Apositili 20
20
1Neke lino muvye mupŏlēlve mukâja ikingalungalu iki, neke baho u-Pavulu avalundasage avańigendwa neke alaganage navo. Neke baho ahegage neke ahelelage mu-Makedonija.
2Neke lino, avye adzumbanidze imigola gila, avye avavungile namadzwi amolofo, neke baho akafikage ku-ńi ja va-Giliti,
3neke kwe akagonage imyêdzi gidatu. Neke lino, pe itigila ingilage mukyômbo ukukŏla mu-Silija, neke baho ava-Juda vatigilage tukumūvalilaga pikasi, neke baho umwene ahodzage neke apilukage neke agendelage ija mu-Makedonija kangi pakupiluka.
4Neke baho vamusindi-kililage neke vakafikage mw-Asija va-Sopata umwa Pili uva mu-Beloja na va-Alisaliki na Sekunda uva mu-Tesaloniki na Gaja uva mu-Delebe na Timoti na va-Tikika na Tolofimi uva mw-Asija. 17, 10; 19, 29.
5Neke ve valongolage neke vakatudzindililage mu-Toloja. 16, 8.
6Neke unefwe twingilage mukyômbo, tuvye tulye ikyâka kya vugali uvundzila-luhâfu mu-Filipi, neke tukavavonelage mu-Toloja, tuvye tugendile ifigono fihanu; neke mwe tugonage ifigono fihanu na fivili.
7Neke lino pakigono ikilongodzi ikya mulungu neke baho tulundanage mukumeguliṅasa uvugali. Neke baho Pavulu, je atigye akwilava kilavo, tieke valonganage navo, neke ahweleledzage ilidzwi pakulilonga ukufika pakilo pagati. 2, 42. 46; 1. Kol. 16, 2.
8Neke lino muńumba ja kukâno, mwe twalu-ndanye, iṅali dzali ndzolofu.
9Neke lino ali baho umuvinano jumwi, ilitavwa lyakwe ali je Otiki, ikadzile pamulyangilo gwa ndavilo. Neke baho dzimutolage itulo indzolofu, pakuva u-Pavulu ahwelelidze mbando pakulonga neke itulo dzimulemage mbando neke baho agwidzage pasi, ukuhuma kukâno ja vudatu. Neke baho vamuholage afwe swe.
10Neke u-Pavulu neke nave ikage neke amugwilage neke amukumbatilage neke atigilage: mutane ukujŏva, inumbula jave, mojili.
11Neke baho kangi inukage kukâno neke baho ameguliṅasage uvugali neke alidzage. Neke lino baho valonganage inôngwa indzolofu ukufika pe kwikya, neke lino baho ahelelage ndesi.
12Neke na ju muvinano nave neke vamuletage bahe twali mûmi hela. Neke baho vakelage si kukela.
13Neke baho unefwe tulongolage neke tukingililage ṅani mukyômbo neke tuhelelage mw-Aso, pakuva mwe twatigye mwe tudzikumwingihidza Pavulu. Idzi alagye ju mwene, pakuva umwene atigye igendela ija paki dunda.
14Neke lino baho tuta-ṅanikilage mw-Aso neke umwene ingilage neke baho tukafikage nave mu-Mitilene.
15Neke lino tuhegage baho neke tuloleṅanage nija mu-Kijo pakilavo. Neke pakilavo ikingi neke tuhegēledzage hela mu-Samo neke tukafikage mu-Milete pakigono ikifudike.
16Pakuva Pavulu atigilaga tuladzumbanidza nikyômbo mw-Efese, pakuva asakēlaga pakuhwelelela mw-Asija; ali kisatu, pakuva atigilaga, ngana sindilemwa, apo nditigye ikyâka kya Pendekositi ndikafikage ku-Jelusaleme. 18, 21.
17Neke lino, tuvye tudzifike mu-Milete, neke atumage amapelela aga kuvinula avamamavo va lukombeso ava mw-Efese.
18Neke lino, vavye vadzile, neke baho avalongelage atigilage: „ukuhuma bahe ndadzilaga unene mw-Asija muno, mudzelye ukuta twali pamwi na ńeńe. 18, 19; 19, 10.
