Johana 18
18
1Neke lino Jesu, avye alulongile ulu, neke baho ahumilage pivala navańigendwa vakwe neke ahelelage mwambu ijingi ja kalenga Kedelono, kwe gwali umugunda, neke kwe akingilage navańigendwa vakwe. Mat. 26, 36; Mal. 14, 32; Luk. 22, 39.
2-11: Mat. 26, 47-56; Mal. 14, 43-52; Luk. 22, 47-53.
2Neke lino na Juda nave, umuńa-kumusutula, nave akidzelye ikivungu kikyo, pakuva mwe valundanilaga mbêpali na Jesu navańigendwa vakwe. Luk. 21, 37.
3Neke lino umwene Juda, je ali nakyo ikipuga kya vasilikali pamwinga navańivaha va vatekedzi avavina nava va-Fwalisaja, neke adzage navo kuko. Avene vakolelye namenge nimuli nimigoha.
4Neke umwene Jesu, avye adzidzelye dzonda idzakŏlaga mukumwadzila, neke baho atwivukage neke avavudzage atigilage: mukumusakula ani? 19, 28.
5Neke baho avene vapilusage vatigilage: tukumusakula u-Jesu uva mu-Nasalete. Neke atigilage: je nene Jesu. Neke umwene Juda, je amusutulye, imile navo.
6Neke lino avene, avye atigye: je nene, neke vapilukilage kimbelembele neke vagwidzage pasi.
7Neke umwene avwilage neke avavudzage atigilage: mukvimusakula ani? Neke avene vatigilage: tukumusakula Jesu uva mu-Nasalete.
8Neke umwene Jesu apilusage atigilage: ndivalongye nigye: je nene. Neke ngana mukusakula unene, apo muleke vahelelage ava.
9Ukuta livonekage ilidzwi, lye alongile ilya kuta: ve umelye, asijagile jungi. 17, 12.
10Neke lino umwene Simono Petele akŏlelye ikyûfya neke asonolage neke amuhengage umuvanda va mutekedzi umuvina neke amudumulage ilisikidza ilya ndyo. Neke umwene umuvanda uju ali je Malaka ilitavwa.
11Neke baho Jesu alongage kwa Petele neke atigilage: usonekage ikyûfya ikyo mukigono kyakyo. Ikińwelo, kye amelye udâda, kye nditane ukukińwa? Mat. 26, 39.
12-27: Mat. 26, 57-75; Mal. 14, 53-72; Luk. 22, 54-71.
12Neke ikyene ikipuga numulongodzi vanavo navańivaha va va-Juda neke vamuvumbauilage u-Jesu pakumwāvika.
13Neke baho vamuhelelage nave tândi kwa Hana, pakuva ali je mukwive va Kajifwa, je ali je mutekedzi umukomi pamwâka gugo.
14Ali ju Kajifwa, je alongile kuva-Juda je atigye: lukuvahulila ulunofu ulwa kuvafwila avanu umunu jumwinga. 11, 49. 50.
15Neke lino Simono Petele numuńigendwa ujungi neke vamuninilage u-Jesu mumbele. Neke ujungi umuńigendwa uju fyakaguline numutekedzi umukomi. Neke fingilage pamwinga nu-Jesu mwipāla lya mutekedzi umukomi.
16Neke umwene Petele neke image bah’ivala pamulyango. Neke baho ahumage pivala umuńigendwa ujungi jula, je fyakaguline numutekedzi umuvina, neke alongage nave umuńa-mulyango, neke baho amwingidzage Petele.
17Neke lino umuńa-mu-lyango umukiṅinavo neke alongage kwa Petele atigilage: najuve uli muńigendwa va linu lila? Neke umwene atigilage: ndai.
18Neke navavantía navańivaha vimile baho, vakodzidze umôto neke votage, vavwene ṅala, neke na ju Petele nave fihange pakota umôto.
19Neke umwene umutekedzi umukomi neke amuvudzage u-Jesu idza vańigendwa vakwe nidza vwigidzi vwakwe.
20Neke umwene Jesu apilusage atigilage: unene ińi jonda ndijidalikye kyedzamutima hela, unene mbêpali ndavulanidzaga muńolanilo na mutembele, mwe vilundanila na va-Juda vonda neke kukińele sindilongile kinu. 7, 14. 26.
