Aiseya 46
46
1Bel gâdka ba ai lula krikisa,
Nebo gâdka ba tasba ra kauhan;
aidul paskan nani ba, daiwan nani purara sunan, twilki brih wan
baha dukia nani man nani twilki brih waia katma ba,
wirhika nani ba daiwan swapan nani purara sunan.
2Gâd bahki nani ba,
ai lula krikisa bara tasba ra kauhisa
sip swak takras kan,
bara witin nani klauna priskan lâka ra auya.
3“Man nani Jekob watla uplika nani,
yang ra ai wals,
Israel watla uplika nani sut sin;
man nani ba yang upliki kaia,
man nani kau aisubi takras kapram yua ba wina,
pat mai sakri kan,
klaihkla ra mai twilkisna,
4almuk pali kamna ba ra,
yang dîa pas katna baku kamna,
tâiwa pihwan kabia kat sin yang ban tâm baiki kamni;
yang bui man nani mai daukri
bara kau ban watauki kamna man nani aikuki;
yang tâm baiki kamna bara swaki mai sakamna.
5“¿Man nani bui yang na ya wal praki ai kaikaia sma?
¿Bara yang na ya wal tailia pali kamna ki?
6Upla nani tila bâra sa
ai pakitka wina gul ailal saki ba
bara silbar paun ra mangki kaiki ba;
ningkara ai mihta ni diara papaskra kum ra yan
gâd bahki kum paskaia,
witin ra ai lula kriki bara mayunaia.
7Witin nani ai pahpaya ra sunisa,
witin nani twilki brih auya,
bara ai watlika ra kahbi swisa bâra kabia dukiara.
Baha ai watlika ra ba wina aiawras,
witin ra winisa sakuna pana mapara aisaras,
pât nani wina sin pri sakras.#Jir 10.5.
8“Naha kupiam krauki bas,
saura dadaukra nani,
yaprisauhkan ra kaiki baku takpara,
pain luki kaiks;
9man nani kupiam krauki bas,
blasi pali piua wina pat taki lui wan ba.
Yang sika Gâd, bara wala kumi sin âpu sa;
yang sika Gâd, yang wal baku wala âpu.
10Blasi pali wina maisa pakisna diara aula dukiara;
bara blasi pali ba kan kaia ra wina sin
diara nani kau daukras kan ba dukiara sin yang wisna.
Yang wisni: Smalkanki bîla nani ba ban bâra kabia,
bara diara nani want sna ba daukbia.
11Lalma tasbaya ba wina
yang waitna kum paiwri,
witin yakal baku balbia bara tasba laih pali wina
yang aisari ba baku witin daukbia,
yang daukaia luki kaikri ba baku sin daukamni.
12Kupia karnira nani, yang ra wals,
dîa lukisma, dîa swak takan lâka ba laih pali ra sa:
13Yang daukisna swaki sakanka warkka brisna ba lamara balbia;
yang swaki sakangki ba takaskras aula, laihura apia sa.
Saion ra swaki sakan lâka yabamni bâra sa,
bara yang praina ba Israel ra sa.
Currently Selected:
Aiseya 46: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
