Liikë 6

Yeesu i cilumbu ci saba

(Mat 12.1-8; Mak 2.23-28)

1Cilumbu ci saba, Yeesu wulëvyookë mu sisolë si singeenzë sifaliinë. Bilaanzi byaandi kusiimbë li kudokulë singeenzë, kusizekini mu myooko i kulya#6.1 Lev 23.5-14 : Det 23.26.. 2Mwa Sifalisyaanu situbë : « Mbici bilaanzi byaaku bëke siilaangë katyoobo cilumbu ci saba? Mati n'kaandwe#6.2 Lub 34.21.! » 3Yeesu kubëvutulilë : « Beeno lusye taangë ko linë Daviidë kuvaangë bunë kwaba mu nzalë, naandi yimunë banë bëyabë yaandi? 4Bunë kwakoti mu n'zo-Nzaambi, na kuboongë mëmpa bëyindulë ke Nzaambi, wusë kulya i kumëtambikë ke bayaandi. Kosuku, tokë singangë-Nzaambi vwiili bëba n'swa wukulya mëmpa be moomo#6.4 1 Sa 21.2-7; Lev 24.9.. » 5Yeesu kube bëkaambë : « Mwaanë Muutu mati Fumu mu cilumbu ci saba. »

Muutu wuvolë kooko

(Mat 12.9-14; Mak 3.1-6)

6Cilumbu cin'ka ci saba, Yeesu wuyikotë mu cizutununu i wulëloongaangë. Munë cizutununu, mwabë yivaandi muutu wuvolë likaandë li kooko ku mëbakëlë. 7Miloonji n'kaakë yimunë Sifalisyaanu bëlësungaangë Yeesu mu kumonë mooti na wum'belusi muutu mu cilumbu ci saba. Baawu bëlën'sungilaangë mu kubakë libooti li kun'fundilë. 8Kasi Yeesu wulëzaabaangë simbalulu syaawu i wusë kaambë muutu wabë wuvolë kooko ti : « Manë n'telë i ba fë meeyi bakë booso. » Libakëlë kumanë n'telë i wusë ba faawu. 9Tee Yeesu wusë bëkaambë : « Miinu beeno yin'kufulë: Buni, bufweeni cilumbu ci saba, mu kuvaangë liboti voo libi, mu kuvuuci muutu, voo mu kubiikë naandi kunyambëkënë? » 10Foofë, kwalaci ntalu mu bakë booso, naandi wusë kaambë muutu beenë : « Nonunë kookwaaku. » Naandi wusë nonunë kooko i kwaawu kusë belukë. 11Kasi miloonji n'kaakë i Sifalisyaanu bawaali likaanzi i kusiimbë li kufindënë simpakë mu linë bëtoombë kuvaangë mu Yeesu.

Yeesu wasoolë kuumi bilaanzi byooli

(Mat 10.1-4; Mak 3.13-19)

12Mu ntaangu be yiinë, Yeesu wuyendë ku yilu moongo i wuvyoosi bwiilu booso mu kusambilë Nzaambi. 13Bunë bwiisi bwacya, na kutelë bilaanzi byaandi i wusë soolë kuumi ba bwaali bo kuzolë banë kuvaanë lizinë mimbunzi : 14Simu – awu kuvaanë yivaandi lizinë li Pyeelë – i Andëlee li mwanaandi nguli, Zaakë i Za, Filiipë i Batelëmi, 15Matye i Tomë, Zaakë li mwaanë Alëfee#6.15 mwaanë Alëfee kaambofo mwaanë nguli Alëfee. , i Simu awu bëlëteelaangë Zelootë, 16Zuudë li mwaanë Zaakë#6.16 mwaanë Zaakë kaambofo mwaanë nguli Zaakë., i Zuda Iskalyootë, awu wun'sumbisi Yeesu.

