Mataji 20
20
1Pakuva uvutwa vwa kukyâńa vuliṅine numu-ńa-kâja, je ilāvaga ulwa milāvo mukuvalālikila avańa-mugove mukulimila umugunda gwakwe ugwa vutoṅoni. 21, 33.
2Neke baho, pe avavwene, pe vidikine pakigono ilihodole limwinga, neke baho atigilage: muhelelage mukulima umugunda gwangu gwa vutoṅoni.
3Neke baho kangi ahelelage pasala ja vudatu neke avonage avangi vimile kitalima paluvandza.
4Neke avalongelage atigilage: muhelelage najuńe mumugunda gwangu gwa vutoṅoni, uluhombo ndilalugelanidza, ndevye lugenda.
5Neke baho avene neke vahelelage. Neke kangi umwene neke ahelelage pakuvasakula napasala ja mutanda napasala ja ligôndza, napo neke agitage ndesi.
6Neke ahelelage mukuvasakula avangi pasala ja ikyumi na jimwi, neke avavonage avangi vimile kitalima. Neke navo avalongelage atigilage: uńeńe mwimye kiki kitalima ikigono kyonda?
7Neke avene vapilusage vatigilage: pakuva unefwe asitulālike munu. Neke umwene avalongelage atigilage: najuńe muhelelage mumugunda gwangu gwa vutoṅoni gula.
8Neke baho umuńa-mugunda gwa vutoṅoni, pe avwene vuhwe, neke alongage kwa mwimilidzi vakwe neke atigilage: uvakemelage avalālikwa varigu, uvahombage uluhombo lwanavo, uvatalage ava mumbele, vwapulilage avalongodzi.
9Neke baho vadzage ava pasala ja pikyumi najimwinga neke vanukage uluhombo lwanavo najula lihodole lyakwe najula lihodole lyakwe.
10Neke lino, pe vihelela mukwanukila avalongodzi, neke vahambulage ukuta jufwe alatugeleka pamihombele gya vajisu. Neke navo vavonage vikwanukila najula lihodole najula lihodole.
11Neke baho vavye vanukye uluhombo neke vakŏle mukuṅula kwa muńa-kâja
12neke vatigilage: lolage ava mbele, avalimile isala jimwi hela, kangi uveve uluhombo ututega-nidze na je tupumwike amalimo ga neńuli aga, je tutovilwe niṅēlo.
13Neke baho umwene atigilage kwa jumwi: ve mujangu uveve, uluhombo lwako usidzangilwe. Tusidikine li lihodole limwinga pakigono?
14Vwinulage akako uveve uhelelage; kyendamutima unene, kye ndilesile uva mumbele ndimu-hombage, nde vye uhombilwe na juveve.
15Muli nôngwa humbi na mufyûma fyangu, ngana ndigendela kyendamu-tima kyangu? Ilîho lyako lihalwike, pakuva livwene unene ndili mulele?
16Kye valaleka avambele vavedzage ve valongodzi neke avalongodzi vavedzage ve va mbele. (Ulwa kuva avakemelwa ve volofu neke avahāgulwa ve vakefu.) 19, 30; 22, 14.
17-19: Mal. 10, 32-34; Luk. 18, 31-33.
17Neke baho Jesu, pe ikwinukila mu-Jelusaleme, neke baho ibagulage navańikyumi navavili, neke avye idevwe navo muṅasi, neke avalongelage atigilage:
18lolage twikwinuka twikŏla mu-Jelusaleme, apo umwâna va munu aladzisutulilwa mumavoko ga vatekedzi avakomi na kuvakagulihâte, ve vene valadzikumukĕlela ulwa kufwa. 16, 21; 17, 22. 23.
19Kangi valamusutulila kumavoko ga vapivala, ve valadzikumujējēsa, valadzikumudzăgula valamutovela na pakipindulihidzo neke pakigono kya vudatu umwene kangi aladzulubuka.
20-28: Mal. 10, 35-45.
20Neke baho ahegēlelage ukwakwe uṅina va vakina-Sebedaja neke ahelelage navaswamuve vavili neke afugamage pasi neke atigilage: ndigulwime. 10, 2.
21Neke umwene atigilage: ugulwime kiki? Neke atigilage: nigye avâna vangu ve vavili ava mwali mukikalanile navo kuvu-twa vwako ujungi kulya ndyo ujungi kulya ṅigi. 19, 28.
22Neke baho Jesu apilusage atigilage: lwe mwińilika, mwińilika kitaludzela. Musilemwa ukuńwa ikińwēlo, kye ndikŏla mukuńwa unene? Neke avene vatigilage: nda, tusilemwa. 26, 39; Joh. 18, 11; Luk. 12, 50.
23Neke umwene atigilage: ikińwēlo kyangu e ikyo mulakińwa, neke ukwikala kundyo nukuńigi ukwangu, ulo lusi lwe lwangu pakumupēla evo umunu, hamu, apo valikala va vagungule, ve avagungulye ṅani ju dâda.
24Neke baho, pe valupulike ulu avańigendwa avańikyumi, neke vavakalalilage mbandu avali kyânamunu avavili ava. Luk. 22, 24-26.
25Neke baho umwene Jesu avakemelage neke alongage atigilage: muvadzely e avatwa avamufipelela, ukuta kuvavanda vanavo vakwitemelehedza vu vutwa, navavina vanavo muludzelye, ukuta vikalye ngufu kuvanu.
26Neke uńeńe lwe mutane ukuva nalo lwen’ ulu, hamu, je muvwene ikwi-hambusa ukuva ngita muvina apeńo, je adzukage muńa-kuvalimilavangi. 23, 11.
27Neke nuve itigila ndivedzage ndili mulongodzi june, je adzukage ngita muvanda kwe ńe vajagwe jujo. Mal. 9, 35.
28Ndevye umwâna va munu asadzile mukulimi-lwa kuvangi, hamu, adzile mukuvalimilavangi jumwene, adzile mukuguhomba gu mutima gwakwe, ukuta livedzage lifungu lya kuvakombohedza avolofu. Luk. 22, 27; Fil. 2, 7; 1. Tim. 2, 6. 29-34: Mal. 10, 46-52; Luk. 18, 35-43.
29Neke avye ihuma mu-Jeliko neke avanu ikipuga ikikomi neke kimunīnilage.
30Neke baho vavavonage avabofu amîho vavili vikadzile palubali lwa ṅasi. Neke avene, pe valupulike ukuta: je Jesu idzu-mbanidza, neke vakutage vatigilage: ungatupyanila, ve mutw’ ave, ve muswamuve va Davidi.
31Neke baho avanu ikipuga neke vavakabusage vatigilage: ńêla, mudzike. Neke avene avabofu neke vongeledzage ukukūta neke vatigilage: ungatupyanila, ve mutw’ ave, ve muswamuve va Davidi.
32Neke baho Jesu image neke avakemelage neke avavudzage atigilage: mutigye ngitage ndavuli nańeńe?
33Neke avene vapilusage vatigilage: tuka tulolage amîho getu, mutw’ ave.
34Neke baho Jesu lumugwilage ulupyana mwileme neke avabasage mumîho neke baho gadindukage nakalingi amîho ganavo, neke baho vamuninilage.
Currently Selected:
Mataji 20: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
