Apositili 16

1Neke akafikage na mu-Delebe na mu-Lisitala neke mwe akamuvonage umuńigendwa jumwi, ilitavwa lyakwe ali je Timoti, uṅina ali mu-Juda umufuvi, udadye ali mu-Giliti. 17, 14; 19, 22; 2. Tim. 1, 5.

2Je vamutambulaga ulunofu avańa-ṅolo va mu-Lisitala na va Mwikoni. 6, 3.

3Neke umwene Pavulu neke atigilage ndikumu-kongola ndikumuhelelaga nave. Neke lino baho amusingage, pakuva avwene ava-Juda volofu, avavujilaga ińidzidzo, pakuva vonda vamudzelye ukuta udadye ali mu-Giliti.

4Neke lino pe vidzungutila ikâja dzonda, neke vavagotolelage inda-gilidzo, dze vakĕlile av-Apositili navatema va lukombeso ava mu-Jelusaleme. 15, 23-29.

5Neke baho iṅombeso dzikangalilage mulufuvo neke nukoloka neke lolo-kage ifigono fyonda.

6Neke baho vahelelage na mu-Filigija na mu-ńi ja va-Galata, pakuva u-Mubepo umwîmike avakanidze, pe vagane vadzidalikage inôngwa na mw-Asija. 18, 23.

7Neke lino vavye vadzifike mu-Misija, neke vagedzage ukuta tubite na mu-Bitinija; neke baho u-Mubepo va Jesu avapilusage.

8Neke baho vadzumba-nidzage pa-ńi ja mu-Mi-sija neke vasulunukilage mu-Toloja.

9Neke baho u-Pavulu pakilo neke vumuvone-kelage uvugonelamutwe, neke avonage umunu va mu-Makedonija imile baho, idedeva ukwakwe itigila: ungalovokelaga nukwesu ku-Makedonija, ututange najufwe.

10Neke lino avye avu-vwene uvugonelamutwe uvu neke baho twilunga-mikage ukuhelela mu-Makedonija neke tulukagulage ukuta atukemelye je Nguluvi atigye tuvadali-kilage vavo ilyevangeli.

11Neke baho twingilage mukyômbo mu-Toloja neke mumo tugolokage hela pakuhelela ku-Samotalaki. Neke kilavo tukafikage ku-Nejapoli.

12Neke tuhumage baho neke tukafikage mu-Filipi. Jali je kâja indongodzi jijo mumugola gwa Makedonija, lyali likùlu. Neke lino baho unefwe tugonage ifigono fimwi.

13Neke lino baho pakigono kya ńwabaha neke baho tuhumage pakâja neke tuhelelage palulenga, pakuva twahambulaga, pe va viholanila mukulapangila, neke pe twikalage neke tuvadalikilage avakiṅinavo, avaholanye baho.

14Neke lino baho umukiṅinavo jumwi, je ogopaga kwa Nguluvi, ilitavwa lyakwe ali je Lidija, ali muhuma mukâja ja va-Tijatili, ali nidûka ja myênda imilambya, neke apu-lihidzage. Neke lino baho u-Nguluvi ajidindulage inumbula jakwe neke aletage uluhala ku dze alongaga u-Pavulu. Joh. 6, 44.

15Neke lino baho vavye vadzabikwe vonda na ju mwene na vamu-ńumba jakwe, neke baho adedevage ukwesu neke atigilage: ngana mumbwene ukuta ndakyene ndi-mufuvilwe Nguluvi, apo mwadzage kuńumba jangu, kwe mukagone. Neke atugagilidzage hela.

16Neke baho pe twihelela kukivungu kya kulapangilila kila, neke baho tumutaṅanidzage umuhindza jumwi, je ali nifinguluvi fya vulagudzi, je avasavilaga imâle indzolofu avene-nave muvula gudzi vwakwe. 19, 24.

17Neke atuninilage najufwe na Pavulu neke akōlage atigilage: avanu ava ve vakami va Nguluvi, je alutye, ve vańa-kuvavūla iṅasi ja vupoki. Mal. 1, 24. 31.

18Agitagavo ifigono ifyolofu, neke dze akalalilage u-Pavulu, neke baho asedukage neke afilongelage ifinguluvi atigilage: ndikuvalongela mwitavwa lya Jesu Kilisiti nditigila mulokage kwa mwene. Neke lino baho filokage bahobaho hela. Mal. 16, 17.

