɛ́r dɔwlɩ a ʋ zu, ɛ́ a Yeezu do zɔm. 8Nɩ-yaga tɩ yɛ́r'ɩ a bɛ bʋ̃-suuri a sɔ́r zu, ɛ́ bɛ mɩnɛ yɛ́r tɩ-vaar bɛ na tɩ cɛ a póru pʋɔ a. 9A bɛlɩ dem na tɩ de a Yeezu niwn a, nɩ a bɛlɩ dem na tɩ be a pùorí a, tɩ cáarɛ na yere nɩ: «Ozaana#11:9 Ozaana: A ƴɛ̀r-bir ŋa a, cɛl'ʋ bɛ mɩ́ ŋmɛ danɩ nɩ nɩr. Ʋ ŋmɛ̃ na mɛ̃ a Dagara kuryii a. ! A Naaŋmɩn, ʋ maalɩ a sob nɛ na waar a Sore yúor ƴãw a! 10Nyɩ zɛw a naalʋ na waar a, a tɩ sãà Daviir naalʋ! Ozaana a saa-zu za!» 11A Yeezu tɩ kpɛ n a Zerizalɛm Ŋmɩn-yir-kpɛ̃ɛ pʋɔ. Ʋ na tɩ jɩ́r bom za kaa baar'a, ʋ tɩ yi na cen a Betani, ʋlɛ nɩ a ʋ Nɩ-toni pie nɩ ayi, a zie na tɩ sɔbr a ƴãw.

A Yeezu na ŋmɛ ƴãw a kãkãw a

(Mat 21:18-19)

12A bio daarɩ́, bɛ na tɩ yire a Betani tẽw pʋɔ a, kɔ̃ tɩ nyɔw nɩ a Yeezu. 13Ʋ tɩ cãà na zãá, ɛ́ nyɛ̃ kãkãw na tɛr váar a. Ʋ tɩ cen na tɩ jɩ́r kaa k'ʋʋ taa ɩrɛ wa wɔ̃. Ʋ na tɩ taw pɩɛlɩ a, ʋ nyɛ̃ nɩ váar tɛwr, a kãkamɛ daar bɛ tɩ n'a ɩ. 14A Yeezu tɩ yel'ɩ a kãkã-tɩɛ: «Nɩr bɛ be na lɛb dɩ a fʋ wɔmɛ ɩ!» A ʋ po-tuurbɛ tɩ wõ a na.

A Yeezu na diw a yɛ-yɛrbɛ a Ŋmɩn-yir-kpɛ̃ɛ pʋɔ a

(Mat 21:12-17, Luk 19:45-48, Zã 2:13-22)

15Bɛ tɩ ta n a Zerizalɛm. A Yeezu tɩ kpɛ n a Ŋmɩn-yir-kpɛ̃ɛ pʋɔ diw a bɛlɩ dem na daar, nɩ a bɛlɩ dem na kʋɔrɛ bome a be a. Ʋ tɩ da n a libi-tɛwrbɛ tabalɛ nɩ a naŋmã-kʋ̀ɔrbɛ dà-kɔwrɩ lɔb, 16ɛ́ bɛ tɩ sàwr kɛ́ nɩr za tuo bom tu tɔl'ɩ a Ŋmɩn-yir-kpɛ̃ɛ pʋɔ ɩ. 17Ʋ tɩ kanɛ nɩ bɛ na yere: «A Sɛb-sõw pʋɔ a, a Naaŋmɩn yel'a: “A ɩ̃ yir na ɩ n puoru yir a nɩ-bʋʋrɛ za ƴãw” ɛcɛ nyɩɩm, nyɩ de ʋ na ʋ lɩɛbɩ nyãnyuwr sɔwlʋ zie#11:17 Nyɛ̃ Ɩza 56.7 nɩ Zer 7.11..» 18A bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ tɩ wõ n à à ŋá, ɛ́ bɔbr a lɛ bɛ na na ɩ kʋ ʋ a. Ɛcɛ bɛ tɩ zɔrɛ ʋ na, a ʋ kanʋ na mɩ́ tɩ dam a zu-sɛbla a ƴãw. 19A zaanʋɔra na wa ta a, a Yeezu nɩ a ʋ po-tuurbɛ tɩ yi na zaa a tẽw pʋɔ.

