Baruku 5
5
1Iwe Yerusalemu, jura ekijwaro ky'orufu n'enaku,
eirai lyona ojware oburungi bw'ekitinwa kya Ruhanga.
2Oburungi bwa Ruhanga obe nibwo ojwara nk'ekanzi,
ekitinwa kya Ruhanga ow'eirai lyona
obe nikyo ojwara omu mutwe nk'orukinga.
3Kuba Ruhanga naija kwolekya
ekitinwa kyawe omu nsi zona.
4Eirai lyona Ruhanga arakwijukaga nakugambira ati,
“Emilembe yawe netabuka omu burungi bwawe,
kandi obushemere bwawe niburuga omu bwesigwa bwawe
ahali inye.”
5Imuka iwe Yerusalemu,
oyemelere aha katwetwe k'eibanga,
olebe oburugaizoba,
obone okwo balikuhikanisa abana bawe
kwema obugwaizoba n'oburugaizoba,
kuba nikwo Omutakatifu yagamba.
Nibeshanda kubona Ruhanga yabaijuka.
6Orwo bakurugireho bakagenza amaguru,
ababisha babo babafunya.
Kyonkai Ruhanga alibakugarulira,
baliletwa omu kitinwa
nk'abaikaliire enketo y'obukama.
7Ruhanga aragiire buli ibanga elirailirai,
n'enshozi ezituraho bisanisilizibwe,
n'empanga zitabirwe, ensi eiganirane,
Isiraeli ebone kugendage elinzirwe Ruhanga ow'ekitinwa.
8Ruhanga ahangire ebibira
na buli muti ogulikunukage byashweka Isiraeli omushana.
9Ruhanga n'iwe alyebembera Isiraeli.
Isiraeli eligaruka n'ebyera bingi,
elinzirwe obuganyizibwe n'oburungibwe.
Currently Selected:
Baruku 5: RHAY01
Highlight
Share
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.