Apositili 19
19
1Neke lino avye ali mu-Kolindi Apolo, neke baho Pavulu agendelage ija ku-ńi ińa-fidunda neke akafikage kw-Efese. Neke kwe avavonage avańigendwa vamwi,
2neke ve atigilage: ino u-Mubepo umwîmike mwamwanukye pala, pe mwafuvwaga? Neke avene vatigilage unefwe tusipulike nukupulika ukuta kwali u-Mubepo umwîmike. 2, 38.
3Neke umwene atigilage: mwadzabikil we ludza-bikolulikwi? Neke avene vatigilage: twadzabikwe ulwa Johana.
4Neke baho u-Pavulu atigilage: u-Johana avadzabikilaga uludzabiko lwa kupituka neke avalongelage avanu atigilage: mwali mumufuvwage, je ininila kumbele ukwangu, neke amulongaga ju Jesu. Mat. 3, 11.
5Neke lino, pe vapulike idzi, neke baho vadzabi-kilwage mwitavwa lya Jesu umutwa.
6Neke lino baho u-Pavulu neke avavikage amavoko, neke baho avasolonokelage u-Mubepo umwîmike neke baho valongelage mundimi imya neke baho vavilage. 8, 17; 10, 44. 46.
7Neke avene avagosi ava vali vańikyumi navavili.
8Neke baho umwene ingilage muńumba ja luholanilo, neke inôngwa neke adzidalikage kyedzamutima. Neke amalage imyêdzi gidatu pakulongana navo neke avagomedzage idza vutwa vwa Nguluvi.
9Neke avangi vadzidza-ngilidzage inumbula dzanavo neke vabedage neke valongage fivi, pe vipulika avolofu. Neke baho unawene avalekage neke avapalulage avańigendwa vakwe neke mbêpali avavulanidzage inôngwa musule ja Tilani. 9, 2; 2. Tim. 1, 15.
10Neke ve agitaga-vo imyâka givili. Neke lino baho avanu vonda na va-Juda na va-Giliti, avavujilaga mw-Asija, neke vapulikage ilidzwi lya mutwa.
11Na gi mitu nagyo, igyavonekaga, nagyo Nguluvi neke agivonehedzage mumavoko ga Pavulu. 14, 3.
12Pakuva navatamwa navo vavavikaga imyênda igyafudiṅine numuvili gwakwe, nutwênda, twe ìpolohedzaga ilifuke nifilêmba fyakwe, neke lino nifitamwa fijagage nimi-bepo imihaluka gilokage. 5, 15.
13Neke baho pakigono ava-Juda, avalendzaga imibepo, avańa-lugendagenda, neke navo vagedzage neke valilongelage pavanu, avali nimibepo imihaluka, ilitavwa lya Jesu umutwa, neke vatigilage: ndikukulendzehedza mwitavwa lya Jesu, je idalikwa kwa Pavulu. Luk. 9, 49.
14Neke lino avene, avalimaga idzi, vali vâna va Sikeva, umutekedzi umukomi uva va-Juda, vali mufúṅàti.
15Ugwene umubepo umuhaluka neke gupilusage gutigilage: u-Jesu ujo hujo ndimukagwe, na ju Pavulu nave ndimudzelye unene. Neke lino uńeńe mwi vaki?
16Neke lino umunu, je ali numubepo umuhaluka, neke avadzumbililage neke igwilage navo ingwila ve vavīli neke avagwisage pasi neke baho vaki mbilage ṅelenge muńumba, je vali, pe valemye nukulemala.
17Neke dze vapulikage vonda na va-Juda na va-Giliti, avavujilaga mw-Efese, neke vonda vuvagwilage uvogofi. Neke ilyene ilitavwa lya Jesu neke likwilage ga malu-mbo. 5, 5. 11.
18Neke baho vadzage avolofu avafuvwaga, neke vinakage neke vadzilongage dzonda, dze valimaga.
19Neke avangi avolofu navo, avalimaga idza vudesi, neke vadziletage ihâte dzanavo neke vadzikodzage numôto, pe vilola avanu vonda. Neke lino pe vivala imâle ja migulile gya hâte idzi, neke vavonage dzili pambilima amakyumi gahanu (50000).
20Neke dzigitage evo inôngwa dza mutwa nukutana nukukangala mbando. 6, 7; 12, 24.
21Neke lino baho, pe dzisilile idzi, neke baho u-Pavulu ihodzage munumbula jakwe neke atigilage: ndigendelage ija mu-Makedonija nija mw-Aka-ja ukukŏla mu-Jelusaleme neke atigilage: ndilava ndigendile-po, apo nde muńa-kuvukagula nuvwa ku-Loma. 23, 11.