A kãkãw na tɩ bɛ wɔ̃ a kò na

(Mat 21:20-22)

20Bɛ na tɩ tɔlɛ a biɓaara a, bɛ nyɛ̃ nɩ a kãkãw ʋ ko tɩ tɔ a nyɩgɛ. 21A Pɩɛr na tɩ lɛb tɩɛrɩ bãwnɩ a a, yel'ɩ a Yeezu: «Arabi i, nyɛ̃, a kãkãw ʋl fʋ na ŋmɛ ƴãw a, ʋ kò n ʋ za.» 22A Yeezu tɩ sɔw bɛ na yel: «Nyɩ sàw de Naaŋmɩn. 23Yel-mɩŋa sɩza n'a ɩ̃ yere kʋ̀rɛ nyɩ, nɩr wa yel a tãw ŋa: “Ìr a ka cen tɩ lo kʋ̃ɔ-kpɛ̃ɛ pʋɔ”, ɛ́ bɛ bʋ́nɛ a ʋ tɩɛrʋ pʋɔ, ɛ́ sàw de nɩ ʋ pʋɔ za k'aa na tu n a lɛ a, ʋ na nyɛ̃ na a tu a lɛ a ʋ zie. 24Alɛ so ɩ̃ yere kʋ̀rɛ nyɩ: bom nɛ za nyɩ na mɩ́ zɛlɛ a puoru pʋɔ a, nyɩ sàw kɛ́ nyɩ páw ʋ na, ɛ́ nyɩ na páw ʋ na. 25Ɛ́ nyɩmɛ wa àr a puoru ƴãw, ɛ́ wa tɛr'ɩ nɩr bom a, nyɩ dɩ suur kʋ̀ ʋ, kɛ́ a nyɩ Sãà na be a tẽ-vla pʋɔ a, mɩ̀ tʋ̃ɔ́ dɩ a nyɩ yel-bebe suur kʋ̀ nyɩ. [ 26Ɛcɛ nyɩmɛ bɛ wa dɩrɛ suur kʋ̀rɛ a nyɩ taabɛ a, a nyɩ Sãà na be a tẽ-vla pʋɔ a mɩ̀ kʋ̃ dɩ a nyɩ sãwna suur kʋ̀ nyɩ ɛ.»]

Nyɩnɛ n'a a Yeezu páw a sɔ́r ɩrɛ nɩ à à ŋá ʋ na ɩrɛ a?

(Mat 21:23-27, Luk 20:1-8)

27Bɛ tɩ lɛb'a wa a Zerizalɛm. A Yeezu na tɩ cɔlɛ a Ŋmɩn-yir-kpɛ̃ɛ pʋɔ a, a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nɩ a nɩ-kore tɩ wa na wa páw ʋ. 28Bɛ tɩ sowr'ʋ na: «Nyɩnɛ n'a fʋ páw sɔ́r tone nɩ à à ŋá? Bɩɩ ãa n'ʋ kʋ̀ fʋ sɔ́r, kɛ́ fʋ ɩrɛ à à ŋá fʋ na ɩrɛ a?» 29A Yeezu tɩ sɔw bɛ na: «Ɩ̃ na sowri nyɩ nɩ sowr-been yõ, nyɩmɛ wa sɔw kʋ̀ m a, ɩ̃ mɩ̀ na yel'a kʋ̀ nyɩ a ʋlɩ sob na kʋ̀ m a sɔ́r ɩ̃ ɩrɛ à à ŋá a. 30A suob a Zã na tɩ tɩrɛ a, nyɩnɛ n'a ʋ yi? Naaŋmɩn zie n'a bɩɩ nɩsaalbɛ zie n'a? Nyɩ sɔw kʋ̀ m!» 31Bɛ tɩ tɩɛrɛ na ƴɛ̀rɛ nɩ à ŋá a bɛ cara pʋɔ: «Tɩmɛ wa yel: “Naaŋmɩn zie n'a ʋ yi”, ʋ na sowri tɩ na: “Bʋ̃ʋ n'ʋ so nyɩ bɛ sàw de ʋ?” 32Ɛcɛ tɩ na sàw na yel: “Nɩsaalbɛ zie n'a ʋ yi i?”» Bɛ tɩ zɔrɛ nɩ a zu-sɛbla dɛ̃bɩ̃ɛ. A nɩbɛ za zie a, a Zã tɩ sɩrɩ na ɩ naaŋmɩn-ƴɛ̀r-manɛ. 33Alɛ so bɛ sɔw a Yeezu: «Tɩ bɛ bãw ɛ!» A Yeezu mɩ̀ yel bɛ: «Ɩ̃ mɩ̀ kʋ̃ yel kʋ̀ nyɩ a ʋlɩ sob nɛ na kʋ̀ m sɔ́r ɩ̃ ɩrɛ à à ŋá ɩ.»

Currently Selected:

Markɩ 11: DBDC

Highlight

Copy