Apositili 17

1Neke lino baho vadzu-mbanidzage na p-Amufipoli na p-Apolonija neke vakafikage ku-Tesaloniki; kuko kwe jali ińumba ja luholanilo lwa va-Juda. 1. Tes. 2, 2.

2Neke baho Pavulu ingilage, mwe vali, ndeve ihongile mbêpali neke alonganage navo idza muhâte ińwabaha dzidatu.

3Neke avadindulilage dzonda neke avadumiṅa-sihidzage idza kuta: Kilisiti ali muńa-kupumuka, ali muńa-kudzulubuka. Neke lino balio avalongelage atigilage: umwene Jesu, je ndikuvalongela, je mwene je Kilisiti jujo. Luk. 24, 26. 27. 45. 46.

4Neke baho vamwi dzi-vakŏlage neke vahangage kuva-Pavulu na Sila, neke ava-Giliti, avogopaga kwa Nguluvi, avo neke vidikage ikipuga ikikomi mbando navakiṅinavo avavina navo va volofu.

5Neke lino avene ava-Juda neke vavedzage niṅaladzi dza sinwa neke vagalālikage gamwi amanu amahaluka aga muluvalagati hela, neke gye vagilundasage neke vagalusage nikâja neke vaji-gombage nińumba ja Jasono neke vavasakulage vatigye tuvasindikage kuvanu.

6Neke lino vavye vasi-vavwene, neke balio vavakulumulile ava Jasono navańa-ṅolo vamwi kuvalwali neke vajojage vatigilage: avanu ava, avigalusa ińi jonda ija vudzenge vwa vanu ava, hava vafike na mu mwesu muno. 16, 20.

7Avagonike u-Jasono; neke vonda ava vigendela idzisegemine nindagilidzo dza Kesale, pakuva vitigila: pwali umutwa ujungi, u-Jesu. Luk. 23, 2.

8Neke dze vavatinusage navanu vonda navalwali, pe vakudzipulika idzi.

9Neke avene ava-Jasono navajagwe, vavye vajita-vwe imbīkila, neke baho vavâvulage.

10Neke baho avańa-ṅolo vajavo neke vavatavulilage baha kilo nu-Pavulu nu-Sila, neke vakavavikage mu-Beloja. Neke lino avene vavye vadzifike, neke baho vingilage muńumba ja va-Juda ja luholanilo,

11neke avene ava-Juda va mu-Beloja valutye uvumasimike kuva mu-Tesaloniki, ninôngwa neke vadzanukilage vunofu ninumbula jonda, mbêpali hela ifigono fyonda vako-mandzage muhâte ukuta tudzivone, nde dzigendye mwe mwene. Joh. 5, 39.

12Neke baho avanu vafuvwage va volofu. Neke nava-Giliti avamasimike navadala navagosi vafuvwage volofu.

13Neke lino avene ava-Juda va mu-Tesaloniki, pe vapulike ukuta u-Pavulu inôngwa dza Nguluvi adalike na mu-Beloja, neke baho navo vahelelage kuko, neke vakavagalusage avolofu, vavapufyage. 1. Tes. 2, 14.

14Neke baho avene avańa-ṅolo vajagwe neke vamutavulilage ṅaniṅani u-Pavulu neke vatigilage: ugendage ukafikage ku-ńandza. Neke avene ava-Sila na Timoti neke vikalage mumo tândi. 16, 1.

15Neke avene, avamu-sindikililaga u-Pavulu, neke vakamufikage nave mw-Atene neke umwene alagilage ukuta mukava-longelage ava-Sila na Timoti, vaninilage, vatane ukufuvalila. Neke baho avene vapilukagê.

16Neke lino umwene Pavulu, pe avadzindilaga mumo mw-Atene, neke baho umubepo gwakwe gukalalilage, pakuva avonaga mukâja monda muli fihwano fya vanguluvi.

17Neke baho alongage navo ava-Juda navańa-kogopa kwa Nguluvi muńumba janavo ja luholanilo. Neke navo, avadzaga kusokôni, neke alongage navo ifigono fyonda.

