Yamni Kulki Lawana 6
6
Aiwani nani ba
1¿Mairin nani tilara
kau painkira sma ba,
lamtwankira waitna ba anira wan?
¿Witin ansara tawi wan?
¡Yang nani lika man wal wamna, witin ba plikaia!
Mairin ba
2Laitwankira waitna ba
ai giadinka ra taki wan,
ai giadinka kîa painkira bri ba ra,
ai sîpka nani twi dakakaia,
bara tangnika nani sin dakbaia.
3Yang lika, laitwankira waitna ba dukia sna,
bara witin sin yang duki sa.
Witin tangni nani ba tilara,
ai sîpka daknika nani dakakisa.#Yam L 2.16.
Lawana matsip ba
Waitna ba
4Man, laitwankira mairin,
pranakira bara sin liliakira sma,
sim Tirsá#1 Ki 15.21. bara Jerusalem tawanka nani baku;
war aiklaklabra nani aiklabaia taki auya baku,
sip alki takaskras kira sa.
5¡Namkra nani ni ai kaiki kapara,
kan namkra ba pat puri luan sa!
Man tâmwa nani ba,
guts lupia nani baku sa,
Galaad ilka nani bâk,
srutwi puli banhwi ba.
6Man nampa nani ba sin,
pihni painkira sa,
sîp mairin daknika nani,
bîp tialka laya ra aihtabi takan baku sa,
bara ridi sa ai tâwa ba irbaia.#Yam L 4.1-2.
7Mamwan painkira tnaya wâl ba lika,
dus mâ pâwan wâl painkira pali,
mamwan prakaika brisma ba tila kat yukuki swin ba baku sa.
8Kwin mairin nani 60 sa,
king lilika nani 80 sa,
tiara nani ba lika sip kulki sakras.
9Sakuna kumi baman sa,
yang butkuki mairin lupia ba
kumi baman sa,
luhpia mairin kau wantkira sna,
yaptika unhsakka tâura baikan ba.
Mairin tiara nani,
witin ba kaikuya ba ra,
yamni pali wisa,
kwin mairin nani bara king lilika nani ba sin
witinka ra mayunisa.
Aiwani nani ba
10¿Naha na ya,
lalma kahbi kan laptika baku
biki wan kaiki ba?
Kati baku painkira sa,
lapta wal baku ingnikira sa,
war aiklaklabra nani war ra aiklabaia taki auya baku,
sip alki takaskras.
Mairin ba
11Amans dusa nani tilara dimi wari,
il bîla nani ra, lî aubra nani ba
nahki pain ba kaikaia,
wain nasla ba urhwi sapa kaikaia,
ban dus mâ tangnika baiwi ba sin kaikaia.
12Baha ningkara daihra walras kapri
dîa takan ba,
lâs kat daihra walri,
truk kum bilara kapri kingki lamara pali.
Aiwani nani ba
13 #Naha borska nani 6.13—7.13 na bors. wala 7.1-14 ra kli baku ulban sa, baku Hibru nani ulbanka baku sa. ¡Kli tawi bal, kli tawi bal, Sulamita mairka!
¡Kli tawi bal, yang nani mai kaikaia brin wan daukisa!
Mairin ba
¿Bara dîa kaikan mai daukisa,
Sulamita mairka ba wina?
Aiwani nani ba
¡Dans kum, kiamp nani ra puli ba baku!
Currently Selected:
Yamni Kulki Lawana 6: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
