Apositili 21

1Neke lino, tuvye tule-kine navo, neke baho tusuńilidzage ikyômbo neke tugolokage hela pakuhelela neke tukafikage mu-Ko. Neke pakilavo neke tukafikage mu-Lodo. Ukuhuma baho twadzifike mu-Patala.

2Neke mwe tukakivonage ikyômbo, ikyalovo-kelaga mu-Fenike, neke baho twingilage neke jigendase.

3Neke lino, livye livonike iligunguli lya Kipele, neke baho tulilekage kwivoko lya ṅigi neke tulungamilage mu-Silija neke tudzabukilage mukâja mu-Tili, pakuva mwe kyahelelaga ikyômbo mukuhumihidza ifitegulo fya mukyômbo.

4Neke lino tuvye tuva-vwene avańigendwa ava mumo, neke tuhwedzage baho ifigono fili mufúṅàti. Neke vamulongelage u-Pavulu mwa Mubepo neke vatigilage: utane ukubita mu-Jelusaleme. v. 11. 12; 20, 23.

5Neke lino fivye fima-like ifigono ifya kuhwa mumo, neke baho tuhegage mukuhelela ji ṅasi. Neke avene vatusindikililage vonda hela navakiṅinavo na va vâna, neke vatuhumage nafwe pakâja neke baho tufugamage pasi pakimwambu baho neke tulapangilage. 20, 36.

6Neke lino baho twitavulage navo. Neke unefwe twingilage mukyômbo neke avene vapilukilage ukwanavo.

7Neke baho lwapukage ulwa kugendela mukyô-mbo, neke tuhumage mu-Tili mumo neke tukafikage mu-Tolemaja, neke kwe tukavahungilage avańa-ṅolo neke tuhwedzage navo ikigono kimwi.

8Neke pamilavo neke tuhegage neke tukafikage mu-Kesaleja neke mwe tukingilage muńumba ja Filipi, umudalika-lyeva-ngeli, umujanavo va vahano navavili vala. Neke tugonage apakwe. 8, 40.

9Je ali navalive avigáni, vali vataji, avavilaga. 2, 17.

10Neke lino, pakuva twagonile ifigono fimwi, neke baho asulunukilage kuko umuvidzi, ilitavwa ali je-Agavu, ahumile ku-Judaja, 11, 28.

11neke adzage kwe twali neke lino baho agwinulage umukandalo gwa Pavulu neke ijavi-kage namavoko namagulu neke atigilage: „Ilonga-vo u-Mubepo umwîmike itigila: umuńa-mukandalo ugu valamwavika ndesi ava-Juda mu-Jelusaleme, neke valamusutulila kumavoko gava-pivala.“ 20, 23.

12Neke lino, tuvye tupulike idzi unefwe, neke tumukongakonge mbando u-Pavulu nafwe navene-ka neke tutigilage: utane ukwinukila mu-Jelusaleme. Mat. 16, 22.

13Neke umwene u-Pavulu neke apilusage atigilage: „mwivemba kiki, mukundeńela kiki inumbula? Pakuva unene mutane ukutigila ndidikye lu lwa kukungwa mu-Jelusaleme mula lwene, hamu na ku kufwila mwitavwa lya mutwa Jesu nako unene ndidikye ṅani.“ 20, 24.

14Neke pe tuvwene asikwidika ukuginalidzwa, neke baho tudzikage neke tutigilage: lugendelage pa lwe akelye umutwa.

15Neke lino pe fihelye ifigono ifi, neke twivuja-page neke twinukilage ku-Jelusaleme.

16Twali navo navańigendwa vamwi, avahuma mu-Kesaleja, avali vańa-kutusindika kwa Nasono uva mu-Kipele, nave ali muńigendwa katali. Nekevati-gilage tudzigona apakwe.

17Neke lino tuvye tudzifike mu-Jelusaleme, neke avańa-ṅolo vatwa-nukililage lukēlo.

18Neke pakilavo neke tuhelelage nave u-Pavulu kwa Jakovo. Neke baho valundanilage baho nava-mamavo va lukombeso. 15, 13; Gal. 1, 19.

19Neke lino baho vavye vihungye, neke baho u-Pavulu akole mukuvako-ṅonela mwe dzifudiṅanye dzonda, dze alimye Nguluvi kuva-pivala muvuli-milavangi vwakwe jujo.

20Neke lino avene, vavye vapulike dzonda, neke vamulumbage Nguluvi neke lino vamulongelage u-Pavulu neke vatigilage: „uvavwene najuve ve jono ukuta ava-Juda avafuvivali mbilima-mbilima. Neke lino vonda vakugi-fulupalila imilagililwe gya Mose. 15, 1.

21Neke lino vapulike nulwa kuta: vonda ava-Juda, avadzengile muvapivala mula, ukuvavulanidza uveve vwitigila: mumugalukilage u-Mose na va vâna veńo mutane ukuvasinga nimigendele gya va-Juda mutane ukuninila. 16, 3; Lom. 10, 4.