18Neke baho vakānanilage navo, avali milonga-nile gya luhala, na va-Epikulu na va-Sotojiki. Neke avangi vatigilage: uguhove ugu gutigye gu-kolote kiki? Neke avangi vatigilage: ali ngita mu-ńa-kupulisa idza vanguluvi avapya! Pakuva umwene ava lalikye ilyevangeli lya Jesu nidza kudzulubuka kwa Jesu. 1. Kol. 4, 12.

19Neke baho vamwe-gulage neke vamuhelelage nave pabalasa, je vatigilaga pe pa-Alyopaga neke vatigilage: ndavuli pamwi ukutuvulanidza najufwe uvwigidzi uvwadzalino, vwe vwandye vwilonga.

20Pakuva ngendzi hela, dze uletile uveve mumatwi gesu. Neke lino unefwe tutigye tudzikagulage nde nôngwa dziki?

21Pakuva vonda av-Atene navahêndza, avagonaga mw-Atene mumo, vasali nalo ulungi nambi ulwa lilônge, lwene lu lwa kutulonga nulwa kutupu-lika utulôngwa utwadza-lino.

22Neke baho Pavulu image pagati pa-Alyopaga neke atigilage: „Ńe vagosi, ńe v-Aten’ańe, ndiva-vwene uńeńe ukuta pakuvogopa avanguluvi ponda hela mulutye juńe.

23Pakuva pe ndinye-ngetela mukâja mumo, pe ndilola ifîmike fyeńu, neke baho ndikivonage nikite-kelelo, kye mwandike ukuta: kya Nguluvi, je tusimudzelye. Neke lino mulolage, je mukikumwije-vulidza kitamukagula, je mwene je ndikuvalongela unene.

24Pakuva umwene Nguluvi, je agavile nińi nifya pa-ńi fyonda, je mwene-nafyo nifya kukyâńa nifya pasi, ujo asigona mufyângafya tembele ifidze-ngelwa-mavoko. 7, 48.

25Na ga mavoko ga vanu nago gasikumulimila umwene, neke avedzage ngita akufivembela finu. Mańi je mwene, je akuvapela vonda nuvûmi numûja nifyonda fye fivedzaga.

26Agelanidze jujo ukuta ifipelela fya vanu fyonda, ifihumile kudanda jimwi, figonage ponda pa-ńi apa, neke avasimilihidzage ni-myâka igya mīkalile gya vene, nimibaka igya kudugila mumidzengele,

27atigye vamusakulage, ene vuli vakumwambala, ene vuli vakumwaga. Neke ukwesu asidandamye kwe jungi umwene.

28Pakuva nulwa vûmi unefwe nulwa mikulile nulwa migendele, fili mu mwakwe jujo. Nde lulo, lwe valongile avangi, avimba-ndzimbo dzeńu, pe vatigìlaga: najufwe tuli lukolo numwene.

29Neke lino ngana unefwe tuli lukolo nu-Nguluvi, apo tubihile ukuha-mbula uluńa-nguluvi luliṅine nikinu ikya sahabu nambe kya fesa nambe kya liganga nambe kya kihongole, kye ahongwe umunu umumaṅadzi, umuńa-kuhodza.

30Neke lino imyâka igyali lĭga, igyo Nguluvi asikugilola hamu. Neke lino akuvavula vonda avanu, ponda pe vagenda, atigye mupĕlage. 14, 16; Luk. 24, 47.

31Pakuva akimikye ṅani ikigono kimwi, kye ala-jihigila ińi jonda, je vadzengile avanu, alajihigi-la muvugolofu, alajihigila mwa munu jumwi, je amo mwe ju mwene, neke alu-ginyage kuvonda ulufuvo, pe amudzulubwise umwene kuvafwe.“ 10, 42; Lom. 10, 14.

32Neke lino avene, pe vipulika ulwa kudzulubu-ka avafwe, neke vamujō-vēlĕdzage neke avangi vatigilage: tulapulika kangi lusiku idzi.

33Neke lino baho avalekage baho neke umwene ahelelage.

34Neke avangi avanu vamuninilage, neke vafuvwage nukufuvwa. Ujungi ali je Dijonisi, umw-Alyopaga, numukiṅinavo jumwi, je ali je Damali, navangi ndesi.

Currently Selected:

Apositili 17: II

Highlight

Copy