19Muvuvwene nuvwilēvedze vwangu, vwe ndilevedzaga, pe ndikumulimila umutwa, mugavwene namohodzi gangu muluvwene nulugemyo, ulwafikaga, pe vikufwima ava-Juda. v. 3.
20Mumbwene nukuta sindifihile nambe lumwi ulwivagidza ndikikuvada-likila, ndikikuvavulanidza vudondya na pakipuga na muńumba dzeńo,
21pe ndikikuvolelela ava-Juda na va-Giliti ulwitigila: mupitukilage kwa Nguluvi neke mumufuvwage Jesu, umutwa vesu.
22Lino mulolage, je ndīvwene mumubepo gwangu ukuvopwa, ndihelela mu-Jelusaleme, sindidzidzelye nidzidzikūfikila kuko. 19, 21.
23Ndidzidzelye dzene dzidzo, dze andye aku-ndongela u-Mubepo umwîmike monda mukâja, mwe ndigenda, dze itigila: uveve lupīngo ṅani, lupumuko ṅani uveve, mwe vwihelela. 9, 16; 21, 4. 11.
24Neke unene umutima gwangu sindilonga nambe lidzwi limwinga ukuta si mutagwa, unene ndika ndimalage hela iṅasi jangu, ndika ndapulage uvulimilavangi vwe ndanukye kwa mutwa Jesu uvwa kolela ilyevangeli lya lusungu lwa Nguluvi. 21, 13.
25Neke lino lolage ndiludzelye unene ulwa kuta musilambona nambi katwe mumîho mwivonda uńeńe, mwe ndigendye pakuvadalikila idza vutwa.
26Neke lino ndikolelela ṅani ji neṅuli nditigila: kudanda jeńu mwivonda unene ndili muvalafu hela. 18, 6.
27Pakuva unene sindifihile nambe lungi, ndivagotolelye ṅani, dze adzivonye ṅani ju Nguluvi apeńo.
28Neke lino nditigila mwilembage mwikolatidzage vunofu juńe, mukikolatidzage vunofu na ki kipinga kyonda, kye avapelye u-Mubepo umwîmike, avavikile mumo ńe vabinilidzi, atigye mudīmilidzage ulukombeso lwa Nguluvi, lwe alusavile ju mwene nidanda jakwe. 1. Tim. 4, 16; 1. Pet. 5, 2.
29Ndidzidzelye unene, pe ńelye unene, apo gi-kuvalukila imikekeva imikali, igisilakigungulidza nikipinga. Mat. 7, 15.
30Ena na mu mweńo muno valavumbuka, avalalonga idzihenile, ińakuvakofehedza navańigendwa.
31Kye ndesile nigilage muvedzage mîho, mwivukage lwe ndisahwaga ponu unene imyâka gye gidatu gila na pamûńi na pakilo, ndihandzidze namohodzi pakuvavunga mwivonda, ndeve muvelye.
32Neke lino, ńe vańa-ṅolo vangu, ndikuvalagilila na mwa Nguluvi na mulidzwi lya lusungu lwakwe, umwene i nadzo ingufu idza kuvadzenga nidza kuvapēlelela ilipwela lyeńo muvonda, avadzukile vîmike. Mat. 10, 8; 1. Kol. 9, 12.
33Sindidobwike ponu nambi fesa nambi sahabu nambi myênda gya jungi.
34Najuńe muludzelye ukuta ifya kuponela nanene navala, ve ndali navo, gīlimīlidzaga ga mavoko gangu aga. 18, 3; 1. Kol. 4, 12; 1. Tes. 2, 9.
35Neke dzonda idzi dzali dza kuvavonehedza juńe ukuta mugimbage ndesi, navatenda muvata-nganidzage ndesi, mwivu-kage nilidzwi, lye alongaga umutwa u-Jesu, lye atigilaga: nukutavula nukwanukila ali kitendileme je itavula.“
36Neke lino, avye adzi-longile idzi, neke baho afugamage pasi neke alapangilage navo vonda. 21, 5.
37Neke vonda gasali ga vwâna amohodzi, neke vamupagatage muvugŏsi u-Pavulu neke vamuno-nelage na kumulomo.
38Neke valutilage pakuhuguvalila palidzwi, lye alongile ukuta musilavuja mukavone nambi katwe namîho. Neke baho vakamusindikilage kukyô-mbo. v. 25.
Currently Selected:
Apositili 20: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
