Apositili 18

1Neke ulwa mbele ne ke u-Pavulu ahegage mw-Atene neke ahelelage ku-Kolindi.

2Neke mwe amwagage umunu umu-Juda, ilitavwa lyakwe ali je Akwila, aholilwe mu-Pondi, ahumile sambisambi mwi-Itali numudala vakwe Pilisila, pakuva Kalavudu alagye atigye vonda ava Juda vahegage mu-Loma muno. Lom. 16, 3.

3Neke baho Pavulu ahelelage kuvene neke lino baho agonage apanavo neke alimanilage navo namalimo, pakuva vali vuvuja vumwinga na jujo, vali vahonamahema pavuvuja vwanavo. 20, 34; 1. Kol. 4, 11.

4Neke mbêpali pańwabaha neke adalikage muńumba dza luholanilo, atigilage ndivaginalidzage ava-Juda na va Giliti ṅani.

5Neke bno vavye vafike ava-Sila na Timoti, avahumile mu-Makedonija, neke baho ilidzwi limusuṅage Pavulu pakuvalongela ava-Juda ulwa kuta: Jesu je Kilisiti. 17, 14. 10.

6Neke lino pe avwene vikumuhepa mbêpali, vi-dzova nifivi, neke baho apumunage imyênda gyakwe neke atigilage: idanda jeńo jivapilukilage juńe kumitwe gyeńo, unene lino nde mugaja-nôngwa ndigenda ndikŏla kuva-pivala ukuhuma ku neńuli swe. 13, 51; 20, 26.

7Neke lino baho apahamage neke afikage kuńumba ja Titi Jusutu ilitavwa, je ogopaga kwa Nguluvi, jujo ińumba jakwe jafudiṅine nińumba ja luholanilo.

8Neke baho Kilisipi, umundzagila va ńumba ja luholanilo, neke uju amu-fuvwage umutwa na va muńumba jakwe vonda. Neke na va mu-Kolindi, avapulihidzaga, neke navo vafuvwage va volofu, neke baho vadzabikwage. 1. Kol. 1, 14.

9Neke umutwa alongage kwa Pavulu pakilo muvugonelamutwe atigilage: „uveve utane ukogopa, hamu ulongage hela, utane ukudzika. 1. Kol. 2, 3.

10pakuva unene tuli lumwi nave, sipwali umuńa-kukwabasa ngke akuvi-fyage, ndivwene ndi navanu vangu avolofu mukâja muno.“ Joh. 10, 16.

11Neke baho umwene agonage mumo umwâka gumwinga nimyêdzi mutanda pakyâńa neke avavulanidzage ilidzwi lya Nguluvi.

12Neke lino pe akŏlelye uvundzagila vwa mw-Akaja u-Galijono, neke baho vamuvumbanilage pamwinga u-Pavulu ava-Juda neke vamukulumulilage kubalasa,

13neke vatigilage: umunu uju ikuvaginalidza avanu itigila: Nguluvi mumogopage ulungi ulupya, mululeke ulw’a milagili lwe.

14Neke umwene Pavulu, pe igana inamule umulomo alonge, neke baho Ga-lijono alongage kuva-Juda atigilage: „Ńe va-Jud’ańe, jika jivedze nôngwa, je avahŏkile, nambe vuka vuvedzage vuhosi uvuha-luka, apo nga lugolwike unene pakuvapulibidza. 25, 18-20.

15Neke lino nga lukāni hela, uluvumbukye na pavuvulanidzi na pitavwa na pamilagililwe gyeńo juńe, apo lino nditigila mudzi-malage mwijena kuko. Pakuva unene idzi sindikelye pakudzikĕla.“ Joh. 18, 31.

16Neke lino baho avadagage pavuhigilo.

17Neke baho vamwibatage Sositene, umundzagila va ńumba ja luholanilo, neke vamutovelage baho hela pabalasa, neke umwene Galijono alema nukuvakana.

18Neke lino Pavulu, avye agonile mbando kuko, neke baho ilagage kuvańa-ṅolo, neke ingilage mukyômbo neke ahelelage mu-Silija, neke figendasage na va-Pilisila na Akwila. Mu-Kengeleja neke lino mwe akamogelage ifwili dzakwe, pakuva dza-li dza lwilapo. 21, 24.

19Neke vakafikage mw-Efese, neke kwe avalekage avajagwe neke umwene ingilage muńumba ja luholanilo neke avadalikilage inôngwa ava-Juda.

20Neke avene vamude-devage vatigilage: unga-gonaga nde filingi, neke umwene akanage.

21Neke ilagage neke atigilage: ndiladza kangi ku kuno, alava akelye Nguluvi. Neke baho ingilage mukyômbo neke ahelelage. 1. Kol. 4, 19; Jak. 4, 15.

22Neke akafikage mu-Kesaleja neke inukage neke akaluhungilage ulukombeso. Neke baho asulunukilage mw-Andyokija. 21, 16.

23Neke kwe akagonage nde filingi. Neke kangi ahegage neke ahelelage neke apuluṅasihidzage nija mu-Galata nija mu-Filigija mu mwe fyafudińanye. Neke avakangadzage vonda avańigendwa.

24Neke lino baho neke umu-Juda jumwi, ilitavwa lyakwe ali je Apolo, je aholelilwe mw-Alesandele, ukilomonandu, je ajidzelye mbando na ji hâte ja Nguluvi, neke je afikage kw-Efese. 1. Kol. 3, 6.

25Neke umwene uju avungilwe iṅasi ja mutwa neke u-Mubepo amuhulye umufulo neke mwe agendelage nukulonga nuku-vulanidza idza Jesu paku-dzidumiṅasa. Neke lino imidzabikile agikagwe gi gya Johana gyene. 19, 8.

26Neke lino amulage pakudalika kyedzamutima inôngwa muluholanilo neke baho, pe vamupulike na Pilisila na Akwila, neke baho vamwinulage kuńumba janavo neke vongeledzage pakumuvulanidza jonda iṅasi ja Nguluvi, mwe jidumiṅanye.

27Neke lino pe itigila ndihelelage mw-Akaja, neke baho avańa-ṅolo vamuginalidzage neke vava-ndikilage ihâte avańigendwa avá-mumo neke vatigilage: mumwanukilage vunofu. Neke lino avye adzifike, neke avatanga-nidzage mbando vugenda palusungu avafuvwaga.

28Pakuva aletaga umufulo pakuvadădidza mbando vudondya ava-Juda, inulilaga muhâte ja Nguluvi idza kuvadońela ukuta u-Jesu je Kilisiti jujo. 9, 22; 17, 3.

Currently Selected:

Apositili 18: II

Highlight

Copy