Mataji 14
14
1-12: Mal. 6, 14. 17-30; Luk. 9, 7-9; 3, 19. 20.
1Pafigono fifyo neke Helodo umutwa neke apulikage ukutambulika kwa Jesu,
2neke alongage nava-vanda vakwe atigilage: vona je Johana umudza-bisi? Adzulubwike, kye alesile avonesage nimitu imińangúfu, gye twipulika.
3Pakuva Helodo amwibite Johana, amufungile, amudindye na mundinde, ainufungye panôngwa ja Helodija, ja mudala va Kilipi, umunuṅuve va Helodo. 11, 2.
4Pakuva umwene Johana alongile kwa Helodo atigye: mwîko uveve ukuva nave umudala ya mujago.
5Neke umwene asakulaga ukumuvulaga neke ogopage kuvanu, pakuva avene vatigilaga, je muvidzi. 21, 26.
6Neke baho pakigono ikingi, pali pasikukulu ja kukumbukila ukuholwa kwa Helodo, neke baho umwalive va Helodija neke akinage baho, pe vatinadzaga, neke baho anogage na kwa Helodo.
7Neke baho umwene Helodo atigilage: uńilikage kinu ukwangu, nde kivedzage kiki, ndikukupēlaga fyonda; neke amujigilage nulujigo baho.
8Neke baho umwene, pakuva uṅina amufundye ṅani, neke atigilage: umelage umutwe gwa Johana umudzabisi baha pakihăva.
9Neke baho umutwa lumuhulilage uvuhuguvafu ulu, neke kangi idikage, pakuva ijigilye ṅani, pe vipulika na ve fyalilanilaga ifilyo, neke atigilage: swêla umupelage.
10Neke baho atumage kuńumba ja vakunge neke adumulage umutwe gwa Johana.
11Neke vaguletage umutwe pakihăva neke vamupelage umuhindza neke umwene akasindikage kwa ṅina.
12Neke baho avańigendwa vakwe neke vaguńamulage umuvili gwakwe neke vagusilage. Neke baho vahelelage neke vakavikulage kwa Jesu.
13-21: Mal. 6, 31-44; Luk. 9, 10-17; Joh. 6, 1-13.
13Neke baho Jesu, pe apulike ulu, neke ingilage muvwâto neke atyegelage muluṅalaṅala, neke kwe akidevulage ali jena. Neke baho avanu, pe vapulike, ukuta ali kuluṅalaṅala, neke baho vahumage monda mukâja neke vagendelage ija pakidunda, vikola kwe āli umwene.
14Neke baho umwene Jesu afumbukage neke avonage avanu avolofu neke lumuvonage ulupyana, neke baho avahōsage avagajangufu. 9, 36.
15Neke pa kya mihe neke avańigendwa vakwe valongage kwa mwene neke vatigilage: mwe luṅalaṅala muno, nukuhwa vuhwe, uvatavulage avanu, vahelelage mukâja mukwigulila ifilyo.
16Neke Jesu atigilage: vahelelage va kiki? Ka ukuvapēla juńe ifilyo!
17Neke baho avene vapilusage neke vatigilage: najufwe tusili na kinu apene apa. Nga vugali vuhanu, uvo tuli navo, nutusomba tuvili, swe fifyo.
18Neke baho umwene atigilage: muvulete kuno.
19Neke atigilage: avanu vikale pisoli. Neke baho inulage uvugali vuhanu vuvo nisomba dzivili neke alolage kukyâna neke ahongedzage. Neke baho uvugali neke ameguliṅasage neke avapelage avańigendwa vakwe neke avene vapelanidzage kuvanu.
20Neke baho vonda neke validzage neke vigutage. Neke baho valundasage utuvuluvulu, twe valagadzaga, neke twe tumemage ifihivi likyumi nafivili.
21Neke avene, avalidzaga, pamivalile vali vańa-mbilima dzihanu (5000), kitavala navadala navâna.
22-36: Mal. 6, 45-56; Joh. 6, 16-21.
22Neke baho Jesu avafiganidzage avańigendwa vakwe neke atigilage: mwingilile ṅani mukyômbo, mulovokelage imwambu kula, unene ndivata-vulage tândi avanu.
23Neke baho avye avatavwe avanu, neke umwene inukilage pakidunda neke idevulage mwenepa-kulapangila, neke na li lidzuva limusotelage, pele ali baho ndeni. Luk. 6, 12; 9, 18.
24Neke ikyene ikyômbo, ve kyave pa pańandza pagati, neke kilwage namavingo, pakuva unluvelo gwatanidzaga kuvulongolo.
25Neke pakilo pagati, mumuminga gwa vutaji, avadzilage neke agendage pańandza pakyâńa.
26Neke avene avańigendwa vakwe, pe vamuvwene, pe igendela hela pańandza, neke baho vatovekage mwileme neke vatigilage: limulungu! neke baho vakōlage ningōlo. Luk. 24, 37.
27Neke umwene Jesu alongelage ṅani atigilage: muńamale, je nene, mutane ukogopa.
28Neke baho Petele apilusage atigilage: mutw’ave, ngana je veve, ungańemela, najune ndigendele pakyâńa pańandza ukwadza ukwako.
29Neke baho umwene atigilage: vwadzage. Neke baho Petele neke ahumage mukyōmbo neke alivatage pakyâńa pańandza ukubita kwa Jesu.
30Neke lino, pe alivwene ilivelo, neke baho akŏle mukogopa. Neke baho neke adwibale neke baho akŏle olukukūta neke atigilage: ungananga mutw’ave!
31Neke baho Jesu nakalingi neke agolosage ilivoko lyakwe neke amulopolage neke atigilage: ve muńa-lufuvo ulukefw’ave ukikwiganisa kiki? 8, 26.
32Neke baho vingilage mukyômbo neke na li livelo neke lilitamage.
33Neke avene, avali mukyômbo, neke vagwidzage pasi neke vatigilage: ndakyene uveve uli muswamuve va Nguluvi.
34Neke baho valovoṅasage neke vafikage mu-ńi ja mu-Genesalete.
35Neke avanu avamumo, pe vamudzelye, ukuta je mwene, neke vatumage amapelela pa-ńi jonda jijo. Neke baho vamuletelage avańa-fitamwa ukwakwe.
36Neke vamudedevage pakuta: ungaleka twiba-tage gu mwênda gwako kumudzivo, apo twihōka; neke vonda, avibataga, vahôkaga. 9, 21; Luk. 6, 19.
Currently Selected:
Mataji 14: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
