Mitanie ya varumi 6

1Kyasia mikonu ilya ili vanalosho vandeengeṛia ifumbuka itaala lyawo liifoo iṅuṅura lya vandu va siṛi vakee Vagiriki veeṅu-ṅuriaa valya vakee Vayuda, fulya misikeeti yawo varekilwa uṛundiń lwa nkonu tiṛi lwa yavia kya ilya. 2Valya ikumi na vavili vakavaangia vanalosho woose ikusandio vakanumbua: Kisumani ise titie-wo ilosha kirero kya Iṛuva na ikaa rembo tiṛundie shoonga ndi. 3Kyasia vanavama, saueń vandu mfungare kari kanu vawore nsendo veeshule Mumuyo na uṛango, amu tivarwaa vaṛunde ishoṛa li. 4Neese tikaa tiiterevaa na iṛundia kirero kilya. 5Kirero ki kikairikio̱ ni ikusandio lyoose. Vakasaua Stefano akee nndu eeshule ikusura na Mumuyo Nsongori na Filipo na Porokoro na Nikanoro na Timon na Parimena na Nikolao wa Antiokia aukie vayavaṛumuń kaaṛukia kiyuda. 6Vakaseṛeeswa mbele ya varumi, nawo vakavaterevia vakavaekeṛia maako. 7Na kirero kya Iṛuva kikakwana na itaala lya vanalosho likafumbuka nnu kulya Yerusalemu. Na akwaa nkinga kya vakohani vakaaṛuka vakakusura.

8Stefano nae kava muyafinya shiingi ta ikusura Nndumi katana findo finini fa myorusie ifo vanduń. 9Kake kiindi kya vandu va kyama kilya kiivaangwaa kya Malibertino na kya vandu va Kirene na kya va Alekisanderia na kya valya vandeuka Kilikia na Asia vakakwimboo vakakuuṛana na Stefano 10vatamakii ivingana na uṛango lwamwi na Mumuyo to eekee irera nato. 11Llyo vateveta vandu vanumbue: Tamiita nndu uu eereraa firero fa iruma Mose na Iṛuva. 12Vakaaya vandu na vasuṛi na vaaṛia va mitisine vakallaya si vakawwara vakanrwaa kikweniń kinini. 13Vakaseṛeesa varambua va wongo vandenumbua: Nndu uu eemuyaa iteenda andu a asongori na mavavaso ndi. 14Amu tamiita eenumbuaa sheeli: Yesu uu wa Nasareti akasheesaa andu a na iilasha mikae ilya taniingio̱ mMose. 15Na vandu woose valya veekee kikweniń vakamulla koroo vakalolia kisangu kyamwi kivakani na kisangu kya malaika.

Currently Selected:

Mitanie ya varumi 6: RWK72

Highlight

Copy