Za 1

Libuungu li luziingu

1Fë ntonunu fabë Libuungu i Libuungu lyabë yimunë Nzaambi i lyaawu lyabë Nzaambi. 2Lyaawu lyabë yimunë Nzaambi fë ntonunu#1.2 v. 1-2 i Big 8.22-26.. 3Nzaambi wuvaangë byakë byooso mu lyaawu. Cin'velë ve cikaambu kuvangëninë mu lyaawu#1.3 Ntn 1.3; Twi 33.6, 9; 1 Ko 8.6; Kol 1.16-17.. 4Cinë civangunu cyabë luziingu mu lyaawu#1.4 cin'velë ve cikaambu kuvangënë ke naandi (v.3). Cyosuku civangënë cyabë luziingu mu naandi, kaambofo cin'velë ve civangunu kukaambu naandi. Mu naandi mwabë luziingu.. Luziingu be loolo lwabë cyeseesë ci baatu. 5Cyeseesë cilesikë ku citoombi, kasi citoombi cisye n'tambulë ko#1.5 citoombi cisye n'tambulë ko: citoombi sye bakulë.. 6Nzaambi wufilë cipayi cyaandi, muutu bën'teelë Za#1.6 bëlë mu kutubilë mu Za-Batiisë. 1.19-36.. 7Naandi wuyisë dedë mweekë mbaanji yi cyeseesë, mu kuleesi cimbaanji ci cyeseesë, bwiinji bakë booso bëta maanë mu naandi. 8Naandi wusye ba cyeseesë ko, kasi wabë mbaanji yi cyeseesë. 9Libuungu lyabë cyeseesë cicyelikë, ciyisë mu buloongo i cin'cyenisi baatu bakë booso.

10Libuungu lyabë mu buloongo. Nzaambi wuvaangë buloongo mu lyaawu#1.10 v.3., kasi buloongo busye m'bakulë ko. 11Naandi wuyisë mu si yaandi, kasi mboongwaandi sye n'tambulë ko. 12Kasi, bakë booso bëtambulë lyaawu, bëta maanë mu lizinë lyaandi yi wusë bëvaanë n'swa wu kubeelë baanë bë Nzaambi#1.12 Nga 3.26; 1 Za 3.1-2.. 13Baawu bëkeeli ko baanë bëbutukë mu meengë, kaambofo yaaku mu n'vwiilu n'sunyi, kasi bëfuminë ke Nzaambi.

14Libuungu lyacitukë n'sunyi i lyaawu lizingilë fë meeyiitu, beeso tumonë bumpumu bwaandi#1.14 Ezy 60.1-2., bumpumu bu Mwanaandi viingu ke Taatë, lyaawu liwaalë muulë i bucyelikë. 15Za wun'teelë cimbaanji, wulosukë : « Mu naandi mwa yitubilë ti, wo wun'kwisë ku mbusaami, mwiinji n'ciinzë cibilë naandi wabë ntetë yi miinu#1.15 1.30.. » 16Besubooso tutambulë cikuuku mu businë bwaandi bunenë, muulë fë yilu muulë. 17Nzaambi wutuvaanë n'kaakë ke Moyiizë#1.17 Lub 31.18; 34.28., kasi muulë i cyelikë byakwisilë mu Yeesu Kliistu. 18Muutu ve wumonë Nzaambi#1.18 Lub 33.20.. Kasi Mwanaandi viingu, wunë wuke Nzaambi i wun'zingilaangë fë likumë li Taatë, wo naandi vwiili wun'zabikini.

Cimbaanji ci Za-Batiisë

(Mat 3.1-12; Mak 1.1-8; Lik 3.1-18)

19Tala cimbaanji civaanë Za bunë mikwa-lwaangu Sizwiifë si Yelusaleemë bëfilë singangë-Nzaambi i sileviitë mu kun'yufulë : « Njeeyi nani wukeelye? » 20Naandi wusye maangë ko mu kuvutulë cyuufu, kasi naandi wuviisi fë ciyalëlë fë ntwaalë bakë booso : « Miinu yikeeli Kliistu ko. » 21Baawu bisë kun'yufulë : « Njeeyi nani wukeelye? Njeeyi Eli? » Za wuvutulë : « Miinu ko. » Oboobo, baawu bisë bweelooso kun'kufulë : « Njeeyi M'bicye? » Za wuvutulë#1.21 Mal 3.23 ; Det 18.15,18. : « Miinu ko. » 22Mu lyaawu, baawu bisë n'kaambë : « Njeeyi nani wukeelye? Cibilë beeso tufwenikini ke vutulë mbeembu ke bo batutumë. Njeeyi mbici wake n'tubë mu njeveekë? » 23Za wubëvutulë mbeembu mu maambu mu Ezayi m'bici :

« Miinu, mati mbeembu yilë mu kutendukë mu ntaandu ciyumi :

“Beeno lufwenikini kusunjikë nzilë yi Fumu#1.23 Ezy 40.3.!” »

24Mu bipayi bëfilë ke Za, mwabë Sifalisyaanu, 25baawu bisë n'yufulooso : « Ningë njeeyi wukeeli Kliistu ko, keti Eli, kaambofo M'bici, cibilë-mbici wulë mu kubatizyaalë? » 26Za wusë vutulë : « Miinu yilë mu kulëbatizyaalë mu masi, kasi fë meeyiinu fëke wun'viipë wo beeno lukaambusu kuzaabë. 27Naandi wun'kwisë ku mbusaami, kasi miinu yisye fwanëkënë ko mu kukutulë misiingë sisapaatu syaandi. » 28Makë mooso omo mëlëvyokilaangë ku Betani lisimu li mwiilë wu Yulëdaanu, kwaawu kwa Za wulëbatizyalaangë.

