Yúhanná Dí Injíl 17

1Yesúʼ ih galláṉ ákhíáṉ, te akkhíáṉ asmán wall karke ákhíá, Ai Báp, ghaṛí á gayíʼhai; apne Beṭe núṉ jalál de, táṉ jo Beṭá tainúṉ jalál dewe; 2Jikkuráṉ túṉ uh núṉ kull insán utte ikhtiár dittá hai, paí jihṛe túṉ uh núṉ ditte ne, un uhnáṉ sabhnáṉ núṉ sadá dí zindagí dewe. 3Te sadá dí zindagí ih hai, paí uh tainúṉ jánan, jihṛá ikallá sachchá Ḳhudá hai, te nále Yesúʼ Masíh núṉ, jih núṉ túṉ ghalliá hai. 4Maiṉ us kamm núṉ, jihṛá túṉ mainúṉ karan núṉ dittá sí, púrá karke zamin utte terá jalál záhir kítá. 5Te hun, Ai Báp, túṉ mainúṉ apne nál jalál de, use jalál nál, jihṛá maiṉ dunyá de hon thoṉ pahláṉ hí tere nál rakkhdá sáṉ. 6Maiṉ tere náṉ núṉ uhnáṉ ádmíáṉ utte záhir kítá haí, jihṛe túṉ mainúṉ dunyá vichch ditte. Uh táṉ tere sán, te túṉ mainúṉ ditte ne, te uhnáṉ terá kalám mann liá hai. 7Te hun uhnáṉ ján liá hai, paí uh sáríáṉ chízáṉ, jihṛíáṉ túṉ mainúṉ dittíáṉ ne, tere walloṉ ne. 8Is laí paí uh kalám, jihṛá túṉ mainúṉ dittá, maiṉ uhnáṉ núṉ dittá hai; te uhnáṉ qabúl kítá, te sach manniá, paí maiṉ tere walloṉ nikliá, te ímán li-áṉdá, paí túṉ meinúṉ ghalliá. 9Maiṉ uhnáṉ laí darḳhwást karná háṉ; maiṉ dunyá laí darḳhwást nahíṉ kardá, par uhnáṉ laí, jihṛe túṉ mainúṉ ditte ne; kyúṉ jo uh tere ne. 10Te meríáṉ sáríáṉ chízáṉ teríáṉ ne; te teríáṉ meríáṉ ne; te uhnáṉ vichch merá jalál záhir hoiá hai. 11Te hun maiṉ dunyá vichch hor nahíṉ rahná; te ih dunyá vichch ne, te maiṉ tere kol áuṉá háṉ. Ai Quddús Báp, túṉ apne us náṉ dí ráhíṉ, jihṛá túṉ mainúṉ dittá hai, uhnáṉ dí sambhálná kar, táṉ jo uh sáḍe wáṉgúṉ ikk hoṉ. 12Jad maiṉ uhnáṉ de nál sáṉ, tere náṉ de ráhíṉ, jihṛá túṉ mainúṉ dittá hai, uhnáṉ dí sambhálná kítí; te maiṉ uhnáṉ dí rákkhí kítí, te halákat de puttar de bájhoṉ kise dá nás nahíṉ hoiá; táṉ jo nawishta púrá hoe. 13Par hun maiṉ tere kol áuná háṉ; te ih galláṉ maiṉ is wáste dunyá vichch ákhná háṉ, paí merí ḳhushí uhnáṉ vichch púrí ho jáwe. 14Maiṉ uhnáṉ núṉ terá kalám dittá hai; te dunyá uhnáṉ nál wair rakkhiá; kyúṉ jo uh dunyá de nahíṉ, jikkur maiṉ dunyá dá nahíṉ háṉ. 15Merí ih darḳhwást nahíṉ hai, paí túṉ uhnáṉ núṉ dunyá vichchoṉ chukk laweṉ, par ih, pai túṉ us sharír thoṉ uhnáṉ dí rákkhí kar. 16Uh dunyá de nahíṉ, jis tarah maiṉ bhí dunyá dá nahíṉ háṉ. 17Uhnáṉ núṉ sachchíáí dí ráhíṉ muqaddas kar; terá kalám sachchíáí hai. 18Jis tarah túṉ mainúṉ dunyá vichch ghalliá, use tarah maiṉ bhí uhnáṉ núṉ dunyá vichch ghalliá. 19Te uhnáṉ dá sadqa maiṉ apne áp núṉ muqaddas karná háṉ, táṉ jo uh bhí sachchíáí dí ráhíṉ pák hon 20Maiṉ nirá ihnáṉ hí laí darḳhwást nahíṉ kardá, par uhnáṉ laí bhí, jihṛe uhnáṉ de kalám dí ráhíṉ mere utte ímáṉ li-áuṉde ne; 21Táṉ jo sab ikk hon; paí jis tarah, Ai Báp, tún mere vichch, te maiṉ tere vichch háṉ, uh bhí sáḍe vichch hon; táṉ jo dunyá ímán li-áwe, paí túṉ mainúṉ ghalliá. 22Te maiṉ uhnáṉ núṉ uh jalál dittá hai, jihṛá túṉ mainúṉ dittá hai; tán jo uh ikk hoṉ, jis tarah asíṉ ikk háṉ. 23Maiṉ uhnáṉ vichch, te túṉ mere vichch, táṉ jo kámil hoke ikk ho ján; te dunyá jáne, paí túṉ mainúṉ ghalliá, te jis tarah túṉ mainúṉ piár kítá, use tarah túṉ uhnáṉ núṉ bhí piár kítá. 24Ai Báp, maiṉ cháhná háṉ, paí jitthe maiṉ háṉ, uh bhí jihṛe túṉ mainúṉ ditte ne, mere nál hon; táṉ jo uh merá jalál, jihṛá túṉ mainúṉ dittá hai, vekhan; kyúṉ jo túṉ dunyá de banan thoṉ pahláṉ hí mainúṉ piár kítá. 25Ai munsif Báp, dunyá tainúṉ nahíṉ jániá, par maiṉ tainúṉ jániá; te uhnáṉ jániá, paí túṉ mainúṉ ghalliá. 26Te maiṉ uhnáṉ núṉ tere náṉ thoṉ wáqif karáyá, te karáṉgá bhí; táṉ jo uh piár, jih de nál túṉ mainúṉ piár kítá, uhnáṉ vichch howe, te maiṉ uhnáṉ vichch howáṉ.

Currently Selected:

Yúhanná Dí Injíl 17: PNT1927R

Highlight

Copy