Kut 48
48
1Ebyo ku byahwaire, baagambira Yosefu bati: Reeba, sho arwaire. Atyo nawe atwara abatabani bombi, Manaase na Efuraimu; 2bagambira Yakobo bati: Mutabani waawe Yosefu yaija kukureeba. Isiraeli ayehangaana ashutama aha kitabo. 3Mpaho Yakobo agira Yosefu ati: Ruhanga omushoboorozi wa byona, akambonekyera ndi Luuzi omu nsi ya Kanaani, yampa omugisha. 4Kandi yangira ati: Reeba ndyakuzaarukanisa nkukanyise, nkuhindure ekimbuuro kihango ky'amahanga; n'ensi egi ngihe baijukuru baawe ebe eyaabo ebiro n'ebiro. 5Mbwenu batabani baawe bombi abu waazaariire omuri egi nsi ya Misiri ntakakushangiremu, n'abangye. Efuraimu na Manaase baryaguma bari abangye, nk'oku Reubeeni na Simeoni bari. 6Reero abandi baana bu orizaara nibakurata aba, nibo bariba abaawe, beetererwe bakuru baabo babagane aha byabo. 7Manya obu naabaire ninduga Paadanarama eky'obusaasi Rakeeli akagwa omu nsi ya Kanaani tukiri omu rugyendo; hakitsigaireyo akanya kuhika Efuraata, naaba niyo naamuziika aha muhanda gurikuza Efuraata, niyo Beetelehemu.
8Reero Isiraeli ku yaareebire batabani ba Yosefu, yaabuuza ati: Beitu aba ni baahi? 9Yosefu agarukamu ishe ati: Ni batabani bangye abu Ruhanga yampeeraire kunu. N'onu ati: Nyabura 'we bampitsye mbashabire omugisha. 10Obwo Isiraeli ahabwa bukuru amaisho ge gakaba gaarindagiire atakihweza. Atyo Yosefu abamuhitsya haihi, n'onu abanywegyera, kandi ababumbatira. 11Isiraeli agira Yosefu ati: Nkaba ntarikuteekateeka ngu turyareebana, mbwenu reeba Ruhanga yandeebesa n'abaana baawe. 12Bwanyima Yosefu yaabamwiha aha maju, yaajumara aha nsi.
13Yosefu akwata abo baana bombi: Efuraimu n'omukono gwe gwa buryo, amugyemire omukono gwa Isiraeli ogwa bumosho; na Manaase n'omukono gwe gwa bumosho amugyemire omukono gwa Isiraeli ogwa buryo; bombi atyo abamuhitsya. 14Isiraeli ananuura omukono gwe gwa buryo, ata engaro ya buryo aha mutwe gwa Efuraimu omuto, n'engaro ye ya bumosho agita aha mutwe gwa Manaase; obwo arabaniisemu emikono ye, ahabw'okuba Manaase niwe yaabaire ari omujigaijo. 15Mpaho Yakobo ashabira Yosefu omugisha, naagira ati:
Ruhanga ou tatenkuru Aburahamu
na tata Isaaka baagyenzire gye nawe,
Ruhanga onyebembeire amagara
gangye goona n'okuhitsya eri izooba;
16na maraika owaanyihire omu kabi
koona, ahe abaana bangye omugisha.
Bagume nibaanyetererwa nibeetererwa
n'abazaire bangye.
Aburahamu na Isaaka;
kandi barugwemu enyanja y'abantu
omu nsi.
17Yosefu ku yaareebire ishe yaata omukono gwe gwa buryo aha mutwe gwa Efuraimu, kyamugwisa kubi. Yaakwata omukono gwa ishe kugwiha aha mutwe gwa Efuraimu kuguta aha gwa Manaase; 18haza yaagira ishe ati: Taata, tikwo kiri. Manya ogu niwe mujigaijo. Ba niwe waata omukono gwawe gwa buryo aha mutwe gwe. 19Kwonka ishe ayanga, agira ati: Ninkimanya, mwana wangye, ninkimanya. Nawe aryarugwamu eihanga kandi aryaba mukuru, kwonka omurumuna aryaba mukuru okumukira, na baijukuru be baryarugwamu ekimbuuro kihango ky'amahanga.
20Atyo eryo izooba abashabira omugisha, naagira ati:
Abaisiraeli baryaguma babagambe
nibashabirana emigisha, bati:
Ruhanga akugire nka Efuraimu
kandi nka Manaase.
Atyo yaatunguura Efuraimu, yaamukiza Manaase.
21Bwanyima Isiraeli yaagira Yosefu nti: Reeba ndi haihi kufa, kwonka Ruhanga aryaguma naiwe; arugyeho akugarure omu nsi ya baashwenkuru. 22Ekindi naakuha omugabo gurikweshumba ogwa bakuru baawe: nirwo rukiizi rw'enshozi oru naanyagire Abaamori na rurara yangye n'obuta bwangye.
Yakobo okuraga abatabani naabagambira oku bariba
Currently Selected:
Kut 48: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
