Daniel (dc) TÂ BÎLA NANI
TÂ BÎLA NANI
Grik bîla ra ulbanka almuk ba wina laki ulbi sakan ba Daniel wauhkataya wina, baiki sakanka yumhpa brisa, sakuna baha ba Hibru almukka nani ulbanka ra âpu sa. Hibru wauhkataya ulbanka ba 3.23 bara 3.24 ba kat, baha tilara pas tâura aisinka ba, Azarías pura sunanka ba dukiara aisisa, baku sin wahma nani yumhpa aiwananka ba dukiara (naha ba marikisa ai numbika bri ba 3.24—90 ba kat). Ulbanka wala ba, Susana mairin kum kasakkira ba tânka dukiara aisisa, ban sakuna lâ uplika aihkakira wâl mita kunin lâka wal pâtkas kuna rug mairin saurakira kumi praiska dauki muni pâtkira dusa kuhbi ikaia lâka ra mangkisa, ban sakuna Daniel bui pruaia lâka ba wina swaki sakisa, kuninka lâka daukan nani ba param saki mariki muni. Ulbi sakanka nani kum kum ra, nahmuna ulbanka sâtka ba tâ pîska ra mangkisa. Wala nani ba ulbanka tnata tani ra mangki muni ulbanka lalka wala kum dauki tnaya ra praki numbika 13 mangkisa. Baiki saki ulbanka yumhpika ba tânka wâl bahara mangki aisi ba sika tânka saura pali aisi marikisa, baha lika aidul gâdka ra ai pura suni nani ba dukiara. Tâura lika, Daniel bui aidul gâdka Bel ra sauhki tiki ba dukiara aisisa, bara wala ba lika sitan piutka tara kumi ra ikan ba dukiara. Bamna naha tânka nani aiska ba wal ulbanka lalka wala kumi dauki ai numbika 14 ba mangkisa.
Daniel ra ulban wauhkataya Grik bîla ra ulbanka ba tilara tânka wâl bâra sa, tila nani ra ulbanka sât wala nani sin bâra takisa. Naha bîla wala ra lakan natka nani ba nina ba mâkisa ‘‘Teodoción’’.
Currently Selected:
Daniel (dc) TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua