Mataji 13

1-23: Mal. 4, 1-20; Luk. 8, 4-15.

1Neke pakigono kikyo neke Jesu ahumage muńumba neke akikalage paṅumbuṅumba ja ńandza.

2Neke avanu avolofu neke valundanilage baho. Neke baho umwene ingilage muvwâto neke mwe ikale. Neke avanu ikipuga neke kitandalikage paṅumbuṅumbu.

3Neke baho umwene neke avavūlanidzage indzolofu neke avavūlanihidzage mufihwananihidzo neke atigilage: mulolage umuńa-kumidza imbeju akihelela mukumidza im-beju jakwe.

4Neke pe imidza, neke baho ijingi jigwidzage pi-kasi, neke dzadzage indege, dziholage jonda.

5Neke ijingi jigwidzage palutālâvwe, pe gusali poguli umuganga umolofu; neke iji jimelage nukumela nakalingi, pakuva umuganga gusali poguli umolofu.

6Neke lino pe lwidzengelye uludzuva, neke ju-mage kisatu, pakuva jisali namadela.

7Ijingi neke jigwilage pamifwa, neke pe gimelile imifwa, neke gijigo-veledzage imbeju.

8Ijingi neke jigwidzage pamugunda umunofu, neke jivelekage imeke, ńeke ijingi jivelekage ligana, ijingi neke jivelekage amakyumi mutanda, neke ijingi jivelekage amakyu-mi gadatu.

9Neke je ali nafyo ifilyango fya matwi apulikage.

10Neke baho vahegēlelage avańigendwa vakwe neke vamuvudzage vatigilage: pakulonga vwihwa-nanidza, uvwene kiki?

11Neke umwene apilusage atigilage: pakuva uńeńe mupelilwe ulwa kudzifikaidza kukińele, idza vutwa vwa kukyâńa, avangi avo vasipelilwe hamu.

12Ndivwene je ali nako kamwinga, alongeledzwa nifingi ifińa-mwîto, neke je asili nako, je alanu-kwa na ke ali nako. 25, 29; Mal. 4, 25; Luk. 8, 18.

13Kye ndilesile ndivavulanihidzage mufihwananihidzo, pakuva na pe vilola vasikudzivona, na pe vipulika, vasikudzifika pakudzikagula.

14Dzikuvādzila, dze āvilile Jisaja, je itigila: „ukupulika mumatwi, uko mulapulika, neke musila-dzifika, ukudzilola namîho, uko muladzilola, neke musiladzimańa.

15Ndivwene avanu ava inumbula dzanavo vasidwifye, namatwi ganavo madibafu pakupulika, namîho ganavo vasińile, ukuta tutane ukudzivona, tutane ukudzipulika na mumatwi, ninôngwa tutane ukudzifika munumbula, tutane nukupituka, atane nukutuhōsa umwene.“

16Muli kitēndileme uńeńe, pakuva amîho geńo gilola namatwi geńo pakuva gipulika. Luk. 10, 23. 24.

17Unene ndikuvavula ndakyene nditigila: navavidzi navagolofu vadobokaga ukulola, dze mwilola uńeńe; neke valemwaga pakudzivona, vatigye tupulikage, dze mwipulika uńeńe, neke valemwaga pakudzipulika nambi ponu.

18Ali lino! uńeńe mutegage amatwi, ndivaganulilage ikihwananidzo kya muńa-kumidza imbeju.

19Neke je akulipulika ilidzwi lya vutwa neke abihile ukulivika, apo alavona ikwadza umutavangu, ibupila ngufu akamidzilwe aka munumbula jakwe. Neke je mwene uju, je nigye: ijingi jagwaga pikasi.

20Neke lino je nigye: jagwaga palutālâvwe, je uju je ivona apulike amadzwi neke baho akēle neke na pakulyanukila asihāva.

21Neke uvwimilo vwa midela asili navo, hamu, muńa-kwima ifigono nde filingi, neke pe avwene ilidzwi likumuhulila nukupumuka nukufwimwa, apo swe fisihāva pakulyambudza.