22Neke lino uveve twi-gitavuli? Vala vapulike swe, ukuta uveve vwadzile.

23Lino vwidikage, lwe tukukuvula unefwe. Lolage tuli navo avanu vataji baha, avali nulwi-lapo.

24Lino uveve ve uvinulage vavo, vwijelulile navo, uvapelage nilifungu ilya kuketela ifwili, apo vonda avanu valakuka-gula ukuta vuka vudesi dzonda, dze vakulongelye, nukuta agendye mumilagililwe, nalino mwe igendela. 18, 18.

25Neke avene avafuvi, avahumile kuva-pivala, avo twandjke twakĕlile ulwa kuta: avene vadzilage ji ńama jene ija masembe nidanda nije vabudile hela pasingo nuvugoni.“ 15, 20. 29.

26Neke lino baho u-Pavulu neke avinulage pamilavo avanu vala neke ijelulile navo neke ingilage mutembele neke alongage nukuta: ifigono fya lwijelulito ndilafyapula vusungwe vutekelwage uvusembe uvwa kutekelelelwa unefwe twivonda.

27Neke lino ifigono ifi fye fihanu na fivili, pe fikŏla mukwapuka, neke ava-Juda, avahuma mw-Asija, neke vamuvonage mutembele. Neke baho vavalalavusage avanu vonda, avali mumo, neke vamwibatage umwene neke vakōlage vatigilage:

28„ńe vâne, ńe vakina-Jisilahel’ańe, mutange! Nga huju umunu, je ikuvavulanidza avanu monda itigila: muvasulage avakina-Jisilahele, mugisulage imilagililwe gya Mose nikivungu iki, kangi lino ingidze ava-Giliti mutembele muno, neke lino ikivungu ikîmike iki akidzusidze mwîko.“ 6, 13.

29Pakuva vamuvwene pamwandi Telofimi va mw-Efese, pe figendanila mukâja neke vahambulage u-Pavulu amwingidze mutembele. 20, 4; 2. Tim. 4, 20.

30Neke baho ikâja jonda jigalukage, neke vaholanage avanu vonda neke vamwibatage u-Pavulu neke vamukuluvulilage pivala neke vamu-humyage mutembele neke vabadidzage nindzidzi nakalingi.

31Neke lino avene, pe vigana vamuvulagage, neke baho apulikage umuńa-kipuga-mbilima va kipuga kya vasilikale ukuta ikâja jonda jigalwike hela.

32Neke umwene avańa-nidzage hela navasilikale navańa-kipuga-ligana vakwe, neke ańililage, bahe vali. Neke lino avene, vavye vamuvwene umuńa-kipuga-mbilima nava-silikale vakwe, neke baho vamulekage ukumutova u-Pavulu.

33Neke baho umuńa-kipuga-mbilima ahegēlelage neke amwibatage neke atigilage: umufunge nimińololo givili. Neke baho avavudzage avanu atigilage: ino je nani umwen’uju? Angwe nôngwa jiki? v. 11; 20, 23.

34Neke pe vali volofu nde, neke najula alongage ulungi najula ulungi, neke umwene, pe avwene asikudzifika vunofu, pakuva vajōjaga vuhŭlo, neke baho atigilage: ńe vasilikale, muhelelage nave mwilînga mula,

35Neke lino baho u-Pavulu, avye afikile pafikomo fya kwinukila, neke baho avasilikale vamuńa-mulage hela, vavwene ngufu dza vanu.

36Pakuva vavavingili-dzaga avanu avolofu neke vajojage vatigilage: lifwidzage ili! 22, 22; Luk. 23, 18.

37Neke lino, pe vitigila vingile nave mwilînga, nehe baho Pavulu alongage kwa muńa-kipuga-mbilima atigilage: leke ndilonge kwa veve. Neke umwene atigilage ugidzelye imilongele gya va-Giliti humbi?

38Apo humbi uli jungi, apo humbi usili mw-Egipiti jula, je alwise amagoha pa idâha, jula, je ahelelaga muluṅalaṅala namalugu gakwe imbilima dzitaji (4000), imikala-vadanda ṅani?

39Neke umwene Pavulu atigilage: unene ntiili munu ndili mu-Juda, ndi muhuma-mu-Talisi, mu-ńi ja Kilikija, ndili mweneka va kâja inambulike. Neke lino ndidedeva ukwako nditigila: vwidikage, tulonganage navanu ava. 9, 11.

40Neke umwene amwi-dikage. Neke lino baho u-Pavulu image pakyâńa pafikomo fya kwinukila neke avavingage nilivoko avanu. Neke baho avene vajigalage hela. Neke lino baho umwene alongelage mundongele janavo ija Hibuli atigilage:

Currently Selected:

Apositili 21: II

Highlight

Copy