Luka 21
21
1-4: Mal. 12, 41-44.
1Neke baho Jesu avavonage avasafi, pe visopa pakihava ifyûma fyanavo ifya hongele.
2Neke amuvonage na ju mukiṅinavo umufwile umuhangala, neke nave asopage mumo utwa pavulingi tuvili.
3Neke atigilage: ndakyene unene ndikuvalongela nditigila: umukińinavo umufwile umuhangala ujo avalutye vonda ukusopa. 2. Kol. 8, 12.
4Ndivwene vonda pe visopa ifya kuhongehedza, vikwinula ifilemuka, neke lino umwene uju asopile ifya pavuhangala ifya pandzala jakwe.
5-24: Mat. 24, 1-21; Mal. 13, 1-19.
5Neke baho vamwinga pe vadzovaga idza tembele, pakuva vajinodzehidze namaganga amanofu nifitekele neke umwene atigilage:
6dzonda idzi, dze mukudzilola lino, filadza ifigono, apo pehela iliganga, ililagelama pe liganga lijagwe ilindzila kumamulwa. 19, 44.
7Neke avene vamuvudzage vatigilage: ve mwiganidzi, dze dzilavoneka ndali idzene idzi? Nikimańilo kye kilikwi kya kumańila ukuta dzikola mukwadza lino?
8Neke umwene atigilage: mwilembage mula-jagwa. Ndivwene valadza avolofu, valimila pitavwa lyangu, valatigila je nene valatigila na gu mwâka gwadzile. Mwali mutane ukuvaninila.
9Neke ngana mwali mupulike namagoha nikinga-lungalu, apo mwali mutane ukutinuka; ndivwene dze dzińa-kutala ukuvoneka dzidzo tândi, neke idzene idza kuvumalikililo pe dzave tândi.
10Neke avalongelage atigilage: filagaluṅana kipelela na kipelela, vutwa na vutwa,
11filavedza pofili nifilindima ifikomi neke napala napala filavedza pofili lulogo nilipunge. Neke kukyâńa gilavoneka imitu igili vogopo nifilŏle ifivina.
12Neke lino pe dzave tândi ukufika idzi, apo uńeńe valavibata, valava-fwima, valavasutulila na kuńolanilo dzanavo na kuńumba dza vańa-ńololo, valavakŭlūnila na kuvatwa na kuvandzagila, pakuva uńeńe muli nilitavwa lyangu. 12, 11.
13Neke idzi dzilavahulila uvolesi uńeńe.
14Apo lino uńeńe luvedzage luvīkīlĕme ukuta tutane ukwiganya, nde tulapilusa lulikwi. Mat. 10, 19.
15Ndivwene ndilavapela june numulomo nuluhala, valalemwa nukuga-lāmbuka nukupilusa vonda, avakuvafinga. Apos. 6, 10.
16Neke lino uńeńe mulasutulwa ku kuvavaha veńo na kuvanakweńo na kuvańa-ṅolo veńo na kuvadzela veńo, neke uńeńe vamwi mulavulagwa nukuvulagwa.
17Neke mulanuṅwa ku vonda, pakuva muli mwitavwa lyangu. Mat. 10, 21. 22.
18Neke lino uńeńe na pamutwe gweńo lusilajaga nambi lufwili. 12, 7.
19Neke lino uńeńe umutima mulagusavila muvwigugumldzo vweńo. Heb. 10, 36.
20Neke ngana mwali muvone ifipuga fya vatavangwa figomba ikâja Jelusaleme, apo pe mwali mulukagulage ukuta lino jikŏla mukufika imbala-ṅanilo.
21Apo avagenda mu-Judaja vali vakimbililage kufidunda, neke na vagenda mumo, vali vahege, neke nava mufikâja vali vatane ukuhelela mukwingila mujene (ikaja ja Jelusaleme).
22Pakuva filava fye figono fya liṅŏṅo nidzandikwe dzonda apo dzikwapulilwa baho.
23Neke iga avakiṅinavo avavaha pafigono fifyo na vikoṅeledza avâna, ndivwene valafwindiṅana mbandu jond’ińi, dzilavedza ṅaladzi ṅani idza kuvakalalila avanu ava.
24Valagwila muvûgi vwa kyûfya, valahelela vagalule kuvapivala vonda. Ikâja ja mu-Jelusaleme jilakańangwa kuvapivala mbêpali hela ukufika, pe gilava gikwapukila imyâka gya vapivala. Lom. 11, 25; Luv. 11, 2.
25-28; Mat. 24, 29. 30; Mal. 13, 24-26.
25Nifilŏle filavonekela na pidzuva na pamwêdzi na panondwe. Ava-pivala vulavagegejeka uvogofi, nińandza jilatipuka, jilaluluma.
26Avanu valafwila uvogofi nikindolela, kye vilolela idzilakŏla mukuvadzila; pakuva na dzi ngufu dza kukyâńa dzilahwadza.
27Neke baho valamuvona umwâna va munu, pe aladzila mwifunde ningufu nindolo indzolofu.
28Neke lino, nga mwali muvone dzamulilwe pakufika idzi, apo uńeńe mwali mugolondzokage, mwali mwinulage nimitwe, pakuva vulava vuhegelye uvuvangwa vweńo. Fil. 4, 4. 5.
29-33: Mat. 24, 32-36; Mal. 13, 28-31.
29Neke baho avalongelage ulumańagidzo neke atigilage: mulolelage pamudzombe na pamabiki gonda.
30Nga galembulilwe neke mugavonage, apo mwikagula ukuta iminga jili pîpi.
31Luli ndesi na juńeńe, ngana mwali mudzivone dzonda idzi, pe dzikwadza, apo mwali mukagulilage baho, ukuta uvutwa vwa Nguluvi vuli pîpi.
32Ndakyene ndikuvavŭla, avanu avalino ava vasilajaga, pe dzisina dzivoneka idzene idzi.
33Ińi nija kukyâńa nija pasi dzilajaga, neke amadzwi gangu ago gasilajaga nambi. 16, 17.
34Neke lino mwilembage, mutane ukudzisidufihidza inumbula dzeńo mulujangijangi na mukugāla na mukwiganya kufinu ifya kwen’eńi kuno, apo kangi mulavona ifigono fivafikye kitamańa ngita lutego. Mal. 4, 19.
35Ndivwene dzilavafikila vonda avikalile kwidugulu lya ńi jonda. 1. Tes. 5, 3.
36Muvedzage mîho mulapangilage, ukuta najuńeńe mwali mukangadzwage ukunana padzonda, idzilavoneka, mwali mukanga-dzwage na pakwima kumîho ga mwâna va munu. Mal. 13, 33.
37Mbêpali pamûńi neke avadalikilage inôngwa mutembele avanu, neke lino pakilo ahelelaga mukugona pakidunda, kye vitigila ikimono ilitavwa.
38Neke vonda avanu vilāvage ku kwa mwene mukumupulihidza, dze alongaga mutembele.
Currently Selected:
Luka 21: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
