Luka 22
22
1. 2: Mat. 26, 1-5; Mal. 14, 1. 2.
1Neke lino ikyene ikyâka kya vugali uvundzila-luhâfu, kyê vitigila pasa ilitavwa, kyahegelye.
2Neke avene avatekedzi avavina navakagulihâte neke vasakulage imivulagile neke vatigilage: ino twigita va ndavuli? Vavwene vavogo-paga avanu. 20, 19.
3-6: Mat. 26, 14-16; Mal. 14, 10. 11.
3Neke lino umwene Setano ujo amwingye ju Juda, u-Isikalyoto ilitavwa, je ali va pikyumi navavili. Joh. 13, 2. 27.
4Neke je ahelelage kuvatekedzi avakomi na kuvalinda-tembele neke alongage navo ulwa kuva-sutulila u-Jesu.
5Neke baho avene vakēlage neke vidiṅanage nimâli ija kumupēla.
6Neke baho umwene neke idikage. Neke baho umwene neke asakulage apanofu apakuvasutulila apandzila-migalukile gya vanu.
7-23: Mat. 26, 17-23; Mal. 14, 12-25.
7Neke baho ikigono kya vugali uvundzila-luhâfu neke kifikage ikyakuhi-ndzila nakakolo ka pasa.
8Neke baho Jesu avatumage nu-Petele na Johana neke atigilage: muhelelage mukavujape akakolo ka pasa, tulidzage.
9Neke avene vatigilage: uveve utigye tuvujapilage pi?
10Neke umwene avalongelage neke atigilage: mulolage, ngana mudzi-kwingila mukâja jila, apo mudzitaṅanika numunu, j’itwikile ikidzilo kya lulenga. Je mukamuninilage jujo ukufika kuńumba, je idzikwingila umwene.
11Neke mukalongane numauńa-ńumba jijo mukatigilage: umululema akukulongela itigila: ińumba ija kulila akakolo ka pasa najune navańigendwa vangu, je jilikwi?
12Apo mudzivona akuvalaga ińumba ija kukâno ingomi inofu, je valile namatefu. Mwe mukavuja-page mumo akakolo ka pasa.
13Neke lino baho vahelelage neke vakavonage ndesi, ndevye avalongye. Neke baho vavujapage akakolo ka pasa. 19, 32.
14Neke lino baho jivye jifike isala ja kulila neke baho akoṅomalage mukulya nav-Apositili vakwe.
15Neke baho avalongelage neke atigilage: Ngasukilwe sikusukwa, pakuta tuhange pamwinga twivonda pakulya pasa najune nańe, kyali ndave mulupumuko.
16Ndivwene unene ndikuvalongela nditigila: sindilavuja mbwile kangi ukujilya ipasa iji ukufika bahe ndilava ndikujidu-mihidza muvutwa vwa Nguluvi. 13, 29.
17Neke baho inulage ikińwelo neke ahonge-dzage neke atigilage: kote, mugavanage ikińwelo iki.
18Ndivwene ndikuvalongela unene nditigila: ukuhuma ku neṅuli sindilavuja mbwile kangi ukuvuńwa uvwa meke dza vutoṅoni uvu ukufika bahe vuladzila uvutwa vwa Nguluvi.
19Neke baho inulage uvugali neke ahongedzage neke ameguliṅasage neke avapelage neke atigilage: uvwene uvu gwe muvili gwangu gwe mupelilwe, ulwene ulu mulugitage ndesi, luvedzage lwa kundzivukila june. 1. Kol. 11, 23-25.
20Na ki kińwelo nakyo akigita nakyo ndesi, pe valye, neke atigilage: ikinwelo iki lwe lufingo ulwadzalino ulwa mudanda jangu, ijivitikye juńe.
21Mulolage lino! Ilivoko lya muńa-kūsutulila unene nalyo ndili nalyo baha pakitala, kye twilila. Joh. 13, 21. 22.
22Pakuva umwâna va munu ujo muńa-kuhelela ndesi, ndevye akĕlilwe. Neke lino iga umunu, je akumusutula!
23Neke baho vakŏle mukwivudza va vene, nde je nani vona muvene, je ikŏla mukudzigōla idzi.
24Neke baho vakanīṅanage nulukani va vene ulwa kuta: je alutye uvukomi avene, nde je nani. 9, 46.
25. 26: Mat. 20, 25-27; Mal. 10, 42-44.
25Neke umwene avalongelage neke atigilage: avatwa avapivala vakwi-temelehedza uvutwa neke avakuvaletela ingufu ve vene kangi vitambulwa ilya: Vutavudzi.