21Kumbudza kiki unene? Ka ungavavudza va vene, avapulikaga dze ndalongaga, lolage vadzidzelye vavo, dze ndavalongelaga.
22Neke lino avye alulongile ulu, neke baho umuńivaha jumwi, je fimanye, neke adzagulage kwa Jesu nikivâte neke atigilage: vwipilusa-vo kwa mutekedzi umukomi?
23Neke umwene Jesu apilusage atigilage: ugana ndilongile uluvîfu, apo volele uluvîfu, lwe ndilongile; neke lino ngana ndigolwise hela pamilongele, apo ukunovela kiki?
24Neke baho Hana neke amusindikage kwa Kajifwa, kwa mutekedzi umukomi, mwavike ndesi.
25Neke umwene Simono Petele image baho neke otage umôto. Neke baho vamulongelage vatigilage: uli muńigendwa vakwe najuve? Neke umwene akanage atigilage: ha nda!
26Neke baho umuvanda jumwi uva mutekedzi umuvina, umuńa-lukolo va jula, je ahengilwe ilisikidza kwa Petele, neke nave atigilage: sindikuvwene muli pamwi pamugunda pala?
27Neke baho avwilage kangi u-Petele ulwa kukana. Neke baho imbisi jivĭkilage baho.
18, 28–19, 15: Mat. 27, 2. 11-30; Mal. 15, 1-19; Luk. 23, 1-25.
28Neke baho vamuhegage nave pańumba ja Kajifwa neke vamuhelelage nave kubalasa; pali pe pamilavu. Neke lino avene neke vatanage nukwingila mubalasa, ukuta tulihalabusa, pakuva vatigilaga tulidzage pasa.
29Neke baho Pilata neke ahumage neke avavudzage atigilage: mwigotola nôngwa jiki umunu uju?
30Neke avene vapilusage vatigilage: aka avedzage mundzila-nôngwa uju, apo ngali tusimuletile ukwako kuno.
31Neke umwene Pilata avalongelage atigilage: apo muhegage nave neke mumuhigage juńe lu lwa pamilagililwe gyeńo. Neke avene ava-Juda vatigilage: mańi unefwe mutudzidzidze ukuvulaga umunu unefwe. 19, 6. 7.
32Neke baho luvonekage, lwe alulongile Jesu, pe alongaga imifwile, gye alafwila umwene. 12, 32. 33; Mat. 20, 19.
33Neke baho Pilata ingilage mubalasa neke amukemelage u-Jesu neke atigilage: uli mutwava va-Juda uveve ss?
34Neke apilusage Jesu neke atigilage: uluvwene juve, lwe vwilonga ulu, henda vakuvulile avangi idza nene?
35Neke umwene Pilata neke apilusage atigilage: ndili mu-Juda unene ss? Vakuletile va vajago navatekedzi avakomi ukwangu. Vwangwe nôngwa jiki?
36Neke apilusage Jesu neke atigilage: uvwangu uvutwa vusili vwa mu-ńi muno nda. Vuka vuvedzage vwa mu-ńi muno uvutwa vwangu, apo ngali avańivaha vangu vanengye june ukuta nditane ukusutulwa mumavoko ga va-Juda. Neke lino pakuva uvutwa vwangu vusi vwa muno.
37Neke baho Pilata atigilage: ulwa kuva vwi mutwa, ulo humbi uli mutwa? Neke apilusage Jesu neke atigilage: ena, ndevye ulongile, ndili mutwa. Lwe lwene lwe ndiholilwe, lwe lwene lwe ndadzye na kwen’eńi kuno, lu lwa kuta ndivolekelage uvwa ndakyene. Vonda avamuvwa ndakyene, vipulika ilidzwi lyangu. 1. Tim. 6, 13.
38Neke umwene Pilata atigilage: uvwa ndakyene kye kiki? Neke lino baho, avye alulongile ulu, neke baho ahumilage pivala kuva-Juda neke avalongelage atigilage: unene kwa munu uju sindikuluvona ulwigoma.
39Neke lino muli nulwîmbo, lwe ndikuvavulila umunu jumwi papasa; ndavuli lino, mukelye ukuta ndivavulilage umutwa va va-Juda?
40Neke avene vavwilage ukujoja neke vatigilage: ujo je nda! Hamu apo ju Balaba, je utwavulilage. Neke lino ilyene ili-Balaba lyali ligonadâsi.
Currently Selected:
Johana 18: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
