Apositili 26
26
1Neke baho Agilipa amulongelage u-Pavulu atigilage: lino vwilongelage. Neke baho umwene Pavulu agolosage ilivoko neke olelage atigilage:
2„Unene, ve mutw’ave Agilipa, lukelo mbando neṅuli, pe ndikola muko-lela ukwako dzonda, dze vandye vakufila ava-Juda.
3Ndikela pakuva ulutye uveve pakudzikagula indzimbo dza va-Juda nimihigile gyanavo ṅani. Kye ndesile ndidedevage ukwako nigilage: umuli-hidzage, ve gwedzile, dze ndikukulongela unene.
4Imikulile gyangu ukuhuma kuvudôdo vagidzelye vonda ava-Juda, imikulile gye ndamulye mu-Jelusaleme mukipelela kyesu.
5Vandzelye mbêpali hela ji dâha, ngana vatigilaga vadzilongage, dze ndagendelaga idza vufwa-lisaja uvudzovanile, uvwipifukila nindebe pavutekedzi vwesu. 23, 6; Fil. 3, 5.
6Neke lino ve ndimye apa vuli, vikuńiga pakuva ndihuvila, dze avahuvidze Nguluvi avakatali vesu, 28, 20.
7dze fihuvila nifipelela ifya kwesu ifińikyumi na fivili, fitigila dzali dzitufike najufwe, pakuva dze fihwa fikumulimila Nguluvi na pamûńi na pakilo; dze vakumbala ava-Juda, ve mutw’ave, utane ukuta vikumbala dzingi, hâ nda, vikumbala lu luhuvilo ulu lwene. 24, 15.
8Uńeńe mwitigila dza vudesi ndavuli, ngana Nguluvi akumudzulubusa umunu kuvafwe? 9-20; 9, 1-29; 22, 3-21.
9Neke najune ndaha-mbulaga pavagye ndilime mbando ulwa kulwa nlli-tavwa lya Jesu uva mu-Nasalete uju.
10Nalino ndalugendye lulo mu-Jelusaleme mula, ndavadindilaga june avîmike avolofu muńumba ja vańa-ńololo, vavye avatekedzi avavina vanavulye june uvutavulilwe. Neke lino, pe vakolaga mukuvulagwa, najune ndalwidihidzaga.
11Na muńumba dzanavo idza luholanilo ndiki-kuvapumusa kavili-kavili neke ndivagagilidzage valongage fivi kwa Jesu, ndikivedza nde ndivagu-lukye ulukwale hela pakuvafwima, ndikafike nakukâja dza vene.
12Pe pene pala pe ndahelelaga na ku-Damasiki, pe vamelye uvutavulilwe nululagi avatekedzi avavina.
13Neke baho muṅasi, pe lili pakyâna hela, neke baho, mutw’ave, neke mbonage ulumuli lwihuma kukyâńa lulilutye nilidzuva ukuṅalagadika, neke mbonage lukutumulika, kondakonda najune na ve ndagendaga navo.
14Neke baho bidigu neke tugwidzage pasi twivonda. Neke baho unene ndipulikage ilidzwi lilonga nanene, lilongela mukihibuli litigila: ve Savulu, ve Savulu, ukumbala kiki, lwe ukufwima? Vwikwifwahidza hela pakukavula umulunda.
15Neke baho unene nditigilage: juve nani uveve, mutw’ave? Neke umwene atigilage: je nene nde Jesu, je vwandye ukufwima.
16Neke lino ulamuke, vwimage namagulu gako, pakuva lwe ndikuvonekye lino, ndikuvonekelye lu lwa kukuhambusa muńivaha vangu, molesi vangu, volelage na dze udzivwene na dze dzilakuvonekela pambele idzingi.
17Ndikukupokaga na kuvakina-Jisilahele na kuva-pivala, kwe ndikukutuma unene lino.
18Uhelelage mukuvadi ndula amîho ganavo, mukuvapitusa kukîsi, vadzage kulumuli kuno; uhelelage mukuvapitusa kuvutavulilwe vwa Setano, vahamilage kwa Nguluvi kuno, ukuta vanukililage mulufuvo ulwa kufuvwa unene nuvuvodzwa-ndzanangifu, ukuta nilipwela vahālanilage pamwinga navîmike. 20, 32.
19Neke lino baho, ve mutw’ave Agilipa, nditanage ukukibeda ikilŏle ikya kukyâńa iki. Gal. 1, 16.
20Nda hamu, neke ndamulilage mu mu-Damasiki mumo na mu-Jelusaleme neke ndijidzumbage jonda na ji ńi ja va-Juda neke ndihelelage na kuva-pivala vonda neke ndivadalikilage nigilage: mupitukage, mugomokelage kwa Nguluvi, mulimage namalimo, agavagye nulupituko.
21Dze dzene, dze vagedzehidze ava-Juda ukuta vambulage unene, pala pe vandzibataga mutembele. 21, 30. 31.
22Neke lino pakuva u-Nguluvi akunanga jujo, kye ndesile ndimage neke ndivolelelage navafupi navatali. Sindilonga idzingi nda, dzi dzila, dze valongaga avavidzi na Mose, dze vatigilaga dziladza, Luk. 24, 44-47.
23dzi dza kuta: Kilisiti ali muńa-kupumuka, ali je va kuva mulongodzi napakudzulubuka kuvafwe, neke aludalikage ulumuli na kuvakina-Jisi-lahele na kuva-pivala.“ 1. Kol. 15, 20.
24Neke lino baho, avye ikolela ndesi ulwakwe, neke inusage ilidzwi itivina u-Fesiti neke atigilage: ugulwike ulukwale, ve Pavulu! Dze vwandye vwiluvula dzikugulwise ulukwale!
25Neke umwene Pavulu atigilage: „sindigulwike ulukwale, ve Fesiti, ve mutwa ndakyene, hâ nda, ndidzova amadzwi ga ndakyene ga vwikala lutemelye.
26Pakuva umutwa uju, je ndikumulongela kyedzamutima hela, adzidzelye dzonda idzi, pakuva ndidzelye ukuta umwene, dze ndilongile, lusimudzu-mbile lungi, pakuva dzonda, pe dzavonekaga, dzisasilime. Joh. 18, 20.
27Ndavuli uveve, ve mutw’ave Agilipa, idza vavidzi usikudzifuvwa? Ndiludzelye ukuta ukudzifuvwa.“
28Neke umwene Agilipa apilusage kwa Pavulu atigilage: ukunginalihidza ulukefu hela pakudzuka mukilisiti?
29Neke baho Pavnlu atigilage: „ndika ndińili-kage kwa Nguluvi ulwa kuta, nde pavedzage panaṅi nde pavedzage pakomi, uka utane ukutegana juveve hela nde nene, hâ nda, vaka vateganage na nene vonda, avamulike neṅuli, gi mipingo gyene, gye tutane ukute-gana.“
30Neke baho vimage vonda na ju mutwa na ju guvaneli na ju Belenike na ve fīkalanye navo vonda.
31Neke baho vikwegage neke vilondzage vatigilage: umunu uju asangwe nôngwa ja kuvulagilwa nambi ja kukungwa.
32Neke umwene Agilipa amulongelage u-Fesiti atigilage: aka abihile ukwepela kwa Kesale umunu uju, ngali nigye umwavulage hela. 25, 11.
Currently Selected:
Apositili 26: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
