Johana 19

1Neke baho u-Pilata neke amuhegage nave u-Jesu neke amutavulage kuvańa-kumutova nifîmbo.

2Neke avene avasilikali neke vativage ingêla ja mifwa neke vamufwikage pamutwe neke vamufwalidzage numwênda umulambya.

3Neke vahegēlelage ukwakwe neke vatigilage: adze senga, ve mutwa va va-Juda, neke kangi vamudzagulage nifivâte.

4Neke kangi Pilata ahumilage pivala neke atigilage: mulolage ndikumuhumihidza pivala, ukuta mulukagulage najuńe, pakuva unene apakwe sindiluvwene ulwigoma.

5Neke baho u-Jesu neke ahumilage pivala, ve afwalile ningêla ja mifwa tiumwênda umulambya. Neke (umwene Pilata) atigilage: mulolage umunu uju!

6Neke avene navatekedzi avavina navańivaha vanavo, pe vamuvwene, neke baho vovage vatigilage: umutovelelage pakipindulihidzo umutovelelage pakipindulihidzo! Neke umwene Pilata neke apilusage atigilage: ka ukumuhega nave juńe neke mumutovelelage pakipindulihidzo! Ndivwene unene sindikuluvona ulukumugoma.

7Neke avene ava-Juda vapilusage neke vatigilage: unefwe tuli nuluíagi-lilweneke ululagililwe ulu lukumukĕlela ukufwa, pakuva atigye: ndili muswamuve va Nguluvi. 10, 33.

8Neke umwene Pilata avye apulike ilidzwi ili, neke baho ongeledzage ukogopa.

9Neke kangi ingilage mubalasa neke amuvudzage u-Jesu neke atigilage: uhumile kwi? Neke umwene Jesu neke atanage nukupilusa kinu.

10Neke baho Pilata atigilage: usilonga nanene? Usindzelye ukuta vutavulilwevwangu nukukwavula hela nukukutovelelela pakipindulihidzo?

11Neke apilusage Jesu neke atigilage: uvutavulilwe usi navo napadebe, upelilwe hela uvuhuma kukyâńa. Kye ndilesile nigilage: je asutulye unene ukwako, ujo indzanagifu dzakwe dzilutye uvukomi.

12Pe apulike ulu neke atigilage amwavulage Pilata. Neke avene ava-Juda vajojage vatigilage: ngana ukumwavula uju, apo usili lukolo na Kesale; je akwidzusa mutwa jumwene, apo ujo ivya amugalukye u-Kesale.

13Pe apulike ilidzwi ili Pilata, neke baho ahumilage nave pivala u-Jesu neke ikalage paluvumba, pakivungu, kye vitigila pavwalilo vwa maganga, ava-Hebele kye vitigila pa-Gabata.

14Neke lino apene pali pe pakya kuviluka ikya papasa, pasala ja mutanda nde. Neke alongage kuva-Juda atigilage: mulolage, je mutwa veńo uju.

15Neke lino avene vajojage hela vatigilage: umuhedzage umuhedzage, umutovelelage pakipindulihidzo. Neke umwene Pilata neke atigilage: ndimutovelelage pakipindulihidzo umutwa veńo? Neke baho avatekedzi avavina neke vapilusage neke vatigilage: tusili na mutwa jungi, tuli nave ju Kesale mwene. v. 6.

16-30: Mat. 27, 31-50; Mal. 15, 20-37; Luk. 23, 26-46.

16Neke baho avatavulilage ukuta vamutovelelage pakipindulihidzo. Neke baho vamuhegage nave u-Jesu.

17Neke baho itwikage ikipindulihidzo kyakwe neke ahumilage kukivungu, kye vitigila paṅàla, ava-Hebele vitigila pe pa-Gologata.

18Neke baho vamutovelelage pakipindulihidzo neke vavatovelelage pamwinga navangi vavili, ujungi kuno nujungi kuno, umwene Jesu pagati.

19Neke umwene Pilata andike nuvwândike uvwa kuvuvīka pakipindūlihidzo pakyâńa. Andike ulwitigila: „je Jesu uva mu-Nasalete, umutwa va va-Juda.“

20Neke uvwândike uvu neke vavuvonage ava-Juda avolofu, pakuva pali pîpi hela nikâja na kwe vamutovelelye pakipindulihidzo. Neke uvwândike uvu avwandikye mundongele nija va-Hebele nija va-Loma nija va-Giliti.

21Neke lino avene avatekedzi avavina va va-Juda neke valongage nu-Pilata vatigilage: utane ukwandika ukuta: je mutwa va va-Juda, hamu utigilage: je uju je atigilaga: ndili mutwa va va-Juda unene.

