Daniel (dc) 3
3
Azarías Pura Sunra ba
24Sadrac, Mesac bara Abed-negó ba#3.24 Cf. Dn 3.1-23. pauta aswan tila bâk wapi tauki banhwi kata, Dawan Gâd ra lawana nani aiwani bara mayunra nani sin yabi. 25Bamna Azarías ba,#3.25 Azarías: cf. Dn 1.6-7. pauta aswan tilara mahka ai pura sunan, naku natka ra:
26‘‘Man lika yamnikira sma, Dawan, yang nani almukki nani Gâdka sma ba. Man lika mayunra lâka briaia aitani sma, ninam ba piua bani ra pranakira sa. 27Dîa dîa yang nani dukira daukram ba sut tilara kupiam ra kunin lâka âpu sa. Daukankam ba wapni sa; diara rait lâka ba kat piua bani lâ aiska daukisma. 28Rait lâka ba kat lâ aisi mangkram sa, naha paniska nani sut yang nani purira bara Jerusalem purara bliki, baha lika wan damika nani tawanka tara holikira ba. Yang nani saurki nani ra lâ ba kat rait pali panis yabi, naha sut na wan blikram sa. 29Saurka lâka dauki bara wan lâka kulki banhras mita, man wina tnaya ra taki banhri sa. Diara sut ra saurka lâka dauki banhri sa. Lâmka nani ba bîla walras banhwi katna; 30baha lâka nani ba yang nani kulkras bara rayaki ra sin mangki briras katna, baku dauki banhwamna wisi adar wankram kata ba kat, baku dauki liliakira banhwi kamna dukiara. 31Baku bamna, trabil nani sut wan blikram ba, yang nani ra trabil nani daukram sut ba, rait aihwa pali lâ ba kat panis aiki banhram sa. 32Waihla watawikira nani mihta ra wan mangkatma, Gâdkas bara lâkas uplika nani mihta ra, king saurakira kum mihta ra, witin lika tasba aiska ra king kau saura ba. 33Nanara yang nani bîli sin sip kwâkras sna. Dukiam dadaukra nani bara mamyuni banhwi ba, kulkanka lâka luha bara swira lâka baman banhki atia sa. 34Man silp kulkankam lâka brisma ba mita, ban pali lulki wan swipara, pramiskam yang nani wal daukram ba slingbi tikpara, 35kupiam pihni lâka ba yang nani wina sâkpara. Pâmnika Ebraham ba dukiara dauks,#3.35 Cf. 2 Kr 20.7; Ais 41.8; Je 2.23. dukiam dadaukra Aisak dukiara bara Israel man dukiam kaia wisi sakan ba dukiara sin. 36Witin nani ra pramis munatma ai kiamka nani ba ailal pali daukma, sim kasbrika pura ra slilma nani baku, bara kabu un ra auhya sitni nani bâra ba baku. #3.36 Bla St 15.5; 22.17. 37Sakuna, Dawan, yang nani lika nisan wala nani sut purkara kau sirpi takri sa; saurki lâka nani tâka mita, tasba aiska ra yang nani mâyara ai kulkan sa. 38Naha piua pali ra yang nani king, prapit bara wihta sin âpu banhwisna, daiwan iki angki prisant yabanka, sakripais bara prisant yabanka nani sin âpu, awas mâka kîa painkira ba bara plun mâ nani dâkanka pas ba maiki kupiam pihnika lâka alki briaia pliska sin âpu. 39-40Sakuna naha sakripaiska naiwa yang nani maikisna na, kupi sarikira wal bara spiritki ba mâyara brih ki, man bui bris sîp sâtka nani bara bîp bul mahbra sakan iki sakripais yabanka ba baku, bara sîp luhpia batanira nani tausin ailal nani baku, bara baku mika aiska pali ninam blikaia sip banhwi kamna, kan man ra kasak luki nani ba ai swira lâka paskan kabia apia. 41Nanara lika yang nani kupi aiska wal ninam blikan ai daukisa, kulkanka lâka maikisna, kupiam lâka daukan ai dauki banhwisa; man bui yabrika swiri lâka bri banhwamnara. 42Kupiam pihnika bara latwankam lâka tara ba kat yang nani ra ai kaiki banhs. 43¡Dawan, karnikam lâka aihkakira ba wal pri wan dauks; ninam nahki pranakira tânka ba mariks! 44Dukiam dadaukra nani ra saura muni nani ba ra yas ai swira takbia, bamna yas mâyara iki banhwan kabia. ¡Karnika lâka bri ba mihta daks, bara ai paunka ba sauhki tiks! 45Bara latan kaiki banhbia man ba Dawan sma, Gâd kumi baman yaba; tasba aiska ra pranakira sma ba.’’