22Neke je nditigye: jikigwa pamifwa, je mwene je ivona apulike ilidzwi, neke kangi ahandziṅasage namahodzo nukwiganya ifya mu-ńi muno nulubuganidzo lwa vusafi, fye fyene ifigoveledza ilidzwi neke litane nukuvelesa. 6, 10-34; 1. Tim. 6, 9.

23Neke lino ijene je ngitigila: jagwidzaga pa-ńi inofu, je mwene je ivona apulike ilidzwi neke baho alivikage neke avelekage nukuvelekaimeke. Ujungi iveleka ligana, ujungi amakyumi mutanda, ujungi amakyumi gadatu.

24Neke avavūlage nulungi uluhwananihidzo ulwa kuliṅanihidza neke atigilage: uvutwa vwa kukyâńa vutegine numunu, je amidzaga imbeju inofu mumugunda gwakwe. v. 36-43.

25Neke lino vavye vagonelye avanu neke adzage umutavangu neke amidzage ililulu mumugunda gwa vuledzi mumo neke abitage.

26Neke pe lumelile ulubelege, pe vwihumya nińodzo neke baho līvonesage nililulu.

27Neke baho avavanda vakwe vahelelage neke vakalongage kwa muńa-kâja neke vatigilage: mutw’ave, usamidzile imbeju inofu jene mumugunda gwako? kangi lihumile kwi ililulu?

28Neke umwene atigilage: apo amidzile umutavangwa. Neke avavanda vatigilage: lino utigye tuhelele, tukagehe?

29Neke umwene akanage neke atigilage: nda, henda mulipila kumwinga nuvuledzi, pe mwikwipa ililulu.

30Muleke fikulanilage fye fivīli ukufika pambene. Neke pambene, apo ndilalonga navańa-kubena ndilatigila: mutale mwipe ililulu, mugade utudzigo twa kutodza kumôto, neke uvuledzi musopelage muńumba jangu ja fisandzi. 3, 12.

31-32: Mal. 4, 30-32; Luk. 13, 18. 19.

31Neke avalongelage nulungi uluhwananidzo neke atigilage: uvutwa vwa kukyâńa vuliṅine nakapeke aka lupăla, ke inulaga umunu neke amidzage mumugunda gwakwe.

32Pakuva akene ke kalutye uvudebe kumeke dzonda neke kangi akene, ngana kakulile, kilutila kumboga dzonda uvuko-mi, kihambuka libiki likomi, nindege dza kukyâńa dzikwadza ve dzidzenga uvwaso mufipagwa fyalo.

33Neke avavulage nulungi uluhwananidzo neke atigilage: uvutwa vwakukyâńa vuliṅine nilisimi-ka, lye akikwinula umudala neke ahandziṅasage nuvutine uvwa patulilo tudatu; neke baho vukali-fyage vonda ńani. Luk. 13, 20. 21.

34Neke umwene Jesu dzonda idzi alongelaga mufihwananihidzo; ukwene ukusevula kwe asase-yulaga pakulonga kufipuga, dzonda, dze akelaga pakuvavula, adzovelaga mufihwananihidzo. Mal. 4, 33. 34.

35Ukuta luvonekage, lwe avilile umuvidzi Jisaja, pe atigilaga: „ngana ndikwa-mula ukulonga kumulomo, apo ndilalongela mufima-ńagihidzo ndiladzińwilidza pakudzilonga idzali kukińele, ukuhuma pe jamulwaga ińi.“

36Neke baho Jesu neke avatavulage avanu ikipuga neke vahelelage kukâja dzanavo. Neke baho avańigendwa vakwe vahe-gelelage ukwakwe neke vatigilage: unefwe ungatuganulilaga ikihwananidzo kya lilulu lya mumugunda lila.

37Neke baho Jesu avapiluhidzage neke atigilage: je imidza imbeju inofu, je mwâna va munu,

38neke umugunda je ńi. Neke imbeju inofu ve vâna va vutwa, ililulu ve vâna va muhaluka. 1. Kol. 3, 9.

