Za Nsunjikulu
Nsunjikulu
Mu mëbuuku më na, lyo li Za lya livyakënë yi mëbuuku më tatu mëmesi. Licyelikë, bunë bën'vengulë n'zisi Simpasi si Yeesu (mitu-buungu 18-19), libuuku li Za like yi mwa maambu kwaandi tokë mëfwanëkënë yi mëbuuku më tatu mëmesi. Naandi tokë wun'tubilë mwa maambu mu manë mën'talë mëkweelë ku Nkanë (2.1-12) i tudyengunu tu Yeesu yimunë Nicodeemë (3.1-21), yimunë n'cyeetu wu musë Samali (4.1-12), yimunë cikatë ci Betesayiida (5.1-18), yimunë wo wubutu mpofo (9.1-41). Mu kufwiici yi mëbuuku mëmesi, naandi wulë mu kusiimbë mwa maambu to mu luziingu lu Yeesu fë n'toto. Mu bwaawu, naandi wulë mu kubëvaanë n'ciinzë wun'nenë, mpaapë mu baawu babë luvoto mu ndongulu yi cyelikë yibëvaanë Yeesu.
Mu ntonunwaandi (1.1-18) buke n'zisi, libuuku lin'leesi Yeesu buke libuungu li sakë yi sakë li Nzaambi licitukë muutu i liyiziingë yimunë baatu, lum'monikë mu katyaasi-kwaawu luziingu, cyeseesë ci cyelikë. Mësonuku më libuuku mëm'podi kukabukë mu mikukë wali yinenë bin'tubulë mu zoolë yi Yeesu, dedë ti mu ntaangu lufwa lwaandi luke yivaandi luzanjikulu mu bumpumu (2.4; 12.23).
– Ntetë zoolë yi Yeesu (1.19 – 12.50): n'kukë wun'tetë be wuuwu wun'tubilë mpaapë bimbaanji bin'landëkënë: Za-Batiisë, cilaanzi cyaandi Andëlee, Filiipë, Natanayeelë, kadë muutu wun'tubilë mu ntekwaandi, linë baawu bëbakulë mu Yeesu. I libuuku lin'tubilë tudyengununu tu mpilë ku mpilë tu Yeesu i saambwali li mëvaangë më bimaaku kun'leesi buke « Biliimbu », bin'sisiminë ofo linjiinji i kubakulë suundu. Za wasiitë n'kukë wun'tetë be woowo mu lutaangu i kuzitikë saangu yi Yeesu (12.37-50).
Bunë zoolë ye fwaani (13.1), Yeesu wusë vaanë ke bilaanzi byaandi mëkomini maandi mënjiinji dedë ti n'kaandu cimpeefë (mitu-buungu. 13-16). I mu n'saambu, naandi wusë beliminë mu kudyengënë lufwa i kuvaanë ke Taatë banë kum'biikë ku mbusaandi (n'tu-buungu. 17). Mu kutubilë lubwilulu, lutabu i lufwa lu Yeesu fë kuluusu, i lubakululu lu libuumbë li mpafëlë, Za wun'tubilë bo bumweekë n'zisi mëbuuku mëmesi (mitu-buungu. 18-20). Cilumbu ci Paakë cizabukunu mu tumonukunu tu Kliistu wuvulumukë kuke Maali li Magëdala, i ke bilaanzi, yiveko ke Tomë. N'tu-buungu 21 (saambwali li bilaanzi, wunë Pyeelë, bëdyengënë wuvulumukë mu ndaambu liyaangë li Tibelyaadë) bëbweelë fë situlu libuuku.
Situkulu be yooyo (20.30-31) yin'leesi lyaambu linjiinji li libuuku: lin'natë wunë n'taangë kubakulë Yeesu N'loonji bëkani, Mwaanë Nzaambi. Mati bwaawu kum'bakilë luziingu, abu ke licyelikë ti Yeesu, Taatë wun'filë, wukeeli, bo kun'tubilë naveekë, « zilë, cyelikë i luziingu » (14.6).
Currently Selected:
Za Nsunjikulu: NTVIL
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.