19Neke lino baho avene-nave, pe vavwene lulokile, lwe vahuvilaga ukusavila, neke baho vibatage na Pavulu na Sila neke vavakwegelage kulugono kuvandzagila

20neke vavagotolage kuvabwanamukubwa neke vatigilage: avanu ava vigalusa ikâja jesu iji, avene va-Juda. 17, 6.

21Vidalika nindzimbo, dze tuli mwîko twe va-Loma na pakudzanukila na pakudzigendela.

22Neke baho avanu ililugu lyonda neke vava-samālukilage, neke baho avabwanamukubwa neke vavavuhage imyên a neke vatigilage muvaladzage nifiboko. 2. Kol. 11, 25; Fil. 1, 30; 1. Tes. 2, 2.

23Neke baho valalage ifiboko ifyolofu mbando neke lino baho vavadindilage muńumba ja vańa-ńololo neke valagilidzage kwa muńa-muminga gwa vafunge neke vatigilage: uvadīmage mbando.

24Neke umwene, avye alupulike ululagi ulu, neke baho avavīkage kuńumba ja vańa-ńololo ja kugati hîlo, neke namagulu ganavo neke agapatikage mwipanda.

25Neke lino pakilogati neke ava-Pavulu na Sila neke valapangilage neke vimbage nulwîmbo ulwa kumulumba Nguluvi, neke vavapulikage navafunge.

26Neke lino baho kyadzilage bahobaho ikitikâsi ikivina, neke lino baho nuvwalilo vwa ńumba ja vańa-ńololo neke vudegandegage nindzidzi dzonda neke dzidindukage nakalingi hela nińololo dza vonda neke dzivopokage.

27Neke baho umuńa-muminga gwa vafunge neke asisimukage itulo neke lino, pe avwene indzidzi dza vańa-muńololo dzidindwike, neke baho asonolage ikyûfya kyakwe, aganage ivulage, pakuva ahambulaga avafunge lino swe vahemwike.

28Neke u-Pavulu ake-melage nilidzwi ilikomi neke atigilage: utane ukwivulaga, pwe tuli twi mbêtuli.

29Neke baho umwene asukage uluṅali, alikitu-kilage hela pakwingila neke adetemage neke ita-gilage mumagulu ga va-Pavulu na Sila,

30neke baho avahumi-hidzage pivala neke atigilage: ńe vatw’ańe, ndi-limage kiki ikińa-kuńulila ukunana najune? 2, 37.

31Neke avene vatigilage: umufuvwage u-Jesu Kilisiti umutwa, apo mulanana najuve nava muńumba jako vonda.

32Neke lino baho vava-dalikilage inôngwa dza mutwa na jujo navonda avamuńumba jakwe.

33Neke baho avinulage baha kilo avańańilidzage ifiboko fyanavo, neke lino baho vadzabikwage na ju mwene na va vakwe vonda bahobaho.

34Neke lino baho avahelelage navo kuńumba jakwe neke avahegēlehedzage nukulya. Neke baho anangage na va vakwe vonda pakukēla, pakuva afuvilwe kwa Nguluvi.

35Neke lino kuvye kukye ulwa milavo, neke avabwanamukubwa neke vavatumage avasilikale vanavo neke vatigilage: mukatigilage: uvafungulage avanu vala.

36Neke baho umuńa-muminga gwa vafunge neke amuvūlage u-Pavulu amadzwi aga neke atigilage: avabwanamukubwa vatumile umupelela ugwa kuta ndivâvule uńeńe, lino muhumage muhelelage, ve kuvalye.

37Neke umwene Pavulu alongage kuvene atigilage: vatuladzidze vudondya hela kindzila-kutu-higa tândi twe vanu twe va-Loma vatusopile na mundinde neke lino vatigye vadagage kińele? Tulema! nda vadzage va vene neke vatuhumyage. 22, 25.

38Neke baho avasilikale vanavo neke vakavago-tolelage avabwanamuku-bwa amadzwi aga. Neke baho avene vadetemage, vavye vapulike ukuta navo va-Loma.

39Neke baho vadzage neke vadedevage neke vavahumyage neke vahongedzage ukwanavo neke vatigilage: muhumagemu-kâja muno.

40Neke baho avene vahumage muńumba ja vańa-muńololo mumo neke vahelelage kwa Lidija. Neke pe vavonine navańa-ṅolo vajavo, neke vava-kangadzage neke lino baho vahelelage.

Currently Selected:

Apositili 16: II

Highlight

Copy