39Neke umutavangu, je amidzile, je Setano. Neke imbenevwe vwapulilo vwa kuhigwa ińi iji. Neke avańa-kubena, ve vańa-mwandza va Nguluvi,

40Ndevye vilundasa ililulu vuli, vikulikodza mumôto, valagita ndesi, na pe jilava jihigwa ińi jonda.

41Apo umwâna va munu alavatuma avańa-mwandza vakwe mukulundasa dzonda indzambudza muvutwa vwakwe navanu vonda, avipunya. 25, 31-46.

42Ve valasopwa mwitende lya môto, kwe jilayêdza niṅuto, kwe lulavedza nulugeledzulo lwa mîno. 8, 12.

43Apo avagolofu muvutwa vwa dadavo valalangalaga ngita lidzuva. Je ali namatwi, ategage pakulipulika.

44Kangi uvutwa vwa kukyâńa vuliṅine nikyûma, kye vafihile mumugunda, neke umunu jumwinga akivonage, kangi neke afihage. Neke baho akelage neke ahelelage mukudzigula fyonda ifyûma fyakwe neke adzage agugulage umugunda gugo. 19, 29; Luk. 14, 33; Fil. 3, 7.

45Kangi uvutwa vwa kukyâńa vuliṅine numu-ńikuvo, je alusakulaga ulwâmbo ulunofu ulwa kugula.

46Neke pe aluvwene ulwâmbo uluńa-mbafya, neke baho ahelelage akadzigulage ifyûma fyakwe fyonda neke adzage, alugulage ulwâmbo lulo.

47Kangi uvutwa vwa kukyâńa vuliṅine nulwâfu, lwe visopa muńandza pakulovela isomba dzonda mumitangilo. 22, 9. 10.

48Neke nganâ vadzivwene dzimemile, vikwegela paṅumbuṅumbu, vihalangula ninofu nimbîfu, imbîfu vitaga, inofu vivopa mufihaṅa.

49Dzilavedza ndeni na pe jilava jikwapuka ińi, apo avańa-mwandza valavahalangula vonda avavîfu mukipuga kya vagolofu. 25, 32.

50Valavasopa mwitende lya môto. Kwe jilavedza nińuto, kwe lulavedza nulugeledzulo lwa mîno.

51Neke baho Jesu atigilage: mudzivwene dzonda? Neke avene vatigilage: ena mutw’ave.

52Neke baho umwene atigilage: vonda navakagulihâte, ngana vihambu-ka vańigendwa va vutwa vwa kukyâńa, apo lwilińāna numuńa-kâja, je ihumya nifyadzalino nifyakatali, mwe avikye ifyûma fyakwe.

53-58: Mal. 6, 1-6; Luk. 5, 15-30.

53Neke baho Jesu, pe amalile ukuhwananidza, neke asimikage indzajo neke ahelelage.

54Neke baho afikage kwilavwa lya dadye neke ingilage muluholanilo lwanavo mukuvavulanidza inôngwa. Neke avene valindimukage neke vatigilage: umunu uju aluvwene kwi nuluhala ningufu, dze ilimila?

55Si je muswamuve va mupulula-fibiki uju? Uṅina si je uju, je itambulwa Malija ilitavwa? Avańa-kwavo si ve va-Jakovo na-Josefe na-Simono na-Juda?

56Neke avahadzave tii-silinavovonda apa? Adzivwene kwi dzonda idzi? Joh. 7, 15. 52.

57Neke baho avene linukilage iligoga pamwene. Neke baho Jesu avalongelage neke atigilage: umuvidzi ikwimikwa kuvanu avangi neke napilavwa lyakwe na muńumba jakwe igunilwa. Joh. 4, 14.

58Neke baho atane nukuvavonehedza imitu gya ngufu imyolofu, pakuva avene vali vagajalufuvo.

Currently Selected:

Mataji 13: II

Highlight

Copy