Nahúm 3
3
1Niachraz gak ko'o rwe' yell xhen wen xhia,
ballate llan da wxhiye, na da llakdilren loellj,
bi lljachieksro konen yel wan ko'on.
2To zillj llachj sot ka',
llakia ballon da ka' llrulen.
To llakch'konch bazak kabay ka',
to xhitga karret ka'.
3Lleynin spad ka',
Na be'nn ka' sjallia kull kabay ka',
na beni ke xhis ya dan latit rawen.
Mi're be'nn ka' sjanak we,
zoyatekse be'nn wat ka'.
Nike nbabze be'nn wat ka'.
Na be'nn ka' llde gana' to llo nia ake' le ake'.
4Na doxhente dani naken xtol dan darene nuteze
nor nlla xtu, nesyanle'e akre gune, na nake'e wallajllu,
nake'e mexkoer ke yelwallan,
na konen yel nor ree ke'en, na yelwalla ke'en
llxoayaye yell ka', na latj yell-liw ka' yela.
5Xanllo nap doxhente yelwaken ba bnee:
Gani' zia wayechja rwe':
wlepa' zodon wallinten llwara'o,
nench'na be'nn ka' sjalla latj yell-liw ka', re akre rwe' zew galyidzo,
nench'na be'nn ka' sjalla latj yell-liw yubre re akre yelsdo ko'on.
6Wzala llwaraon yoyte dala ziw,
na guna yelsdo ko'o gan sjalla be'nn zan.
7Yoyte be'nn ka' re're rwen
waxhonj akre rwe', na ne' ake':
Níniven ba blleyin.
¿Noxha wayachrallrize len'na lla?
¿Gare wallelze dan wayunxhen len'na lla?
8¿Llakro llunllo ke Tebazen,
yell xhen'na lli lloa yeo Nilon,
dan nechjgoy nisen,
na yeon naken da nzay, na nisen naken ke ze da nkoej.
9Etiopían, na Egipton bkoajen le ake' ke to ze war,
na be'nn Fut ka', na Libios ka' guk ake' le ake' txhen.
10Axha lakse ka', Tebazen braj aken yellen,
na bidao ke ake' ka' btat akebe
le skin ke tnez ka',
na babej ake' suert, nench'na bxhi ake' be'nn wnebia ka',
na be'nn braw ke ake' ka' bchej ake' le ake' gden.
11Na lekse ka' rwe', Nínive, wsull akre rwe',
to gakyidzo, na lljakoachdo'o
na wayirjo ga lljakuachro be'nn ka' llwiere rwen.
12Yoyte ze war ko'o ka', naken ke yay higo
da lliachach, da baweda',
na ba dxhop toraze, na cha no llnibchach len,
na ba zajen lo llwa be'nn llenle gaw len'na.
13Na be'nn waka ya ko'o ka' llaj raw wdilen llun akze ke nor akre,
na reij ke latj yell-li'on
niarjllazen, nench'na llde be'nn ka' llwiere rwen,
yi' llalninen ba bzeyen da ka' nseij len'na.
14Bdachao nisen yajon nench'na sue'ro keten ba nechj ake' rwen,
bzan waka ya ko'o ka'.
Biodo lo benjen
Na brajchekdo benjen,
na brej bsu.
15Gaxha gan llweyo bsu ka', gana' cheyrente'o,
na spaden wxhoxhguen rwe', kan llun bich'soan,
llasdute'ba kon da sjade.
Bzan' kwino ke bich'soa ka'.
Bzan' kwino ke chichjet ka'.
16Be'nn ka' lljew lloten, bian aklle
kakse nian berj ka' sjallia le yeban.
Ke to bich'soa, to llzuze xirban le llzute'ba.
17Be'nn ka' llap rwen nak ake' ke bich'soa ka',
na xan waka ya ko'o ka'
nak ake' be'nn zan kwis, kakse bia de.
Na keten llunen zayen, na lljakoa akba raw zen,
na keten llra' willen, llallach akba, na nike no llnes'zere gare baka akba.
18Le lltas be'nn ka' llap rwen,
Be'nn llnebia Asiria.
Be'nn xan waka ya ka' lla ake' llazirall ake',
na be'nn waka ya ko'o ka' gateze nitlas ake' raw ya' ka',
na nutno llra' watup le ake'.
19Bitbi rmell ke we ko'on de,
weko'on naken da bill wayak.
Yoyte be'nn ka' llneze ke da kenxhien llak ko'on,
to llgap'tat tak ake' llawe akre,
¿Le noxha bi balleyraw katk da maren ba benon?
Currently Selected:
Nahúm 3: ZPUPAT
Highlight
Share
Copy
Want to have your highlights saved across all your devices? Sign up or sign in
