Malika 16

1-8: Mat. 28, 1-8; Luk. 24, 1-12; Joh. 20, 1-10.

1Neke lino baho, jivye jisilile ińwabaha, neke baho na-Malija va mu-Magadala na Malija uṅina va Jakovo na Salome neke yakagulage imihandzu gya kudzikumubaka.

2Neke pakigono ikilongodzi ikya mulungu ugungi neke vilavage kumombwe, pe lihohomoka ilidzuva.

3Neke vilondzage vatigilage: je nani, j’alatubiluhidza iliganga pamulyango gwa mombwe?

4Neke lino pe vimeha neke vavonage iliganga libilwike, pakuva lyali likomi hîlo.

5Neke baho vafikage neke vingilage mumombwe neke vavonage mwali umuvinano, akoṅomye kwivoko ilya ndyo, afwete umwlngila umutali umuvalafu gwa kobo. Neke baho vatinukage.

6Neke umwene atigilage: mutane ukogopa! Mukumusakula ju Jesu uva mu-Nasalete, umupindu-lihidzwa; adzulubwike, asimwali muno; mungalola ikivulu, pe vakamulambalike, asupali.

7Muhelelage lino, mukavalongelage avańigendwa vakwe, mukalongage na kwa Petele mukatigilage: ikuvalongoiela ukuhelela mu-Galilaja, mudzikumuvona kuko, ndevye avalongye ṅani. 14, 28.

8Neke baho, vavye vahumile pamombwe neke vańilage, pakuva vahililaga nukudendevuka. Neke vatane ukumuvula nambi munu jumwinga, pakuva vogopaga.

9Neke umwene Jesu, avye adzulubwike, neke pakigono ikilongodzi ikya mulungu, ulwa milavu hela, neke baho atalage ukwivonesa kwa Malija uva mu-Magadala, je amulosidze imidemono gihanu na givili. Luk. 8, 2; Joh. 20, 11-18.

10Neke baho umwene u-Malija neke ahelelage mukuvalongela, ve fyavedzasaga mbêpali, avańŏńŏvalaga, avavembaga nukuvemba.

11Neke pe ikuvalongela ukuta ali mûmi, ndimu-vwene, neke avene vatane ukufuvwa.

12Neke ulwa mbele avonage vali niṅasi vavili, vigenda vihelela padâsi, neke baho avasikukilage nimivedzehedze igingi. Luk. 24, 13-35.

13Neke navo vahelelage mukuvavula avajanavo; neke nadzo vatanê ukufuvwa.

14-18: Luk. 24, 36-49; Joh. 20, 19-23.

14Neke kangi ulwa mbele, vavye vakoṅomye pakulya avańikyumi na jumwinga, neke baho avasi-kukilage neke avakabusage uvundzila-lufuvo lwanavo nuvukângafu vwa numbula dzanavo, pakuva vasafuvwaga dzonda, dze vavavulaga avamuvwene. 1. Kol. 15, 5.

15Neke avalongelage atigilage: muhelelage ku-ńi jonda, mukafidalikilage ifigavwa fyonda ilyevangeli. Mat. 28, 18-20.

16Neke umuńa-kufuvwa nukudzabikwa, ujo alapona, neke lino je asifuvwa, aladadila. Apos. 2, 38.

17Neke ifyene ifilôle, ifilagendasa navańa-kufuvwa, fye ifi: imidemono valagilosehedza mwitavwa lyangu june, valalongela mundongele idzingi, Apos. 16, 18; Apos. 2, 4. 11; 10, 46.

18nindzoka valibata hela; kangi nde vańwedzage ifitege, napo fisilavavulaga; avatamwa valavavīka ilivoko, apo swe valapona. Luk. 10, 19; Apos. 28, 3-6; Jak. 6, 14. 15.

19: Luk. 24, 50-53; Apos. 1, 4-11.

19Neke baho umutwa, avye alongile navo, neke baho inuswage kukyâńa, kwe akoṅomye kwivoko ilya ndyo lya Nguluvi. Apos. 7, 55.

20Neke baho avene ukuhuma baho neke vahelelage, vadzipulisage ponda inôngwa. Neke umutwa avimilage pamalimo ganavo neke ilidzwi lyanavo alihulilage ingufu mufilŏle, ifyagendasaga. Heb. 2, 4.

Currently Selected:

Malika 16: II

Highlight

Copy