22Neke baho avatumage ku-Makedonija kuko avakwe vavili, avamulimilaga mbêpali, na Timoti na Elasiti. Neke umwene agonage mw-Asija nde filingi tândi. 17, 14; Lom. 16, 23.
23Neke lino baho umwene, ve sab ave baho, neke kilamukage ikingalunga-lu ikikomi ikya paṅasi jijo. v. 9; 2. Kol. 1, 8. 9.
24Pakuva pe ali jumwi u-Demetele ilitavwa, umuponda-fesa, je apondaga itembele dza Dyana idza fesa, je vasavilaga mbando avapondzi umwakwe imâle. 16, 16.
25Neke je avalundasage vonda pamwinga neke avakemelage vonda navangi avalimi neke atigilage: ńe vajangw’ańe, mwivonda mudzelye ukuta uvusafi vwesu, vwe tusavile, vuhumile mumalimo aga.
26Neke lino najuńe mwilola nukupulika mwipulika ukuta Pavulu uju amalile namu muno mw-Efese muno, sambisambi akujimala ińi jonda ija mw-Asija, mondamonda akuvagalusa avanu avolofu, ikuvafunda itigila: ava vasi vanguluvi ndakyene, avipondwa mumavoko ga vanu.
27Neke lino mutane ukuta mul’ifwa jene ija kujaganika uvusafi vwesu uvu, nda hamu, ndilonga nulungi, nditigila na ki kîmike kya Dyana, Nguluvi visu umukomi uju, nakyo vikola mukukitofola neke indolo dzakwe dzikŏla mukuseleleka, kuno vakumogopa jujo monda mw-Asija na mwidu-gulu, mwe vivujila avanu.
28Neke lino, vavye valupulike ulu, neke baho linukage iligoga mbando neke vajojage vatigilage: u-Dyana va va-Efese muvina jujo!
29Neke lino umwângo ugu neke gutagalilage pondaponda pakâja, neke avanu vonda vakunikilage mutima gumwinga ukuhelela kulivungilo lyanavo. Neke vavapokedzage, pele vagenda, ava-Gaja na-Alisitaliki, ava mu-Makedonija, avajagwe va Pavulu. 20, 4.
30Neke umwene Pavulu atigye ahelelage mumo, mwe valundanye avanu, neke avańigendwa vamu-pilusage.
31Neke lino navandzagila vamwi ava mw-Asija, ve adzeline navo, neke navo vamutumilage ilidzwi ilya kuta: utane ukwitibika kwivungilo lyanavo.
32Neke lino navangi neke vajŏvage idzingi navala idzingi kangi, pakuva ululundano londa lwafu-vanike hela. Avolofu avangi vasadzidzelye na dze valundanye mumo ukuta dze idzi na idzi.
33Neke baho avangi vamukwegeledzage Alesandele, pakuva ava-Juda vamusuṅilihidze kuko. Neke baho umwene Alesandele avasinidzage nilivoko neke atigilage ndilonge navo avanu ndikānile.
34Neke lino avene, pe vamukagwe ukuta mu-Juda, neke baho vajojage vonda, ilidzwi neke livedzage ngita limwinga hela, neke vajojage isala dzivili vatigilage: u-Dyana va va-Efese muvina jujo!
35Neke lino umwalimu va Kesale, neke je avadzisage avanu neke atigilage: „ńe vajangu, ńe va-Efesy’ańe, asigye ani ujungi, je asiludzelye ukuta ikâja ja ńe va-Efese mbi-katembele ja Dyana umuvina, jivikile nuluhwano, ululagye kukyâńa?
36Neke lino nga asiku-lukana jungi ulu, apo uńeńe muka mwijigalilage hela, muka mutane ukwangufya.
37Ndivwene avanu, ve muvaletile apa, vasihidzile kinu mutembele, na ju Nguluvi vesu vasimuligile ulwa kumujelesa.
38Neke ulwene, ngana ava-Demetele navapondzi vakwe vali nôngwa na munu, apo popali pavuhigilo, povali navandzagila, kwe vitegulage avańa-nôngwa.
39Neke lino ngana podzili nidzingi, dze mugulwime, nadzo dzihigwa kululundano ululagile.
40Ndivwene kangi ikingalungalu kya lino iki kilatulongelela unefwe kuvutwa, apo tukudzivonela kwi idza kwikengelehedza pamwângo ugu?“
41Neke lino, avye alulongile ulu, neke baho alupalaṅasage ululundano.
Currently Selected:
Apositili 19: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