26Neke lino uńeńe mutane ukuva nalo ulu; nda hamu, uńeńe, je alutye uvukomi, avedzage ngita je munuńuvanavo neke umulongodzi avedzage ngita je mulimilavangi.
27Ndivwene alutye ani uvukomi na je akoṅomye pakulya na je ilimilavangi? Asilutye je akoṅomye? Neke unene ndili ngita mulimilavangi, ve tugenda nańe vuli. Joh. 13, 4-14.
28Neke uńeńe je ńeńe je mwadadambalye ukwangu, na pe ndagemwaga.
29Neke lino najune ndikuvagavila uvutwa uńeńe, ndevye angavye najune udâda uvutwa,
30ukuta najuńe twali tuhange muvutwa vwangu ukulya nukuńwa, ukuta najuńe mwali mwikale pafitêngo fya vutwa, ukuta mwali mufihige ifipelela ifińikyumi nafivili ifya vakina-Jisilahele. Mat. 19, 28.
31-34: Mat. 26, 31-35; Mal. 14, 27-31; Joh. 13, 36-38.
31(Neke umutwa atigilage;) ve Simono, ve Simono, ulolage, u-Setano avańilike uńeńe atigye avapē-te ngita vuledzi. 2. Kol. 2, 11.
32Neke lino unene ndikulapangilye ukuta lutane ukujaganika ulufuvo lwako uveve. Neke ngana lusiku, ulava upitwike, apo vwali uvakangadzage na va vajago. Joh. 17, 11. 15. 20.
33Neke umwene Petele neke atigilage: ve mutw’ave, unene ndikadzile ve ndivujipe, nigye nde vavedzage vakukudindila muńumba ja vańańololo uveve, nde vavedzage vakukuvulaga, apo unene tulagendasa ndesi.
34Neke umwene atigilage: ulekage ndikulongelage unene, ve Petele, neṅuli pe na ji ndzogolo pe jave nukuvanga, apo uveve ukwangu ve vwikanile kadatu ukuta usindzelye unene.
35Neke baho atigilage: pala, pe ndavatumaga ilikasi lila, pala pe ndatigilaga, mutane ukwibata nakabukuli nakadŭlu nindātu, neke lino pene pala mwadagine ponu? Neke avene vatigilage: nambi! 9, 3.
36Neke avalongelage neke atigilage: neke lino je ali nakabogolo, ujo akafumbatidzage vunofu, na tu tudŭlu ndesi. Neke lino je asili nafyo, agudzage umwîngila gwakwe neke igulilage ikyûfya.
37Ndivwene unene ndikuvalongela nditigila: lińa-kwapulilwa apangu na li lidzwi ilyandikwe, ilitigila: „vamuhandzidze na vańa-kupunya.“ Ndivwene gonda amadzwi, aga-kundonga unene, gidudzwa lino.
38Neke baho avene neke vatigilage: ve mutw’ ave, ifyûfya nga hifi tuli nafyo fivili. Neke baho umwene atigilage: swêla tululeke.
39-46: Mat. 26, 30. 36-46; Mal. 14, 26. 32-42.
39Neke baho ahumilage pivala neke alungamilage kukidunda ikimono, ndevye agitaga mbêpali. Neke avańigendwa vakwe vamuninilage. Joh. 18, 1.
40Neke lino, avye adzifike pakivungu neke baho avalongelage atigilage: mulapangilage ukuta ulugemyo lutane ukuva-gwila.
41Neke baho umwene ikwegage ukwavo neke agelanihidzage nde luvala lwa kutodzehedza nde liganga nde. Neke baho agundamage pasi neke alapangilage
42neke atigilage: ve dâda, nga ugulwime, apo uleke kidzumbe ikińwelo iki. Neke ulwene lutane ukugendela mwe ndikelye june, hamu, lugendelage mwe ukelye juve.
43[Neke baho amuvonekelage umuńa-mwandza va kukyâńa neke amuka-ngadzage ingufu.
44Neke pe gwikova, neke baho alukangadzage mbandu ulwa kulapangila. Neke baho na li lifŭke lyakwe pakutugutila neke livedzage ndavuli mudomo gwa danda pakudomola.]
45Neke baho image, pe amalile ukulapangila neke ahelelage kuvańigendwa vakwe neke avonage vagonelye itulo dza vuhuguvafu.
46Neke avalongelage atigilage: mwigonelela kiki itulo? Mulamuke mulapangilage, ukuta ulugemyo lutane ukuvagwila.
47-53: Mat. 26, 47-66; Mal. 14, 43-49; Joh. 18, 2-11.
