Popular Bible Verses from Liikë 6

Share

Vaanaanu bayiinu, oboobo, Nzaambi wuluvaanë yivaandi : bën'sekulilë mu bolusu yinenë yi cinkutu cyaaku cyeelu cin'funë ciboti, civweetu ciboti i bëcinyikunë i cin'vyokililë. Nzaambi wunzongilë mëkabu maandi mu beeno mu cyeelu cinë beeno lun'siilë mu kuzongilë bayiinu. »

Muutu wumboti wum'bakilaangë liboti mu liboti like mu n'timaandi. Muutu wum'bi wum'bakilë libi mu libi like mu n'timaandi. Cibilë, manë munwaandi kum'baasyaangë mëfuminaangë ku n'timaandi. »

Tiilyoko, zolaanu simbeenyi siinu. Bëvaanjaanu simboti i sombisyaanu kukaambu kuciingë cyosuku cyo bëluvutulilë. Beeno lum'bakë ndobu yinenë beenë i lum'ba baanë bë Nzaambi yisalaangë yilu, cibilë naandi wuke yi n'timë wumboti mu bëkaambu luzaabu i mu bangë bubaalu.

Baanu yi bwalëkisi bo buke Tatiinu wuwaalë bwalëkisi. »

« Nufundisyaanu wosuku muutu ko i mu kumaangë Nzaambi kulufundisi. Keelaanu kutabë bayiinu mu kumaangë yivaandi Nzaambi kulutabë. Lenvukilaanu bayiinu, oboobo, Nzaambi wululenvukilë yivaandi.

« Kasi miinu beeno yin'kaambë, ke beeno lulë mu kun'yuwulu: zolaanu simbeenyi siinu, vaangaanu liboti ke banë bëluleendë. Sakumunaanu banë bëlusifë i sambilaanu mu banë bëlunyokulë.

Vangilaanu ke bën'ka bo bumweekë bunë lun'tombilë ti baawu bëvangilë mu beeno.

Ningë wun'viipë wukubulë fë litamë limweekë, n'tambikë litamë limesi. Ningë wun'viipë wukuboongë ciyuungë cyaaku, m'biikë kuboongë yivaandi cinkutu cyaaku. Vaanë ke wosuku wukuloombë cyosuku ciimë i mooti muutu wakuboongë ciimë cyo wubakisi, keelë wulun'vokënë cyaawu.

« N'ti wumboti wusë m'butaangë ko mëkuundi mëbi, kaambofo n'ti wusekë mëkuundi mëboti.

Mu lyaawu, wosuku n'ti bëkun'zabilaangë mu mëkuundi maandi kun'vaanaangë. Kusë bën'sangulaangë mëkuundi më n'ngengë mu miti siseendë ko i kaambofo mëkuundi më viinyi mu misumbi.