46Waitna nani king dukia dadaukra nani kata ba bui wahma nani ra pauta aswi kubuska ra dingkan kata ba, takaskras pali pauta aswan ba kau tara dauki kata ail laiki, awas mâka wal, kwala pîs nani bara dus tnawa nani wal sin. 47Bara pautika aswan twisa nani ba, kubuska tara ba wina kau purara 22 mita uli kata ba, 48taki muni kubuska tnaya kir ra Caldea uplika nani bâra kan ba ra angkan. 49Sakuna Dawan insalka ba kubuska tara bilara dimi wan, Azarías bara pânika nani ba aikuki kaia dukiara, bara kubuska tara ba wina pauta aswan twisa nani ba latara sakan, 50bara munan kubuska tara bîla ba ra pâsa kauhla kum krawi baku takaskan. Pauta aswan ba bui witin nani ra wiria pan kangbras kata, bara trabil kumi sin muni banhras kan.
Wahma nani yumhpa lâwanka ba
51Bamna wahma yumhpa ba, kubus tara ba bilara, ai bîla baikra kumi saki Gâd ra mayunra lâwanka kum aiwani banhwata. Naku aisi banhwi kan:#3.51 Naha lâwanka na ‘‘Salmo’’ nani lukanka ailal brisa.
52‘‘Yamnikira sma, Dawan, wan damika nani Gâdka,
kulkanka lâka bara mayunra lâkaaiska ba piu bani briaia aitani sma.
Ninam holikira bara pranakira ba yamnikira sa,
kulkanka lâka aiska bara mayunralâka aiska ba piu bani briaia aitani sma.
53Tempelkam holikira bara pranakira ra yamnikira sma,
kulkanka lâka aiska bara pranalâka aiska ba piu bani briaia aitani sma.
54Man ba yamnikira sma, king tronka ra iwisma ba,
kulkanka lâka aiska bara mayunralâka aiska ba piu bani briaia aitani sma.
55Man yamnikira sma, kirubinnani purara iwisma ba#3.55 Imp St 25.18.
bara namkra wal tihu dukia lâkanani biara kat dimi wîsma ba,
kulkanka lâka aiska bara mayunralâka aiska ba piu bani briaia aitani sma.
56Man yamnikira sma, kasbrika banhta ra,
mayunra lâka bara prana lâka bapiu bani briaia aitani sma.
57‘‘Dawan ra mayuni banhs, witin bui paskan dukia sut ba,
ban kaia ra witin ra kulkanka yabi aiwani banhs.
58Witin ra blis muni banhs, Dawan insalka nani,
ban kaia ra witin ra kulkanka yabi aiwani banhs.
59Heben, Dawan ra blis muns,
ban kaia ra witin ra kulkanka yabi aiwans.
60Dawan ra blis muns, kasbrika purara sma laya ba,
ban kaia ra witin ra kulkanka yabi aiwans.
61Dawan ra blis muni banhs,slilma sâtka nani witin bui mai paskan ba,
ban kaia ra witin ra kulkanka yabi aiwani banhs.
62Dawan ra blis muni banhs, yu lapta bara kati,
ban kaia ra witin ra kulkanka yabi aiwani banhs.
63Dawan ra blis muni banhs, kasbrika slilmika nani,
ban kaia ra witin ra kulkanka yabi aiwani banhs.
64Dawan ra mayuni banhs, lîauhanka nani bara diwas laya nani sut,
ban kaia ra witin ra kulkanka yabi aiwani banhs.