47Neke lino baho, pe ave ilonga, neke baho vavonage: hava avanu ililugu, huju na ju Juda, ali muvulongolo, ihegeledza kwa Jesu, itigila ndimu-nonele pamulomo.
48Neke umwene Jesu atigilage: ve Juda, vwigendela ulunonelo pakumusutula umwâna va munu?
49Neke lino avene, avali nu-Jesu, vavye valuvwene, mwe lugendye neke baho vatigilage: ve mutw’ ave, tuvahengage nifyûfya?
50Neke baho umujanavo ujungi neke amuhengage umuvanda va mutekedzi umuvina neke alihengage ilitwi lya ku ndyo.
51Neke baho Jesu neke apilusage neke atigilage: mungandeka tândi, ka ulu! Neke baho amwabasage ilisikidza neke amunanyage.
52Neke baho u-Jesu neke alongage navo avatekedzi avakomi navali-ndila-tembele navandzagila ikisina neke atigilage: inwalwike nde mukwibata umukufi! Mukolelye nifyûfya nisondza!
53Mbêpali pe twavedzasaga twivonda mutembele, ka musandzibataga kiki? Neke lino pakuva je sala jeńo iji, vwe vutavulilwe vwa mukîsi uvu. Joh. 7, 30; 8, 20.
54-62: Mat. 26, 57. 58. 69-75; Mal. 14, 53. 54. 66-72; Joh. 18, 12-18. 25-27.
54Neke baho vamwibatage neke vamuhelelage nave neke vakamwingilage nave muńumba ja mutekedzi umuvina. Neke lino u-Petele neke aninilage patali.
55Neke baho vakodzage umôto mwipāla neke baho fikalanilage; na ju Petele ahange baho.
56Neke baho umuvanda vanavo umukiṅinavo, pe amuvwene akoṅomye pamôto, neke baho amusimīlidzage pakumulola neke atigilage: na juju nave akali na jula.
57Neke umwene Petele neke akanage neke atigilage: sindimukagwe, ve mudal’ave.
58Pe vavye vikalile padebe, neke alongage ujungi umunu neke atigilage: uveve najuve uli mujanavo va vala. Neke umwene Petele atigilage: ve munw’ave, si je nene nda.
59Neke lino, jivye jidzumbile isala jimwi, neke aluginyage ujungi neke atigilage: ndakyene swe, na juju nave fikige-ndasa na jula, ndivwene mu-Galilaja.
60Neke umwene Petele atigilage: ve munw’ave, sindiludzelye na lwe vwilonga. Neke lino baho, na mulomo gula, avye ali mukulonga ndesi, neke baho indzogolo neke jivangage.
61Neke baho umutwa aseduhidzage amîho kwa Petele neke amulavage. Neke baho u-Petele neke akumbukage ilidzwi, lye alongile umutwa, lye atigye: pe jave nindzogolo ukuvanga, apo uveve neṅuli ve vwikanile kadatu ukwangu. v. 34.
62Neke baho ahumilage pivala neke avembage amohodzi amańa-mbafya.
63-65: Mat. 26, 67. 68; Mal. 14, 65.
63Neke lino avene avagosi, avamwibite Jesu, neke vamujejeledzage neke vamutovage.
64Neke vamufunikilage na kumîho neke lino vamuvudzage vatigilage: ongo lino, uvilage, je nani, j’aka mukukutova?
65Neke baho vamulongage fivi nidzingi indzolofu.
66-71: Mat. 26, 59-66; Mal. 14, 55-64.
66Neke lino, kuvye kukye, neke baho vilundasage navandzagila avańa-kisina navatekedzi avavina navakagulihâte neke vamuhelelage nave kululundano lwa vahĭdzi. Neke baho vatigilage: ngana vwi Kilisiti juve, apo utulongelage. Joh. 18, 24.
67Neke umwene atigilage: nde ndikali ndiva-longelage, musikali mukufuvwa.
68Neke nde ndikali ndivavudzage, mukali muku-miluhidza, mukali muku-ńumusa?
69Neke lino lwihumaga kuneṅuli umwâna va munu imīkalile gya kwivoko ilya ndyo lya Nguluvi, umuńa-ngufu.
70Neke baho vonda vatigilage: humbi uli muswamuve va Nguluvi uveve? Neke umwene atigilage: ndevye mululo-ngile, je nene.
71Neke baho avene neke vatigilage: pe tukatigye tusakulage dza kiki idzingi dza volesi, kuno twivonda tupulike, pe ilonga kumulomo.
Currently Selected:
Luka 22: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