22Neke umwene Pilata apilusage atigilage: lwe ndandike, ndandike ndesi swe.

23Neke avene avasilikali, vavye vamutovelye u-Jesu pakipindulihidzo, neke vinulage imyênda gyakwe neke vagavage ifigavo fitaji, najula umusilikali ugwakwe najula ugwakwe neke na gu mwîngila vinulage. Neke ugwene umwîngila ugu gusali na luhono ponu, gwali muńa-kwitava ku kumbali.

24Neke vilondzage vatigilage: ugu tutane ukudemuliṅasa, apo tusolanile nde gwa nani. Neke dzivilatukye baho idzolilwe idzitigila: „vagavine imyênda gyangu neke umwîngila gwangu vasolanye.“ Ve vagitile evo avasilikali.

25Neke lino vīmile baho pakipindulihidzo kya Jesu na ju ṅina na ju munuṅuve va ṅina na ju Malija uva kwa Kolopa na ju Malija u-Magadalene.

26Neke umwene Jesu, pe amuvwene uṅina pe amuvwene numuńigendwa, je ali mwênde ukwakwe, neke baho alongage kwa ṅina atigilage: ve mukiṅinavo, lolage umuswamuvo je uju. 13, 23.

27Neke alongage na kwa muńigendwa jujo neke atigilage: ulolage uńoko ujo. Neke umwene umuńigendwa jujo neke amuhegage nave baha sala jijo kukâja jakwe.

28Neke lino pambele pa ulu, pe aludzelye Jesu ukuta dzisilile dzonda neke baho umwene, pakuta lwapukage ulwa pahâte, neke atigilage: ndikelwike. 13, 3; 18, 4.

29Neke lino pali pokili baho ikitonga, ikyali nululenga uluńa-mudzadzu. Neke avene vadzabikage akênda mululenga uluńa-mudzadzu neke vahudikilage kuludete neke vapelanidzage kumulomo gwakwe.

30Neke lino pe ańwe ululenga uluńa-mudzadzu u-Jesu neke baho atigilage: ndimalile. Neke baho alegamulage isingo neke agutavulage umubepo neke afwidzage.

31Neke lino avene ava-Juda, vavwene kiviluka, neke baho vatigilage imifimba gitane ukugona baha kipindulihidzo pańwabaha, vavwene ikigono kila kya ńwabaha kyali kye kikomi, neke vakadedevage kwa Pilata vatigilage vakavadeńage amagulu neke vavahedzage.

32Neke baho avasilikali neke vahelelage neke vadeńage amagulu ga mulongodzi na ga jungi, avatovelilwe lumwi pafipindulihidzo.

33Neke baho vahelelage na kwa Jesu neke umwene vavonage afwe, neke baho vatanage ukumudeńa amagulu.

34Neke umusilikali jumwi neke ahańage numugoha palubafu lwa Jesu neke kisatu hela fihumage nidanda nululenga.

35Neke umwene, je adzivwene idzi, ikoleka neke uvolesi vwakwe vuli vwa ndakyene swe. Neke umwene ivwene nukuta ilonga ulwa koluli, ukuta najuńeńe mufuvwage.

36Ndivwene idzi dzavonekye ukuta luvonekelage baho ulwa muhâte ulwitigila: „mutane ukudeńa ifidzege fyakwe.“

37Kangi nulungi lwandikwe ulwitigila: „vala-muvona, je vamuhomile.“ Luv. 1, 7.

38-42: Mat. 27, 57-61; Mal. 15, 42-47; Luk. 23, 50-55.

38Neke pambele pa idzi neke Josefe uva mu-Alimatija, je ali muńigendwa va Jesu uva kukińele, pakuva ogopaga kuva-Juda, neke ańilikage kwa Pilata ukuta ndihedzage umuvili gwa Jesu. Neke baho Pilata idikage neke ahelelage neke akaguhedzage umuvili gwa Jesu.

39Neke ahelelage kuko na ju Nikodeme, je ahelye kwa Jesu pakilo ululongodzi neke ańamulage uvutimbuliṅase vwa mila namatembwetembwe, uvwa palatili ligana (100). 3, 2; Mat. 2, 11.

40Neke ve vagutolage umuvili gwa Jesu neke vagunyengage nimyênda imivalafu neke vahandzage nimihandzu gila, ndevye gigenda imisilile gya va-Juda.

41Neke lino gwali poguli numugunda baho, pe vamutovelelye pakipindulihidzo. Neke lino mumugunda gugo mwali mojili imombwe, je asana asilwa na jungi nambi ponu.

42Neke mwe vakamusilage u-Jesu, vavwene kiviluka kya va-Juda, pakuva na ji mombwe jali pîpi.

Currently Selected:

Johana 19: II

Highlight

Copy