Yeesu wulë mu kuloongë i kubelusi

(Mat 4.23-25)

17Yeesu wunengëmukë cimongu-mongu yimunë baawu i bisë sikëmë faamë fë lalumukë fanë fabë nkoongë yimpaapë yi bilaanzi. Fabë yivaandi nkoongë yinenë: basë libweeti li Zudee#6.17 Lik 1.5., bë Yelusaleemë i mëvulë më lweeku lu m'bu, Tiilë i Sidoonë. 18Baawu bëyisë mu kuwu manë kun'tubë i kutambulë lubelukulu mu sincyeenzu syaawu. Banë bëkwamusu mu biluunzi bibi bë belukë. 19Nkoongë yooso yi baatu yilëtoombaangë kun'siimbë cibilë luleendo lulëbasikaangë mu naandi lulëbelusyaangë bakë booso.

Nyeenzi i mënyoni

(Mat 5.1-12)

20Naandi wusë kuvumbulë ntalu ke bilaanzi byaandi i wusë tubë :

« Nyeenziinu oyo, beeno biyeembi,

cibilë Lwaangu lu Nzaambi lwiinu beeno!

21Nyeenziinu oyo beeno luke mu nzalë,

kasi lun'kukutu!

Nyeenziinu oyo beeno lulë mu kulilë,

kasi lum'ba mu liyaanji, lun'sefë! »

22« Nyeenziinu oyo mooti baatu bëbe luleendë, mooti baawu bëbe lunyacikë, bëbe lufiingë i kutubë libi mu beeno, cibilë lwata maanë mu Mwaanë Muutu. 23Yangëlëlaanu bunë lyalyooli lin'vangënë i dumukaanu mu nyeenzi, cibilë ndobu yinenë yilë mu kuluviingë ku yilu. Mati boobo, sinkaakë siinu bëlënyokulaangë mibici#6.23 2 Lu 36.16; Mëv 7.52.. »

24« Kasi mënyonyi mu beeno luke bisinë,

cibilë beeno lwayitambulilë sinyeenzi siinu!

25Mënyonyi beenë ke beeno lwakukutu ntaangu ayi,

ka lun'taatë nzalë!

Mënyonyi beenë ke beeno lulë mu kusefë ntaangu ayi,

ka lum'ba mu cifwiili i mu mësweelë! »

26« Mënyonyi beenë, ntaangu baatu bakë booso bën'tubilë simboti mu beeno, cibilë boobo bwa sinkaakë siinu bëlësiilaangë mu mibici lupuutu! »

Luzolo mu simbeenyi

(Mat 5.38-48; 7.12)

27« Kasi miinu beeno yin'kaambë, ke beeno lulë mu kun'yuwulu: zolaanu simbeenyi siinu, vaangaanu liboti ke banë bëluleendë. 28Sakumunaanu banë bëlusifë i sambilaanu mu banë bëlunyokulë. 29Ningë wun'viipë wukubulë fë litamë limweekë, n'tambikë litamë limesi. Ningë wun'viipë wukuboongë ciyuungë cyaaku, m'biikë kuboongë yivaandi cinkutu cyaaku. 30Vaanë ke wosuku wukuloombë cyosuku ciimë i mooti muutu wakuboongë ciimë cyo wubakisi, keelë wulun'vokënë cyaawu. 31Vangilaanu ke bën'ka bo bumweekë bunë lun'tombilë ti baawu bëvangilë mu beeno#6.31 Lom 13.8-10.. 32Mooti beeno luzolisi vwiili banë bëluzolë, buni bëm'podi kulutondilee? Bisumuci yivaawu bën'zolaangë banë bëbëzolisi. 33Mooti lube vaangë liboti ke banë bëluvaangaangë simboti, buni bëm'podi kulutondile? Bisumuci yivaawu boobo bën'siilaangë. 34Ningë ti lube sombisi tokë ke banë yin'siilë civuufu ti baawu bëluvutulilë, buni bëm'podi kulutondilee? Bisumuci yivaawu bën'sombisyaangë ke bisumuci mu kubakë bo bumweekë. 35Tiilyoko, zolaanu simbeenyi siinu. Bëvaanjaanu simboti i sombisyaanu kukaambu kuciingë cyosuku cyo bëluvutulilë. Beeno lum'bakë ndobu yinenë beenë i lum'ba baanë bë Nzaambi yisalaangë yilu, cibilë naandi wuke yi n'timë wumboti mu bëkaambu luzaabu i mu bangë bubaalu. 36Baanu yi bwalëkisi bo buke Tatiinu wuwaalë bwalëkisi#6.36 Lub 334.6; Twi 86.15.. »

Nufundisyaanu bayiinu ko.