65Dawan ra blis muni banhs, pâsa nani sut,
ban kaia ra witin ra kulkanka yabi aiwani banhs.
66Dawan ra blis muni banhs,pauta aswan bara lapta,
ban kaia ra witin ra kulkanka yabi aiwani banhs.
67Dawan ra blis muni banhs, kauhla bara lapta,
ban kaia ra witin ra kulkanka yabi aiwani banhs.
68Dawan ra blis muni banhs,diwas laya bara lî klaswan,
ban kaia ra witin ra kulkanka yabi aiwani banhs.
69Dawan ra blis muni banhs, ais bara kauhla,
ban kaia ra witin ra kulkanka yabi aiwani banhs.
70Dawan ra blis muni banhs,kauhla piua nani bara ais iwanka,
ban kaia ra witin ra kulkanka yabi aiwani banhs.
71Dawan ra blis muni banhs,kakna nani bara tihmia nani,
ban kaia ra witin ra kulkanka yabi aiwani banhs.
72Dawan ra blis muni banhs, ingni bara tihmu,
ban kaia ra witin ra kulkanka yabi aiwani banhs.
73Dawan ra mayuni banhs, imyulanani bara kasbrika nani,
ban kaia ra witin ra kulkanka yabi aiwani banhs.
74‘‘Tasba, Dawan ra blis muns,
ban kaia ra witin ra kulkanka yabi aiwans.
75Dawan ra blis muni banhs,unta biara nani bara il nani,
ban kaia ra witin ra kulkanka yabi aiwani banhs.
76Dawan ra blis muni banhs, tasbara pâwi dukia nani ba sut,
ban kaia ra witin ra kulkanka yabi aiwani banhs.
77Dawan ra blis muni banhs, lî kârma nani,
ban kaia ra witin ra kulkanka yabi aiwani banhs.
78Dawan ra blis muni banhs,kabu nani bara awala nani,
ban kaia ra witin ra kulkanka yabi aiwani banhs.
79Dawan ra blis muni banhs,kabu daiwra tara nani bara lî daiwra wala nani,
ban kaia ra witin ra kulkanka yabi aiwani banhs.
80Dawan ra blis muni banhs,kasbrika tnawirka nani bâra ba sut,
ban kaia ra witin ra kulkanka yabi aiwani banhs.
81Dawan ra blis muni banhs,utla lamara daiwra nani bara wail nani ba sut,
ban kaia ra witin ra kulkanka yabi aiwani banhs.
82‘‘Dawan ra blis muni banhs, upla nani,
ban kaia ra witin ra kulkanka yabi aiwani banhs.
83Dawan ra blis muns, Israel,
ban kaia ra witin ra kulkanka yabi aiwans.
84Dawan prîska nani, witin ra blis muni banhs,
ban kaia ra witin ra kulkanka yabi aiwani banhs.
85Dawan dukia dadaukra nani, witin ra blis muni banhs,
ban kaia ra witin ra kulkanka yabi aiwani banhs.
86Dawan ra blis muni banhs,spirit wapni bri uplika nani,
ban kaia ra witin ra kulkanka yabi aiwani banhs.
87Dawan ra blis muni banhs,holikira nani bara kupiam bawikira brisma nani ba,
ban kaia ra witin ra kulkanka yabi aiwani banhs.
88Dawan ra blis munpi, Ananías, Azarías bara Misael,
ban kaia ra witin ra kulkanka yabi aiwanpi,
kan witin bui raiti wina pri wan daukata,
prura wina swaki wan sakata,
kubus tara klauhi kan pautika aswanba wina pri wan daukata,
pauta aswan twisa nani ba wina pri wan daukata.
89Dawan ra tingki yabi banhs, kan witin ba yamni sa,
ai latwanka lâka ba ban kaia ra bâra sa bamna.
90Dawan ra puram sunisma basut witin ra mayuns, witin lika gâd nani Gâdka ba,
witin ra kulkanka yabi aiwans, tingki yabi banhs,
ai latwanka lâka ba ban kaia ra bâra sa bamna.’’
Currently Selected:
Daniel (dc) 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua