Aiseya 31
31
Idsip uplika nani wina ai tâ baikanka pliki ba mapara
1Saura pali kabia Idsip hilpka briaia pliki auya nani ba,#Ais 30.1-5.
bara aras nani ra ai lukanka mangki bri nani ba,
bîla kaikanka nani bri nani ba sin,
wagin ailal pali bri ba mita,
aras âiulra ailal sin,
baha mita ban witin nani ba kupia karna sa;
Israel Gâd Holikira bâra ba lika kaikras,
witin nani Dawan ra sin plikras.#S L 21.31; Ais 30.16; Os 1.7.
2Sakuna witin sin sinskira sa,
bara klala saura nani bri balbia,
bara ai bîla nani aisin ba kli lakbia apia.
Witin saurakira nani ba mapara aisabia,
baha nani watawika lâka dauki nani
bara hilp muni nani ba mapara sin.
3Idsip uplika nani ba upla sa,
gâd apia, ai araska nani ba spirit apia, wîna nani sa;
baku bamna Dawan ai mihta sakbia klala yabaia,
bara kan kakahbra nani baku sin ai kan kahbi uplika nani sin kauhbia;
sim piua ra sut prui tiwbia,
sut dring prubia kumi baku.
4Dawan bui ai win:
“Layan kum bui sîp kum ra alki ikan ba baku,
sepad nani daknika kum aidrubi asla taki witin mapara balbia sin,
sakuna ai bîla baikra ni sirang ikbia apia,
witin nani binka dauki ba mita ni sin
sasibrira takbia apia;
karnika sut bri Dawanka ba sin
baku aiklabi bal iwbia Saion ilka purara.
5Tnawira nani âpi ai watla purara pâli kaiki ba baku,
karnika sut bri Dawanka,
Jerusalem ba kan kahbi kabia;
main kaiki swaki sâkbia,
tâwan aimaki pri sâkbia.”
6Israel luhpia nani,
witinka ra kli tawi bal,
witin mapara man nani sîa briras pali buram ba.
7Baha piua ra upla nani aidulka silbar ni bara
gul ni sin daukan ba sut lulkbia
bara baha man nani mihtam ni paski mihtam tâski daukram ba.
8Bâra mika Asiria nani ba sord ni batakan kabia,
sakuna upla karnika ni lika apia.
War ba mita munka ai uplika nani plapbia,
bara ai wahmika nani bara tiara nani ba alba bribia.
9Sibrin mita ai kingka ba taki plapbia
bara ai watla karnakira nani ba swih
plapbia war aiklaklabra wihtka tara nani ba sin,
sibrin tara mita ai plakinka nani ba swih plapbia.
Dawan ba naku wisa,
witin lika upla angkaia pata klauhanka ba Saion ra ridi brisa,
diara angkaika ba sin Jerusalem ra,
ai waihla nani ba klala yaia ridi brisa.
Currently Selected:
Aiseya 31: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
