Matayo 28

Ufëtyo wamwa Yesu

(Mrk 16:1-10; Luk 24:1-12; Yoh 20:1-10)

1Itungwee nënaa mwëkhari wakëra, nënaa goohumbeera ucha itiku rasëë ra mwandyo ra ijuma, Mariamu Magidalene nanë Mariamu uyoo ungëja vëgeenda umëraraava mbëlëlo asëë. 2Gënyafaafo gugadwëëra gëtentemo gëkuu ga ng'ë, gusoko malaëka wa Muungu agaika ufuma girunde agarëheya igwe rësëë agarëkheera. 3Mwino naaudwëërë mweeso naa mwino ufëto na masaa akwe naa meru mwino weru wa mweri. 4Aghoji va mbëlëlo ësëë vëgakhaghata gwa wova üküü, vëgatenda mwino vakuyaa. 5Ëgweeso malaëka wasuu agavëëra akhema vasaa, “Nyee tajamooghofee! Nëmanyie mwino mumufenja Yesu nëwakhomiwe. 6Atifo afaa gusoko wafëtyaa mwino agahanya. Njii mwoone fana naauree. 7Uvii, endi ruvë muvakhanëe asëywi vakwe mwino wafëtyaa ufuma gwa akuyi, na itungwee wamutongeeraa uko uGalilaya, kuuko mwënjumwoona. Ari, nene nadahaa umukhanëa.” 8Vijue vova në uyanjo aküü, akhema vasaa vëgadua ruvë mu mbëlëlo, vëgamanka gwenda uvakhanëa asëywi vakwe. 9Muugënyafaafo Yesu agatang'ana inaawe agavaramucha: “Nëmuramuche.” Akhema vasaa vëgamwendea, vëgatungama usonge akwe vëgakwata mëghuu akwe, na vëgamukurya. 10Yesu agavëëra, “Mutaoghofee! Endi muakhanëe vaunaanë vende uGalilaya na kuuko vëunyoona.”

Sayu a mughoji wa mbëlëlo

11Akhema vasaa nënaa vinjë kunë vinjë, mukhatë a aghoji va mbëlëlo asëë vëgeenda u mujini uduya sayu a mantu oong'e nënaaadwëëraa kunë akumbëki në akuu. 12Uvii, vëgatang'ana itambëëmwe na anyampaa, na nënaavadaha gësëya vëgavafa asikee vasaa hela nyingë 13vëuhanya, “Nyenye muhanya vii: ‘Asëywi vakwe vëgaja utiku, vamwiva sese nënaa guree.’ 14Na nëmba müküü wa mükoa amanye ihanyo rasëë, sese guurëghëtya namweeso na goona mwino nyee mutiuhanga siida.” 15Aghoji vasaa vëgayihora hela ësëë, vëgatenda mwino naavasëywaa. Sayu ësëë akundanëe mukhatë a Ayahudi faka rëo.

Yesu uguvadwëëra asëywi vakwe

(Mrk 16:14-18; Luk 24:36-49; Yoh 20:19-23; Nte 1:6-8)

16Asëywi vasaa ikumi na umwe vëgenda uGalilaya ugëtanto ëkoo nënaa Yesu waaraghëëye. 17Nënaavamwoona vëgamukurya, mbesa vangëja naavina wisaghasaghëi. 18Yesu agaja fifë kunë veeso agavëëra, “Nafewaa udaho woong'e girunde nanë mu urëmi. 19Uvii, endi, muvatende antu va ndughu yoong'e vitende asëywi vanë, vabadiisi gwa rina ramwa Tata, na ra Mwana, na ra Mwahu Mweru. 20Vaseyi vëyakwatëëre maraghëëyo oong'e nënamufee. Neenoo nërëfo itambëëmwe nanyee matiku oong'e, nhaa, faka mpeo a urëmi.”

Currently Selected:

Matayo 28: RNT

Highlight

Copy