Yeesu, mwaanë limemë li Nzaambi

29Cilumbu cilandëkënë, Za wutalilë Yeesu wulëkwisë ke naandi, i wutubë : « Talaanu mwaanë limemë li Nzaambi lim'botulaangë lisumu li baatu booso#1.29 Ezy 53.6-7.. 30Mu naandi, mwaawu yitubilë : “Muutu wun'kwisë ku mbusaami, mwiinji bunaangë yi miinu. Mu cibilë ocyo, naandi wabë ntetë yi miinu kubutu.” 31Miinu sye zaabaangë kuve nani kukeeli, kasi yiyisë mu kubatizyaalë baatu mu masi i mu kun'zabikini ke mboongu baatu yi Islayeelë. »

32Za wusë tubooso: « Miinu yamonë Ciluunzi ci Nzaambi cyafuminë ku yilu, cyaawu cyakulumukë dedë mweekë libeembi i cyabeetë fë yilwaandi#1.32 Ezy 11.2; 61.1. . 33Miinu yisye n'zaabaangë ko nani kukeeli, kasi Nzaambi, wukun'filë mu kubatizyaalë baatu mu masi, naandi wukun'kaambë : “Njeeyi wum'monë Ciluunzi cin'kulumukë i cim'beetë mu muutu. Naandyoowo na wum'batizyaalë baatu mu Ciluunzi ci Saantu.” 34Miinu yamonë lyaliili, bwatubë Za i miinu yilë mu kuviisi ti muutu awu wuli Mwaanë Nzaambi. »

Bilaanzi bin'tetë bi Yeesu

35Cilumbu cilandëkënë, Za wabë yivaandi faawu yimunë bilaanzi byaandi byooli. 36Bunë kumonë Yeesu wulëvyookë, naandi wusë tubë : « Talaanu mwaanë limemë li Nzaambi#1.36 1.29.! » 37Bilaanzi bi byooli bi Za, bëyuwu mëbuungu be moomo i bisë kulaandë Yeesu. 38Yeesu wusë balukë, kumonë ti baawu bëlë ke n'laandaangë i wusë bëyufulë : « Beeno, mbici luke toombaangë? » Baawu bisë kun'vutulilë : « Njeeyi kuni wun'kalilaangë, A Labi#1.38 Labi : cikumë mu mbeembu Alameyeenë.? » — Labi dedë muutu wun'tubë: N'loonji. — 39Yeesu wubëkaambë: « Yisaanu i monaanu. » Baawu bisë kweendë i kumonë fo naandi wulë kalilaangë. Baawu bëkalë yaandi fë cimweekë cilumbu be cyoocyo, tee fë zoolë na yi bukulu-bwiisi.

40Wumweekë mu bilaanzi bi byooli wunë wuyuwu mëbuungu më Za i wulaandë Yeesu, wabë Andëlee nkoombë Simu li Pyeelë. 41Muutu wun'tetë wunë Andëlee kudyengënë wabë mwanaandi nguli Simu, naandi wukun'kaambë: « Beeso twamonë Mësiya. » – Nkuumbu be yooyo yin'tubë ti « Kliistu ». – 42Naandi wunatë Simu ke Yeesu. Yeesu kun'talë i wusë tubë : « Njeeyi Simu mwaanë Za. Mba bëkuteelë Sefaasë#1.42 Sefaasë: cikumë mu mbeembu Ameleyeenë. . » – Lizinë be lyooli lin'tubë « Pyeelë ». –

Filiipë i Natanayeelë

43Cilumbu cilandëkënë, Yeesu wuyendë ku Ngalilee. Naandi wudyengënë Filiipë keti wukun'kaambë : « N'daandi! » 44– Filiipë wabë muutu wu Betesayiidë#1.44 Betesayiidë: livulë libelëmë yi Kapelënawuumë., libweeti li Andëlee i Pyeelë – 45Fë mbusë, Filiipë wudyengënë Natanayeelë i wusë n'kaambë : « Beeso twamonë muutu wo Moyiizë wutubilë mu Mikaakë i mibici yivaandi bëtubilë#1.45 Det 18.18; Ezy 9.5-6; Ezk 34.23.: Yeesu naandi mwaanë Zozeefë wu libweeti li Nazaleetë. » 46Natanayeelë wusë n'kaambë : « Ku Nazaleetë kupodi kubasikilë lyaambu libotye? » Filiipë wuvutulë : « Yisë i ndjeeyi wum'monë. »

47Yeesu abu kwamoni Natanayeelë wulëkwisë ke naandi, wutubë mu cibilë cyaandi : « Talaanu, muutu wucyelikë ku Islayeelë. Mu naandi lyaambu li lupuutu voo. » 48Natanayeelë wuyufulë Yeesu : « Njeeyi buni be kun'zabilë? » Yeesu kun'vutulilë : « Ntetë Filiipë kukutelë, miinu yikumonë ntaangu wabë fë sinë n'ti n'ngengë. » 49Faawu, Natanayeelë wusë tubë : « A Labi, njeeyi mati Mwaanë Nzaambi! Njeeyi yivaandi Fumu Islayeelë#1.49 Twi 2.7; Sof 3.15.! » 50Yeesu wusë n'vutulilë : « Bwaawu njeeyi wakun'telë maanë cibilë miinu yakukaambë yikumonë wukalë fë sinë n'ti n'ngengë. Njeeyi wum'monë mpaapë maambu kuvyokilë maawu ama. » 51Naandi wusë bweelooso: « Licyelikë miinu yilukaambë : beeno lum'monë liyilu lin'zibukë, siyaanzi sim'makë, sin'tuukë fë yilu Mwaanë muutu#1.51 Ntn 28.12.. »

Currently Selected:

Za 1: NTVIL

Highlight

Copy