(Mat 7.1-5)

37« Nufundisyaanu wosuku muutu ko i mu kumaangë Nzaambi kulufundisi. Keelaanu kutabë bayiinu mu kumaangë yivaandi Nzaambi kulutabë. Lenvukilaanu bayiinu, oboobo, Nzaambi wululenvukilë yivaandi. 38Vaanaanu bayiinu, oboobo, Nzaambi wuluvaanë yivaandi : bën'sekulilë mu bolusu yinenë yi cinkutu cyaaku cyeelu cin'funë ciboti, civweetu ciboti i bëcinyikunë i cin'vyokililë. Nzaambi wunzongilë mëkabu maandi mu beeno mu cyeelu cinë beeno lun'siilë mu kuzongilë bayiinu. »

39Yeesu wusë kubëkambilooso yivaandi mu bifwaani: « Mpofo, podi ve kunatë mpofo yaandi, boobo kwe? Ningë moniko, babë bwaalë kubwa mu libulu. 40Cilaanzi kupodi ve kuvyokilë n'loonjyaandi. Kasi cilaanzi cisinu buboti cim'ba dedë mweekë buke n'loonjyaandi. 41Kwisilë buni njeeyi kum'monë lukuunzë mu lyeesu li mwanaaku nguli, tiilyoko njeeyi wun'kaambu kumweenë likuunzi like mu lyeesu lyaakwe? 42Kaambofo, buni wum'podi njeeyi kukaambë mwanaaku nguli ti : “Biikë yikubotulë lukuunzë luke mu lyeesu lyaaku, tiilyoko, njeeyi wun'kaambu kumweenë likuunzi like mu lyeesu lyaakwe?” Njeeyi cimpilë-mpiipë, botulë cin'tetë likuunzi like mu lyeesu lyaaku, bosuku wum'botulë lukuunzë luke mu lyeesu li mwanaaku nguli. »

N'ti i mëkuundi maandi

(Mat 7.16-20; 12.33-35)

43« N'ti wumboti wusë m'butaangë ko mëkuundi mëbi, kaambofo n'ti wusekë mëkuundi mëboti. 44Mu lyaawu, wosuku n'ti bëkun'zabilaangë mu mëkuundi maandi kun'vaanaangë. Kusë bën'sangulaangë mëkuundi më n'ngengë mu miti siseendë ko i kaambofo mëkuundi më viinyi mu misumbi. 45Muutu wumboti wum'bakilaangë liboti mu liboti like mu n'timaandi. Muutu wum'bi wum'bakilë libi mu libi like mu n'timaandi. Cibilë, manë munwaandi kum'baasyaangë mëfuminaangë ku n'timaandi. »

N'zo wali

(Mat 7.24-27)

46« Cibilë mbi beeno lukun'telilaangë “Fumu, Fumu” i beeno lusë n'vaangë ko manë miinu yilukaambë? 47Miinu yakululeesi nani wuke dedë mweekë wosuku wun'kwisë ke miinu, naandi wun'kuwu mëbuungu maami i wumësalilë : 48naandi fwiifu yi muutu wunë wulë mu kutuungë n'zo. Naandi kusikë lufuuyi lu doongë i kutulikë lubaandu fë yilu mëmanyi. Bunë ngami masi yin'kwisë, kuyifwaangë mu n'zo beenë, yaawu kupodi ve kuvongumukë, cibilë bëyituungë buboti. 49Kasi wunë wun'kuwu mëbuungu maami, i wun'kaambu kumësalilë, naandi fwiifu yi muutu wun'tuungë n'zwaandi fë n'toto, yikaambu lufuuyi luciindë. Bunë ngami masi yiyifwaangë mwaawu, n'zo kulengë kuvongumukë : i yaawu kutyamukë yakë yooso. »

Currently Selected:

Liikë 6: NTVIL

Highlight

Copy